2 Pedru 2:4 - Fanawbuid tagsibaliwas Fakayabian

⁴ Dius wa nfanyu ya takamabo fag ngay tagbarita. Abat ngate, kanya naubung kafag ngay tagbarita sasad lusung tangabasad ay at maksvn nu madulum. Kanya ban fagayu sanya way gugat nu dyakmay ban andasug nu ginsaful asalanan fag menit.

2 Pedru 2:4 ပူးပေါင်းရင်းမြစ်များ

Ub 21:30

O nunda glong te, ‘At mauri ban fag taw umlangfe gina Dius gfaurianan fag menit.’

Ub 4:18

Dius ro nu gaduanun way sat fagsuguan fia fag ngay tagbarita, ay nu nasaful way kafag ngay tagbarita at fagyudun mamatanganan,

Alubad. 78:50

Dius nafafasludan at dotama, ay wa nafalangfe ya ngay taw Igiptu, abat ngate, nafabul way siginan at maksvn fag fakasaitun.

Isayas 14:12

O at nafangayan te, Tagurabas, antong wo siginans banwa. Ay o ebi tagbabo ngay talun at ngay taw, antong wo sas daga.

Esekyel 5:11

Au, Fun Dius Yawi, gfatuyanan au te, kafanud nu gleleg au, namamin kban ayu, ay kwa ban kafanyu ya ayu, aroro nafasuya am ku bale siginan nu gseg am at yud matuyan fag ngay fagsegan ay siginan nu gfakamulun am nusnga setaw fag ngay fakamulun at maksvn nu mauri.

Esekyel 7:4

Kwa ban kafanyu ya ayu. Namaurianan kban ayu kata ay nafakamulun at mauri laman sumaful am te, au Yawi.’

Esekyel 7:9

Kwa kafanyu ya ayu. Namaurianan au ayu aroro mauri ay ngay nafakamulun. Nu katanya, sumaful ban am te, au Yawi at nafaurianan ayu.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Mateu 8:29

Ay kanya fag duak taw nauro te, “Nataw am fagyafakamulunun ro sa emi, o Dius at Baguama? O am fagnastieun namaidapan o emi, dewa yud yay andasug nu gfaurianan fag menit?”

Markus 5:7

Isus glong sa anya te, “O fag mauri fag falad, loi wan sanya ginan fag taw!” Ay maksvn kafag taw nu guro te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu sis Dius at daga salubangan te, lag gfauri angku.”

Lukas 10:18

Ay Isus nalong sa anya fagayu te, “Nalag au Satanas nu katong siginans banwa kata sik limbad.

Lukas 8:31

Ay kafag ngay falad at mauri maksvn nu get sas Isus te, “Lag gtabug emi sas tangabasad fag lusung laman namaurianan emi.”

Uan 8:44

Ay mama ang way Satanas. Ay kaylat am gfakamulun ay mama at fakaylatun. Siginan ngays fakasigadan kanya takamabul way, ay wa kaylat sat matuyan, ay nusdi sik alay we si anya at matuyan. Kanya kamuag gfaning at ugali, aroro kanya takamuag ay sia wan fun fakamuagun.

Ruma 11:21

Dius ro nu nagatvng way at matuyan fag ngay sanga, kaugat wa ro ayu.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Deuterunumyu 29:20

Yawi wa kafanyu ya takatanya fag taw, ay maksvn nu kauri anya, ay umfasludan sa anya fagayu faurianan at marirukan ste fag fafil, ay Yawi ban gfalyam wan kanya fag taw at ngayan siginans fagdaul daga.

2 Pedru 2:11

Ngay tagbarita, dewa amabitsug yap tua kanya fag ngay taw, kanya wa gfalingun taw banwa si tam Fun at daga salubangan.

2 Pedru 2:5

Ay Dius wa yangay anfanyu ebi fag ngay taw, ay kanya nafadasug sik lino daul laman gfamin kafag ngay taw at yud gfaning anya. Ay at kinlangfe, Nui way lang, ay at fadgaloan fag fitu. Nui wan at nafamoyung sat matuyan fag ugali.

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

Udas 1:6

Ay amatangani yangay ngay tagbarita at naubun at ugali ay at fagbanwanan. Dius nasiuk takatanya fag ngay tagbarita ay naubung sasad fagmadulumun yakmay ban andasug fanginsafulan asalanan fag menit.

At Nafasure 20:10

Ay Satanas, at nadaya kafag ngay taw, e gukas ban anya sas afuy daul ay asupri, sat fagukasan tagfangagat fag mela ay takamuagan fag taglong. Ay kanya ban fagayu magamut gafaurianan fagayu menit ay fagayu yabi ay kabavn ban.