2 Pedru 3:3 - Fanawbuid tagsibaliwas Fakayabian

³ Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

2 Pedru 3:3 ပူးပေါင်းရင်းမြစ်များ

Fangatulun 1:22

“Am fag ngay taw at yud e fagsafulun, seduge ya ban nu katanya am gugat? Ay am fag ngay taw takamalingun, seduge ya ban nu kamanagsag am kamalingun gugat? Ay am fag ngay taw at yud mamatanganan, seduge ya ban nu yud am kaylat fagsafulun?

Fangatulun 14:6

Takamalingun fag taw, wa kae fagsafulun. Dewa katanya, sik taw tagtogdungug, masakit tua nu kae fagsafulun.

Fangatulun 3:34

Ay kanya gfauri ngay taw tagfalingun at iba, dewa katanya, kanya gfon tua nusnge wain sas fagayu takamababaun.

Isayas 28:14

Nu katanya, dungugani Yawi at longan sa ayu, am takamalingun fag ngay tagfangguna Erusalem at ngay taw.

Isayas 29:20

Aroro umkalyam wan at madot fag ngay taw ay at ngay takamalingun. Ay umbul ban fagayu takaylat gfakamulun asalanan,

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Usea 7:5

Gina at fun at fangasalug fag menit, kanya fagayu nafainum fanlangu sas fun at ngay fagsuguan. Ay anggan at fun ginuman yangay gasfuan at ngay fagsuguan at yud gfadiuganan anya.

Uan 12:48

Nusnga sinu takauri angku at yud kaylat gfaning ku longan, e gfauri ban anya. Ku foyungan fag ngay longan tagfauri takatanya fag ngay taw sa taguyan fag menit.

2 Kurintu. 4:2

Ay nu katanya naubun wami at mapla ay at masuksukan fag ngay fakamulun. Ay wami gfandaya ay wami gtubus Dius at Longan. Nu bunway, fagayu em foyungan matuyan tua. Dius wan em tagfatuyan, ay masine tua em amatanganan sa sangay taw at daga salubangan.

2 Timuteu 3:1

Amatangani te, sa ban taguyan fag ngay menit, maksvn nu maidap.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

2 Pedru 1:20

Tagtungud sas fagayu, amatangani te, sis Dius at Longan we foyungan tagsiginan sik taglong at sadili famayamag.

2 Pedru 2:10

Kaugat wan ngay tagfaning at bilug at fakaylatun, ay takauri tam Fun at fagmabalyananun. Takatanya fag ngay taw at yud gfangapla ay kamatungudun, ay wa gadgaragun gfalingun ngay awatan at mabalyanan tagsis banwa.

1 Uan 2:18

Ku ngay sisian, katsi munakbang wan at fakatabuan fag ngay menit. Ay nadungug wam te, kadasug ban tagfawayan tam Fun Isus. Ay dewa katsi ngayu wan tagfawayan tam Fun Isus. Nu katanya, nasaful watam te, katsi munakbang wan at fakatabuan fag ngay menit.

Udas 1:16

Kanya fag ngay taw maksvn nu kamayud, ay maksvn nu gfaning at bilug at fakaylatun, ay kamatungudun sabaliwa at sadili fakamulun, ay gfaylatan tibak taw laman mafafabul at fakaylatun.

Udas 1:18

Siginan ebi, kanya nafoyung sa ayu te, sa ban taguyan fag ngay menit kadasug takamalingun fag ngay taw, tagfaning at fakaylatun at mauri.