2 Kurintu. 4:4 - Fanawbuid tagsibaliwas Fakayabian

⁴ Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 4:4 ပူးပေါင်းရင်းမြစ်များ

1 Fun 22:22

Ay kafag falad nabalus te, ‘Nanlao au ay namasik takamuagan au kanya fag ngay taglong.’ Nu katanya, Yawi nalong anya te, ‘Loi wan ay namakamulun o takatanya.’

Alubad. 50:2

Kanya gyamag siginan at filian fag furuan Siun, at yud e kalong at kasinean.

Isayas 6:10

Ay nalong yangay te, “Fatugasi wan kafag ngay taw at amatanganan. Fayudi wa gdungug ay fayudi glag anya fagayu, laman ban wa gdungug ya, ay wa glag ya, ay wa gtogdungug ya. Namakamulun o takatanya laman ban kanya fagayu wa kafoli sa angku ay laman wa kafia ya.”

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:18

Kabavn we taw nalag Dius. Ay dewa katanya, at mafilian fag Baguama at nafatoglag Dius sas fagayu taw, kanya Dius yangay ay gbanwan sit Mama.

Uan 12:31

Katsi Dius ginsaful fagayu taw ste swa daga sabaliwa at nafakamulun. Ay katsi fagdaul daga at fun gaiyanan ban.

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Uan 12:45

At nalag angku nalag yangay anggan at nasugu angku.

Uan 14:30

Kwa gfaaba ya ku nalong sa ayu, aroro ste swa daga at fun kadasug wan. Kanya we fagmabalyananun sa angku.

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Uan 16:11

Ay namatuyan yangay ban anggan sabaliwas faurianan, aroro ste swa daga at fun anfaurianan wan.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Fakamulun 26:18

laman nanluang at ngay mata ay namafoli sasad mayamag siginan sad madulum ay gfafoli sas Dius siginans Satanas at fagmabalyananun, ay namalyam kafag ngay taw at asalanan ay gtap anya te, ku ngay nafili, aroro siginan at fagafanudun sa angku.’

Fakamulun 26:23

Dius at nafili fag Fun nanginkidapan ban ay kanya ban taguna at nadog naleleg siginan at fagmabulanan, laman gfoyung ay gfayamag fakalangfean sas taw Udyu ay anggan sas yud Udyu fag ngay taw.”

1 Kurintu 10:20

Duan. Ku longan fia at masuad te, yud Udyu fag ngay taw nu gfon at ngay fanggalangun sa way at mauri fag ngay falad, ay wa sas Dius, ay kwa kaylat nu nangasadi am sa kafag ngay falad.

2 Kurintu. 2:11

laman di tam gadayan Satanas. Aroro saful way tam at ngay algan.

2 Kurintu. 2:12

Gina au andasug sas furuan Truas laman namoyung at Masine fag Barita sabaliwa tam Fun Isus, tam Fun nafon angku sik buknga laman gfakamulun au takatanya.

2 Kurintu. 3:11

Kafag nasadian at kinkalyam wan nu e fagmasineun tua, kaugat wan at yud kalyam fag nasadian nu e fagmasineun.

2 Kurintu. 3:14

Nu katanya, ngay taw Israel kamaogatun yay gugat, aroro dasug katsi kata yay gugat nu e fantabun sit ngay amatanganan kaduge gtap Muisis at Faugali. Ay dewa katanya sik taw nu nsadi tua sa tam Fun Isus, umkalyam wan tagtabun at amatanganan.

2 Kurintu. 3:18

Ay tam Fun, kanya wan at Masine fag Falad, kanya gfasine antam laman kaksvn tua nu gfaning tam anya.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Galasya 1:4

Tam Fun Isus nafon at leleg laman gfalyam tam ngay asalanan, kata tam Dius at fakaylatun, laman gfalangfe antam siginans fagmauriun tagfunan ste swa daga.

Efesu 2:2

Gugali am gfaning ste sfagdaul daga at ugali, ay galo yangay am tagfunan kiwang fag falad at ke mauri fag ngay fagmabalyananun. Kanya wan tagfamatangan takamabo fag ngay taw.

Efesu 6:12

Aroro tam fawayan bunwa taw, nu bunway at mauri way fag ngay falad sis banwa, ngay tagfunan, ay ngay ke fagmabalyananun, ay ngay tagagbilug fagmadulumun ste swa daga.

Filipus 2:6

Aroro dewa si anya Dius at kawalungan, wa nagbilug at fagmadiusun;

Kulusas 1:15

At Baguama, kanya wan yud kalag fag Dius at aninu, ay kanya wan tagfunan sas fagayu at awatan.

Kulusas 1:27

Dius kaylat gfasaful sa anya fagayu sabaliwa at algan at maksvn nu madulo, ay kaylat yangay gfasaful sa ayu, yud Udyu fag ngay taw. At masuad, siwa ayu tam Fun Isus, ay siginan anya nabul am ay fagsegun gfaudgufudan anya sat fagmasineun.

1 Timuteu 1:11

Kanya fag foyungan siginan at Masine fag Barita sabaliwa tam Dius at mabalyanan ay tam fagfausegananun. Dius nafatigwanan sa angku laman gfoyung au sabaliwa kafag Masine fag Barita.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 1:3

Dius at fagmasineun at damlag kalag sit Baguama, aroro nu setain Dius, katanya yay anggan at Baguama. Ay at Baguama wan tagbakvd fagayu nusnge wain siginan at mabalyanan fag aringang. Ay kanya nu nafasine wan tam ngay asalanan, namalunggung sas banwa sat Mabalyanan fag Dius at siun.

Ebreu 6:4

We madog ya mafafoli sas fagafanudun ngay taw at natalyuyan Dius, kanya fag ngay taw at kinyamag oma ay at kinke afud wan sas Dius at nafon, ay at ke afud yangay sat Masine fag Falad.

2 Pedru 1:19

Nu katanya, em fagafanudun nkugat yay nu kaksvn aroro siginan em nadungug tam Dius at ngay taglong at foyungan. Ay masine nu gdungugan am fia takatanya fag foyungan, takata sik salung tagdamlag sisad fagmadulumun nu dyakmay menit nadog ansure sbalabag. Ay kanya kata sik tagurabas gdamlag sa ay ngay amatanganan.

1 Uan 2:11

Nusnga sinu takauri at faduksay, kanya gbanwan yay sisad madulum, ay wa saful at fagnanloan, aroro dulum gfayud glag anya.

1 Uan 2:8

Ay tuy fag suguan dewa ngaduge wan, kata yay gugat nu bagu, aroro ansure si tam Isus at fakamulun ay anggan si ay fakamulun. Fagmadulumun kalyam wan, ay at matuyan fag fagmayamagun gdamlag wan.

1 Uan 5:19

Nasaful watam te, Dius watam at ngay sisian, ay Satanas gfagtainan sas fagdaul daga.