2 Pedru 1:4 - Fanawbuid tagsibaliwas Fakayabian

⁴ Siginan takatanya, kanya nafatuyanan sa antam fagayu nusnge wain at mafanud, laman ay ugali tagsiginan tuas Dius ay laman masaruy am at mauri fag ugali sis fagdaul daga.

2 Pedru 1:4 ပူးပေါင်းရင်းမြစ်များ

Ruma 9:4

Aroro kanya fagayu sik ngay taw Israel, Dius nafangayan anya fagayu te, at sisian, ay nafon sa anya fagayu sik fagmasineun, ay nawat sik nasadian, ay nafon yangay Muisis at Faugali, ay nafoyung at matuyan fia at fagnansegan, ay e ngay fatuyanan.

2 Kurintu. 1:20

Aroro Isus wan tagfafasludan Dius at fatuyanan fagayu. Ay nu katanya siginan anya, guseganan tam te, Dius matuyan.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

2 Kurintu. 6:17

“Nu katanya, tam Fun glong te, Ayayui wan siginan kafag ngay taw. Ay lag am gted nusnge wain tagfasik masuya ayu. Nu nafakamulun tua ban am takatanya, kaylat kwan ayu.”

Galasya 3:16

Dius nafatuyanan sas Abrayam ay sat ngay kasugfunanan. Nu gfatuyanan, wa nalong te, “sa ban am ngay kasugfunanan,” at masuad, ngayu, nu bunway, nalong way te, “sa ban am kasugfunanan,” at masuad, sadi way. At fagfatungulan tam Fun Isus wan.

Galasya 6:8

Ay nusnga sinu fag taw at fagugatanun gtanum nu sa way at bilug at fakaylatun, umdasug ban sas faurianan. Dewa katanya, tagugatan tua gtanum sabaliwa at Masine fag Falad, kanya ban gumutlu leleg at yud e fakatabuan siginan at Masine fag Falad.

Efesu 4:13

Takatanya fag balyawvtan, umsadi tua tam sas fagafanudun ay tumoglag tam Dius at Baguama, laman umtuyan fia tam kaugalian kata tam Fun Isus nu matuyan.

Kulusas 3:10

ay nasulun am at bagu fag ugali. Dius, at nawat ayu, gfataglayun gfabagu ay ugali gfaning anya, laman tumoglag am fia anya.

Ebreu 12:10

Gina tam alay, tam ngay mama gatul tua antam, gfaning at amatanganan te, katanya at matuyan. Ay Dius gatul fia antam laman e fagmasineun tua tam, ay laman tam ugali gfaning tua anya.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

2 Pedru 3:13

Ay dewa katanya kata Dius at fatuyanan, gfanya tam sik bagu fag banwa ay fag daga, at matuyan fag ngay taw at fagbanwanan ban.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.

1 Uan 2:25

Nu katanya, mul tua ban am at fatuyanan fag leleg at yud e fakatabuan.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.