2 Kurintu. 3:3 - Fanawbuid tagsibaliwas Fakayabian

³ Mayamag te, sik rirukan am tagsiginan tam Fun Isus at nafabuba sa emi. Ay at fanriruk kafag rirukan bunwa fanriruk, nu bunway tagleleg tua fag Dius at Falad. Ay nu griruk wa sas dalifi, sa tuas taw at amatanganan.

2 Kurintu. 3:3 ပူးပေါင်းရင်းမြစ်များ

Alubad. 40:8

Dius, kaylat au gfaning am fakaylatun. Ay gfasi ktua gugat ku amatanganan am ngay suguan.

Alubad. 42:2

Tagleleg fag Dius, kaylat kwa daul nangakbang sa emu. Ginain ya ban manga nu mananseg au emu?

Alubad. 84:2

Yawi, maksvn nu kaylat au nansakbo sam bale. Ay sas fagdaul ku amatanganan, guro au guseganan sa emu, o wan tagleleg fag Dius.

Nu Galin 24:12

Yawi nalong sas Muisis te, “Gewan, undaudi stae sa angku sis buksul, ay sanyai ay namon au emu ngay dalifi. Nariruk au sanya ku suguan am fagnamoyungun sa sangay taw.”

Nu Galin 31:18

Yawi nu ntabu wan nu gfakamatoan Muisis sis tungud Buksul Sinay nafon sas Muisis duak dalifi ay nariruk sanya at ngay suguan. Dius wan at nariruk kanya fagayu.

Nu Galin 32:15

Ay Muisis natagbung siginans tungud buksul gbuba Dius at suguan at marirukan gsumbalian sis duak dalifi.

Nu Galin 34:1

Yawi nalong sas Muisis te, “Fasinei duak dalifi kata ebi taguna. Sanya ginan, nanriruk kban sanya kata ebi ku nariruk sim narufa fag duak dalifi.

Fangatulun 3:3

Kabavn mafangesugi ay matuyani tua, lag kalyam, ay fasii tua gugat am amatanganan.

Fangatulun 7:3

Amatangi tua gugat, laman di o kalyam.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 17:1

Yawi nalong te, “Ngay taw Uda, ay ngay asalanan marirukan si ay ngay amatanganan takamaogatun kata sik ngay longan at marirukan sis gang ay sis sunge tagsis fagirugan at ngay fugungan.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Esekyel 11:19

Gfasine kban ay baga ay ay amatanganan laman ban wam kamabo ya, nu bunway gfaning tuam ay matuyan sa angku.

Daniel 6:26

Gsugu au sa sangay taw tagsi ku fagfagtainanan te, fagayu nangus taw alimui tua ay suyui Daniel at Dius. Aroro kanya tagleleg tua fag Dius ay tagleleg tua kabavn. Kanya nu gfunan we fakatabuan ay we mababo anya.

Mateu 16:16

Ay Simun Pedru nabalus te, “O wan Dius at nafili fag Fun, tagleleg fag Dius at Baguama.”

1 Kurintu 3:5

Sinu nunda Apulus? Ay sinu au, Pablu? Ami, Dius waymi at fagsuguan, ay siginan emi nafanud am sa tam Fun Isus. Ay mesa ami gfakamulun tam Fun at nafatigwanan sa emi fag fakamulun.

2 Kurintu. 3:6

Kanya wan at nafon emi fagmakatuun laman tagfakamulun sat bagu fag nasadian, bundi takata at kinriruk sis Muisis at Faugali, nu bunway siginan tua at Masine fag Falad. Aroro kafag faugali at fungfung fakabulun way, ay at Masine fag Falad at fon leleg tua.

2 Kurintu. 3:7

Muisis at Faugali at kinriruk sas dalifi, dewa guli way sas fakabulun, e fagmabalyananun yangay. Ay gina Dius gfon sas Muisis kafag Faugali, ngay taw Israel wa madama Muisis at mata at kaksvnan nu masulo, ay kafag masulo nalyam way.

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

Ebreu 10:16

“Katatuy ban ku nasadian fia sanya fag ngay taw, nu ntabu ban kafag ngay menit, tam Fun nalong te, gtanum kban ku ngay longan sa kafag ngay taw at ngay basad, ay griruk kban sat ngay amatanganan.”

Ebreu 8:10

Tam Fun nalong te, “Katatuy ban katsi ku nasadian fia sa sangay taw Israel: Nu ntabu ban kafag ngay menit, gtanum kban ku ngay longan sa kafag ngay taw at ngay basad, ay griruk kban sat ngay amatanganan. Ay au ban kafag ngay taw at Dius, ay kanya ban fagayu ku ngay taw.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.

Uswe 3:10

Katsi, sumaful am te, si wa ayu tagleleg fag Dius, aroro kaduge am gfawayan ay ngay fawayan, tam Dius gfayayu siginan ayu ngay taw Kanaan, taw Ket, taw Kib, taw Peres, taw Girgas, taw Amur ay ngay taw Ebus.

At Nafasure 2:1

“Riruki sas tagbarita tagulit ngay tagafanud sis Efesu te, “Tagbitbitan kafag fituk galeme sit siun fag daluap, ay taglao sis wabilug fituk fagfatungkudan salung at mawatan siginans gintu, glong te,

At Nafasure 2:12

“Riruki sas tagbarita tagulit ngay tagafanud sis Pergamu te, “Tagbitbitan at maglat fag fiso tagsumbalian at uyup, glong te,

At Nafasure 2:18

“Riruki sas tagbarita tagulit ngay tagafanud sis Tiatira te, “Dius at Baguama at mata tagigang kata sik afuy, ay at darafa taganinag kata sik tansu. Kanya glong te,

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

At Nafasure 3:1

“Riruki sas tagbarita tagulit ngay tagafanud sis Sardis te, “At ke fituk falad tagsiginans Dius, kanya tagbitbitan fituk galeme glong te, Saful kway ay ngay fakamulun. Tibak taw nu gamatangan, gleleg tuam, ay at matuyan, mabulan way am.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,

At Nafasure 3:22

“Nusnga sinu at ke talinga, dungugani at Masine fag Falad at longan sa sangay tagafanud.”

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,

1 Samwel 17:26

Dabid nainto sit akbang fag tagfawayan te, “Sinu atsi fag taw Filistia yud gtoglag Dius ay tagfalingun tagleleg fag Dius at ngay tagfawayan? Nataw ro fun at famonun sat nafabul anya laman karagang wan nu gfapla ngay taw Israel?”