2 Kurintu. 5:5 - Fanawbuid tagsibaliwas Fakayabian

⁵ Dius wan at nafalganan takatanya sa antam, ay kanya nafon sa antam at Masine fag Falad laman tagfatuyan te, matuyan gtubus ban tam bilug.

2 Kurintu. 5:5 ပူးပေါင်းရင်းမြစ်များ

Isayas 29:23

Aroro Akub at ngay kasugfunanan gina lumag ku nafakamulun sa anya, kanya dumungugan tua angku, Akub at yud e malong fag Dius. Ay kanya kalimu tua angku, Israel at Dius.

Isayas 60:21

Ay am ngay taw ban umsik matuyan tua, ay kanya ban fagayu gagbilug at talun kabavn. Kanya fagayu nafakata au sik tanum ku natanum laman gfalag au ku fagmasineun.

Ruma 8:23

Ay bundi lang kanya fagayu tagfandeng gidapan nu bunway anggan tua itam at nabul at Masine fag Falad. Kanya Dius at nafon sa antam taguna, kaduge tam gfanya Dius nu gfalangfe tam ngay bilug ay gfasure fagdaul at fagmatuyanun te, Dius watam at ngay sisian.

2 Kurintu. 1:22

Dius nafatuyan te, itam wan at ngay taw, ay kanya nafasa antam at Masine fag Falad laman tagfatuyan te, mul ban tam at ngay fatuyanan.

2 Kurintu. 4:17

Em ngay fagidapun wa maksvn ay wa ngaduge. Ay kanya gfosuk emi sat yud e fakatabuan fag famonun at yud e gfasud.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Efesu 4:30

Ay lag am gfae fakabaluun Dius at Masine fag Falad. Aroro kanya wan fakatoglagan te, masadi tuam si anya, ay tagdiri ayu anggan ban andasug Dius at falganan fag menit laman gfalangfe ayu.

1 Uan 3:24

Nusnga sinu tagfaning Dius at longan, kanya gbanwan sas Dius, ay Dius gbanwan si anya. Ay saful tam te, Dius gbanwan si antam siginan at nafon sa antam fag Falad.