2 Pedru 3:2 - Fanawbuid tagsibaliwas Fakayabian

² Amatangani Dius at ngay taglong at ngay foyungan ebi, ay tam Fun tam Tagfalangfe at longan at nafon sa ayu siginan at ngay nasugu.

2 Pedru 3:2 ပူးပေါင်းရင်းမြစ်များ

Udas 1:17

Dewa katanya, ku ngay fakesugun, kabavn amatangi tam Fun Isus at ngay nasugu at foyungan sa ayu.

2 Pedru 2:21

Amasine yap kafag ngay taw nu ddi ngap nasaful dalan tagsas fagmatuyanun, ay abandi ngap kanya nu gubun way at matuyan fag suguan at nafoyung sa anya.

Lukas 1:70

kata Dius at fatuyanan ebi at nalong sat ngay taglong.

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.

Efesu 2:20

Itam fag ngay tagafanud kata tam sik bale daul, tam turuk, Isus at ngay nasugu wan ay Dius at ngay taglong, ay tam fagtungkudan turuk, we tiba nu bunway tam Fun Isus wan.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 10:43

Ngay taglong nafoyung sabaliwas Isus te, fagayu tagafanud sa anya umkalyam wan at ngay asalanan.”

Fakamulun 3:21

Dius ban yakmay nafabagu fagayu nusnge wain, kata at foyungan sat ngay taglong ebi taguna, kanya ban gbanwan yay gugat sis banwa.

Fakamulun 3:18

Ay baliwan ay nafakamulun takatanya, anfasludan Dius at nafoyung ebi siginan at ngay taglong at foyungan te, Dius ban at nafili fag Fun nanginkidapan.

Lukas 24:27

Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

1 Uan 4:6

Dewa katanya, itam Dius tua tam at ngay taw, ay nusnga sinu at natoglag Dius, gdungugan tua antam. Ay dewa katanya, nusnga sinu at yud siginans Dius, kanya wa gdungugan antam. Katanya tam fagsafulan te, sik taw at foyungan siginan tua at Masine fag Falad ay mannga siginan way takamuagan fag falad.

2 Pedru 3:15

Amatangani tam Fun fagnafae bukngaun yay laman umlangfe tuam. Kata tam fakesugun tam faduksay Pablu at rirukan sa ayu siginan Dius at nafon sa anya fag fagsafulun.

Galasya 6:2

Gubuki tua nusnga sinu si ayu at ke fagidapun. Takatanya fag balyawvtan gfaning tuam tam Fun Isus at suguan.

Efesu 3:5

Tuy fag masuksukan we taw nasaful ebi ginan fag ngay buknga, ay katsi Dius nafasure sat mafilian fag ngay nasugu ay sat ngay taglong siginan at Masine fag Falad at gubuk.

1 Timuteu 6:14

kabavn matuyani nu gfaning o tuy fag suguan laman ban di o e malong anggan tam Fun Isus andasug,

2 Pedru 3:16

Katanya yangay fagayu at foyungan sit ngay rirukan. Ay tibak afud at rirukan maidap katogdungug, ay at yud e fagsafulun ay at yud mamatanganan nasalan nu gfae masuad kafag foyungan. Ay katanya yangay at fakamulun sa tibak rirukan. Ay nu katanya kanya yay fagayu tagfaurianan at ngay sadili.