2 Kurintu. 5:9 - Fanawbuid tagsibaliwas Fakayabian

⁹ Nu katanya, katsi em fakaylatun gfauseganan ami fia anya dewa ami ste yay swa daga ay anggan gina ban ami sit day tigyangan.

2 Kurintu. 5:9 ပူးပေါင်းရင်းမြစ်များ

Fakasigadan 4:7

Nu matuyan di am nafakamulun, mabayan tua ro wo, dewa katanya, madiriani tua! Aroro nu dway matuyan am nafakamulun, asalanan kata sik madot fag mela at mafanyan gugat laman nangagat emu. At masine baboi tua.”

Isayas 56:7

Gtaban kban anya fagayu sa ku nafili fag buksul yud e malong ay namae fagusegananun kban anya fagayu sa ku bale daranginan. Ay kaylat kban at fagirugun fag ngay fanggalangun, ay tiba yak fanggalangun at nairug sa ku fagirugan, aroro ku bale ban kangayan te, fagayu talun at taw at fagnandaranginan.”

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Fakamulun 10:35

Dius kaylat dewa ndaginan fag talun at taw nu gsuyu tua anya ay gfakamulun at matuyan.

Ruma 14:18

Tagfaning takatanya aroro sa tam Fun Isus, gfauseganan tua Dius, ay fagayu taw kaylat tua anya.

Ruma 14:8

Kaduge tam gleleg, gleleg tam laman gfauseganan tam tam Fun, ay nu kabul watam, kabul tam laman gfauseganan tam tam Fun. Nu katanya, dewa tam gleleg ay dewa tam anbul, tam Fun tua tam at ngay taw.

Ruma 15:20

Ku algan kaylat au namoyung at Masine fag Barita sat yud yay batang gdungug fag talun at ngay taw sabaliwa tam Fun Isus, laman kwa namoyung sa tibak taw at batang wa e nanfamoyung.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

2 Kurintu. 5:6

Nu katanya, em amatanganan mabitsug tua gugat aroro nasaful wami te, kaduge tam ste swa daga si tam bilug fag fagbanwanan, ya tam si tam Fun at day tigyangan.

2 Kurintu. 5:8

Guseganan wami, ay gamatangan wami te, masine wami gubun tuy fag bilug laman namanwan tuami sa tam Fun at day tigyangan.

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:29

Gugatan au gfakamulun takatanya siginan tam Fun Isus at fon angku fag fagmabitsugun.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.

1 Tesalunika 4:11

Ugatani banwani manabayan. Lag am kasalag ay iba nu mabanwan, nu bunway ugatani tua sa ay sadili fakamulun kata em longan ayu,

1 Timuteu 4:10

Siginan takatanya, gugatan tam aroro e fagsegun tua tam sa tagleleg fag Dius tagfalangfe fagayu taw, kaugat wan sa sangay tagafanud.

Ebreu 12:28

Useganani aroro tam fagnamulun ban siginans Dius fag fagfagtainanan di ban kauig. Nu katanya, segi fauseganani tam Dius. Alimui fia faningi anya ay suyui tua anya.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.