2 Kurintu. 7:4 - Fanawbuid tagsibaliwas Fakayabian

⁴ Maksvn nu gafanud au ayu, ay kabavn guseganan au aroro sa ayu. Dewa ngayu em fagidapun, maksvn tua ku fagmasunun, ay ngayu ku fagusegananun.

2 Kurintu. 7:4 ပူးပေါင်းရင်းမြစ်များ

Fakamulun 5:41

Ay kafag ngay nasugu nalo wan siginans taw Udyu at ngay tagfangguna, ay maksvn nu guseganan aroro Dius nafon fangagwanta aroro sas Isus at ngayan.

Ruma 5:3

Ay bundi lang katanya, nu bunway guseganan yangay tam dewa tam gidapan, aroro saful tam te, kaduge tam gidapan, kananad tam gagwanta,

1 Kurintu 1:4

Kabavn guseganan au sas Dius sabaliwa ayu aroro nafon tua sa ayu at fagmagalangun siginan tam Fun Isus,

2 Kurintu. 1:14

deyud am fia togdungug. Fakatanyaun laman ban e fakamatungudunun tuam sabaliwa emi, gina tam Fun Isus andasug fag menit, kata nu kamatungudun ami ayu.

2 Kurintu. 1:4

Kanya wan tagfasun antam sas fagayu tam fagidapun, laman mafasun yangay tam fagayu at ke fagidapun, kata Dius nu gfasun antam.

2 Kurintu. 10:8

Kwa kapla dewa au kamatungudun sabaliwa em fagmabalyananun tam Fun at nafon sa emi laman tagfaksvn ayu, bundi tagfamomuy ayu.

2 Kurintu. 11:21

Maksvn mayngap nu mapla aroro wami kaseganama kafag ngay taw. Dewa katanya, glong ami te, wami makatu gfakamulun takatanya fag balyawvtan. Ay dewa katanya, kata tibak taw si ayu nu kamatungudun, au kamatungudun kyangay. Garingang au kata sik tagfansaful.

2 Kurintu. 2:14

Guseganan tam sas Dius aroro kanya gfosuk tua gugat emi sa tam Fun Isus at fagmababoun aroro masadi tua ami sa anya. Ay nusnga nday ami, Dius gagbilug emi laman gfatoglag ami tam Fun Isus sas fagayu taw. Takatanya em fakamulun kata nu gfarapyag ami sik famaebebanglu.

2 Kurintu. 3:12

Ay aroro e fagsegun tuami takatanya, mabitsug tua em amatanganan nu gfakamulun ami.

2 Kurintu. 7:14

Ay nafamatungudun au sas Titu te, masine am, aroro nu setain em longan sa ayu nu matuyan, matuyan yangay ku nafamatungudunun sas Titu sabaliwa ayu, ay kdi nkapla.

2 Kurintu. 8:24

Nu katanya, falagi sa tam faduksay fag tulu te, matuyan tua nu kesug am anya, laman ngay furuan sumaful te, matuyan em fagusegananun sabaliwa ayu.

Filipus 1:14

Siginan yangay nu maubungan au, ngayu tam faduksay at kinkaksvn at fagafanudun sas Dius, ay maseganama yangay nu kamoyung Dius at longan.

Filipus 1:20

Ay ku fakaylatun ay ku fagsegun kdi ban nangus umkapla nusnga setaw at kumdasug sa angku, abat ngate, gfaksvn au ku amatanganan, laman dewa au gleleg yay ay dewa au nbul wan, gfauseganan ktua gugat tam Fun Isus.

Filipus 1:26

Ay nu ndasug kban sa ayu, kaugat nu guseganan am sa angku ay kaugat yay ban nu gfauseganan am tam Fun Isus.

Filipus 2:17

Ay fagafanudun ay ay fagfaningun sa tam Fun kata sik fanggalangun sa anya. Ay ku taguk dewa umbusbus gasfuan ay fanggalangun, guseganan au, ay gfasfuan kban ayu guseganan.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

1 Tesalunika 2:19

Aroro am wan em fagsegun, ay em fagusegananun ay em fakamatungudunun em foyungan ban sa tam Fun Isus at daga salubangan gina ban anfoli.

1 Tesalunika 2:2

Nasaful wam te, naidapan ami ay nafalingunan sis furuan Filipus. Dewa katanya, tam Dius nafabitsug tua em amatanganan laman gfoyung ami sa ayu at Masine fag Barita dewa ngayu tagsalag emi.

2 Tesalunika 1:4

Maksvn nu guseganan ami gfoyung sas Dius at ngay taw tagsi tibak furuan sabaliwa ay fagafanudun ay ay fagmagwantaun, dewa am nadalan ngay fagidapun ay ngay famaskud.

Filemun 1:7

Ku faduksay, anggan au guseganan kyangay ay ansun, aroro siginan nu kesug o, nafae fagmanabayanun tuo anya fagayu.

Santiagu 1:2

Ku ngay faduksay, useganani dewa ndasug sa ayu ngayuk famaskud.