2 Pedru 2:3 - Fanawbuid tagsibaliwas Fakayabian

³ Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

2 Pedru 2:3 ပူးပေါင်းရင်းမြစ်များ

Ub 6:27

Ay wain, o matuyan wam? Nafasik fagsuguan am sik sisian at yud e fagtainan ya, ay nafae bayad am ay fagadgalangan.

Alubad. 18:44

Kanya fagayu nu nadungug sabaliwa angku, gfaning wa vtv angku. Ay kanya fag ngay betaw maksvn nu kalimu, ay grungan si ku daga salubangan.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 81:15

Fagayu takauri angku gtudan kalimu sa ku daga salubangan. Ay kabavn ban kanya fagayu gafaurianan.

Isayas 5:19

Ay nalong yayam te, “Taw Israel at Dius at yud e Malong, fasakiti wan nu gfadasug o am algan, laman lumag ami. Fafasludani wan ebi am nalong am fagnamakamulunun, laman sumaful ami.”

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Isayas 60:22

Kanya wa ngayu, dewa katanya umkayu ban. Kanya sik ngay yud e kwa, dewa katanya, umsik mabalyanan ban fag talun. Au Yawi, gabanganan kban gfakamulun takatanya nu ndasug ginanya fag buknga.”

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 13:19

Nafauri am angku si ku ngay taw at daga salubangan, dewa way siginan sik alay fag barli ay fag tinapay. Ay siginan ay fakamuagun nalong am te, “Fabuli wan at yud e asalanan ay falangfei at ke ngay asalanan.” Ay ku ngay taw nafanud sa ay foyungan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Abakuk 3:3

O wan at yud e malong fag Dius takadasug siginans Teman ay buksul Paran. Am fagmasuloun anfagdaul banwa, nu katanya, fagayu taw sas fagdaul daga, sumeg emu.

Malakyas 1:10

Yawi at Mabalyanan nalong yay fia te, “Am tua ban nangus at sadi tagdingding ku sakbawan bale, laman wam namae afuy sas fagirugan nu dway matuyan! Dewa katanya, kwa guseganan ayu ay kwa kaylat ay ngay fanggalangun sa angku.

Mateu 23:14

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Aroro gfamin am ngay fagbubayun at ramraman. Ay kamatungudun am siginan nu gdarangin am tangaba. Nu katanya way ay fakamulun, kaugat yay ban nu gafaurianan am.

Lukas 18:8

Gfoyung au ayu te, Dius masakit nu ggubuk. Ay au, Taw at Baguama, gina kban kafoli ste swa daga, o e lagan ktua ban tagafanud sa angku?”

Lukas 20:20

Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Lukas 22:47

Gina Isus garingang, ngayuk taw andasug. Ay Udas, Isus at labi duak nasugu at sadi, tagfangguna kafag ngay taw. Udas nanangakbang sas Isus ay nayuk anya.

Uan 2:16

Isus nalong sa sangay tagfabayad labikung te, “Buli wan ste ginan kanya fagayu. Lag am kawat ku Mama at bale laman sik fagfungsuan.”

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

Deuterunumyu 24:17

Matuyani nu gfawabilugan am ay ngay betaw ay anggan ngay yud e fagtainan ya. Lag am gbul sik fagbubayun at lanbung laman famanya at famangsi at bedan.

Deuterunumyu 32:35

Yawi glong te, “Au ban at namasud ay at namaurianan anya fagayu, aroro sik buknga ban kanya fagayu umdangsal. Munakbang wan nu gfaurianan au anya fagayu.”

1 Tesalunika 2:5

Saful wam te, em fakamoyungun bundi siginans famaylatan fag longan ay bundi siginans famuagan fag foyungan laman kae ramraman ami. Dius wan tagfatuyan takatanya.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

1 Timuteu 3:3

ay di glanguan, ay di gfangagras nu bunway malukme tua, ay di gfangalabian salapi,

1 Timuteu 3:8

Ay katatuy at masine ngay tagtanud at ugali: sik fagsuyuun tua, ay matuyan tua at aringang, ay di glanguan, ay di gfangalabian,

1 Timuteu 6:5

Kanya fagayu kaylat kamabadbaboan ay wa matuyan at ngay amatanganan ay wa saful at matuyan. Kanya fag ngay taw at amatanganan, fagfaningun Dius sik balyawvtan way laman karamraman.

Titu 1:11

At masine salagi wan fagayu tagfakamulun takatanya, aroro gfauri way tibak talanan at fagafanudun. Kanya kaylat gfoyung at yud masine, laman gbul ngayuk salapi.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

1 Pedru 2:8

Ay “Kanya sik fakataidan fag gang, tagfalub ban ngay taw.” Kanya fag ngay taw antaid aroro kamabo Dius at Longan. Katanya Dius at nafalganan sa anya fagayu.

1 Pedru 5:2

Alagai Dius at ngay tupa tagsi ayu. Dangay am gafabulunan, nu bunway useganani tua fia sa ay amatanganan, ay bunwa te, aroro kaylat am gyabulun salapi. Katanya tua Dius at fakaylatun.

2 Pedru 1:16

Em foyungan sa ayu sa baliwa tam Fun Isus at fagmabalyananun nu gdog ban kadasug, bundi lang siginans taw at fagsafulun ay at fagmamatanganun. Nu bunway nalag ami fia at fagmabalyananun,

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.

2 Pedru 2:9

Nu katanya, amatangani te, tam Fun saful tua gfalangfe at matuyan fag ngay taw siginan sangay famaskud, ay saful yangay gfaurianan at mauri fag ngay taw gina ban andasug fanginsafulan asalanan fag menit.

Udas 1:11

Afanyuan kafag ngay taw! Aroro kanya fagayu nafaning Kain at fakamulun; ay maksvn nu galabian salapi kata Balaam; ay kamabo kata Kura. Nu katanya, kafag ngay taw umfaurianan yangay ban.

Udas 1:15

laman kanya nanginsaful fagayu taw at asalanan, ay namaurianan fagayu taw at yud natoglag Dius, aroro takatanya fag ngay taw maksvn nu mauri ay nu glong at mauri sa anya.”

Udas 1:16

Kanya fag ngay taw maksvn nu kamayud, ay maksvn nu gfaning at bilug at fakaylatun, ay kamatungudun sabaliwa at sadili fakamulun, ay gfaylatan tibak taw laman mafafabul at fakaylatun.

Udas 1:4

Aroro wam nasaful nu kadasug sa ayu tibak taw tagfabulun gfabali foyungan sabaliwa Dius at fagmagalangun, laman mafakamulun at fagfanugtugun. Kanya wa kaylat gtoglag Isus tam Fun tam tiba tungud fag Fun. Ay siginans fakasigadan e rirukan te, kafag ngay taw gafaurianan ban.

Udas 1:7

Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.