2 Pedru 1:3 - Fanawbuid tagsibaliwas Fakayabian

³ Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

2 Pedru 1:3 ပူးပေါင်းရင်းမြစ်များ

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Fangatulun 12:4

At matuyan fag bubay, maylat tua ay mauseganan sat indugan, dewa katanya, sik bubay at mapla, kata way sik fakasaitun sit indugan at bini.

Fangatulun 31:10

Maidap grvbvy at matuyan fag bubay. At kamafanudan gtungud tua sik mafanud fag ngay famasine.

Fangatulun 31:29

“Ngayuk bubay at matuyan, dewa katanya, o wo wan at matuyan sas fagayu.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Ruma 8:32

Kanya nu ddi nadgaragun gfon at Baguama sas fakabulun, ay nafon tua anya sa antam, o nunda ro wa gfon sa antam fagayu nusnge wain, gasfuan at Baguama?

Ruma 9:24

Itam wan Dius at nauro fag ngay taw, bundi lang ngay taw Udyu, nu bunway anggan yangay at yud Udyu fag ngay taw.

1 Kurintu 1:9

Matuyan tam Dius at nauro ayu laman masadi am sat Baguama, Isus tam Fun.

2 Kurintu. 12:9

Ay kanya nabalus angku te, “Ansak wan ku fagmagalangun sa emu, aroro ku fagmabalyananun kalag si emu gina o mamomuy.” Nu katanya, maksvn nu guseganan au kamatungudun sa baliwa ku fagmamomuyun laman tam Fun Isus at fagmabalyananun si tua gugat angku.

Efesu 4:1

Au sik maubungan aroro siginan nu gfaning au tam Fun, maksvn nu glong au ayu te, ugalii tua at masine kata Dius at ngay nauro.

Efesu 4:4

Ansadi tam sa sik bilug ay sa sik Falad, ay sadi yangay tam fagsegun at nafon antam gina nauro antam.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

Kulusas 1:16

Aroro fagayu sis banwa ay sis daga takalag ay yud kalag anggan at ngay mabalyanan, ay fagmafunanun, ay fagtainan, ay tagfunan fag ngay falad, kanya fagayu ankawat siginan at Baguama laman sa anya.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

1 Tesalunika 4:7

Dius at fagnauroun antam laman wa tam namaning ya fagmauriun nu bunway laman di tam e malong.

2 Tesalunika 2:14

Katanya tam Dius at fagnauroun ayu siginan at Masine fag Barita em nafoyung ayu, laman e afud tuam sa tam Fun Isus at fagmasineun.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

2 Timuteu 1:9

Kanya nafalangfe ay nauro antam laman di tam e malong, bunwa siginan tam ngay fakamulun nu bunway siginan tuas Dius at algan ay at fagmagalangun sa antam, at nafon sa antam sa tam fagmasadiun sa tam Fun Isus, siginan ngay nu yud ankawat fagdaul daga.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

1 Pedru 1:15

Dakngani at nafili ayu fag Dius we malong, at masine anggan am, dangay am e kalong nusnge wain ay fakamulun.

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.

1 Pedru 2:21

Matuyan, Dius nafili ayu laman gagwantan am, aroro tam Fun Isus naidapan laman sa ayu. At nafakamulun sik fagulitan, laman gfaning tuam anya.

1 Pedru 2:9

Dewa katanya, am sik nafili tuam fag ngay taw, ay tam Fun tuam at ngay tagfon fanggalangun, ay sik furuan at mafasamanan laman sas Dius. Dius nafili ayu laman gfoyung am at nafakamulun fag ngay madulo. Ay nauro yangay ayu siginan sad fagmadulumun laman glo am sat fagmayamagun at maksvn nu madulo.

1 Pedru 3:9

Nu e nafakamulun sa ayu at mauri, lag am gfasud. Lag am gfalingun tagfalingun ayu, nu bunway darangini way te, Dius nangus gfon sa anya at masine, dakngani am wan at nafili laman namul at masine.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

2 Pedru 1:10

Ku ngay faduksay, ugatani atuyani te, Dius tuam at ngay nafili. Aroro nu katanya tua ay fakamulun, di ban am kamomuy.

2 Pedru 1:2

Sumawa fia ayu Dius at fagmagalangun ay at fagmanabayanun siginan ay natoglagan tam Fun Isus tam Dius.

2 Pedru 1:5

Nu katanya, ugatani fia masine ay famuti sa ay fagafanudun fagmalukmeun, ay sas fagmalukmeun famuti fagsafulun.

2 Pedru 1:6

Ay sas fagsafulun famuti fagfaragangun ay sadili, ay sas fagfaragangun ay sadili, famuti fagagwantanun, ay sas fagagwantanun, famuti fagfaningun sas Dius,

2 Pedru 1:8

Nu kaksvn tua nu gugali am takatanya, di ban umyud e masuad ay natoglagan tam Fun Isus nu bunway e tungkul tua ban.

2 Pedru 2:20

Kafag ngay taw nu nalfas ste ginan swa daga fag fagmauriun siginan nu gtoglag Isus, tam Fun ay tam Tagfalangfe, ay kanya fagayu nu nfoli way ay nadog nagbilugan asalanan, nu mauri gtungud yay ebi taguna.

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.

Rut 3:11

Baguina, lag o gafanawa. Namakamulun kban fagayu am fagetun, aroro fagayu ku fasabale saful te, sik matuyan tuo fag mangena.