2 Kurintu. 13:7 - Fanawbuid tagsibaliwas Fakayabian

⁷ Gdarangin ami sas Dius te, dangay am nangus gfakamulun at mauri. Gfakamulun ami takatanya bunwa laman ngay taw lumag te, ami at matuyan, nu bunway laman gfakamulun tuam at masine, dewa tibak taw gamatangan te, bunwa ami at matuyan fag ngay nasugu.

2 Kurintu. 13:7 ပူးပေါင်းရင်းမြစ်များ

1 Krunika 4:10

Ay Abes nadarangin sas Israel at Dius te, “Famanyuni angku ay fabiai ku talun. Ufudi angku, ay fayayui angku siginans fagmauriun laman kdi gidapan.” Ay Dius nadungug at darangin.

Mateu 6:13

Ay dirii emi laman dimi gafaskudan sas asalanan, nu bunway falangfei emi siginan at mauri.’

Uan 17:15

Kwa gdarangin sa emu te, buli wan ku ngay taw ste ginan sfagdaul daga, nu bunway dirii anya fagayu siginan at mauri.

Ruma 1:28

Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali.

Ruma 12:17

Lag am gfasud at mauri dewa e nafakamulun sa ayu at mauri. Ugatani tua ugalii tagfauseganan sas fagayu taw.

Ruma 13:13

Ugalii tua at masine aroro si tua tam sad mayamag, ay di tam si ya sad madulum. Ay saruyi takatatuy fagayu: fakamasaweun nu guseganan, fagfanlanguanun, fagfanugtugun, ay at mapla fag fakamulun, fagawayanun, ay fagfangalabianun.

Ruma 16:10

Ay longi yangay sas Apeles te, O manabayan tuo? Kanya tam fagtoglagun at matuyan fag tagafanud sa tam Fun Isus. Ay longi yangay sas Aristobulu fag bale te, O manabayan tuam?

1 Kurintu 11:19

Nasaful au te, matuyan wam gdiuganan laman umsaful te, sinu am at ke fagafanudun.

2 Kurintu. 10:10

Aroro tibak taw glong te, “Pablu gfangagras sit ngay rirukan, ay dewa katanya, nu ndasug wan, at bilug momuy way, ay we tungkul at foyungan.”

2 Kurintu. 10:18

Aroro tam Fun wa kaylat sik taw tagseg at sadili, nu bunway at fakaylatun tagseg tua anya.

2 Kurintu. 13:6

Ku fagsegun lumag yangay am te, bundi ami takamaningan fag ngay nasugu.

2 Kurintu. 13:8

Aroro wa tam masine gbabo at matuyan, nu bunway gfaning tua tam.

2 Kurintu. 13:9

Maksvn nu guseganan ami dewa ami mamomuy, am nu mabitsug tuam. Gdarangin ami ayu laman kaugat tua nu gfakamulun am at masine.

2 Kurintu. 6:4

Nu bunway sas fagayu em balyawvtan gfalag ami sas fagayu taw te, ami wan Dius at ngay fagsuguan. Ay gagwantan ami at maksvn fag ngay fagidapun, ay fakabulun, ay at masakit fag ngay fagayudanun.

2 Kurintu. 8:21

Gugatan ami gfakamulun at masine, bundi lang sa tam Fun at daga salubangan nu bunway anggan tua sas fagayu taw at daga salubangan.

Filipus 4:8

Ku ngay faduksay, sat fakatabuan, fabanwani si ay amatanganan at matuyan, ay at mauseganan, ay at yud e kalong, ay at masine, ay at maksvn nu maylat.

1 Tesalunika 5:23

Dius gfon fagmanabayanun, ay kanya nangus gfasine ayu laman diam e malong. Dius wa nangus fia tagbakvd fagdaul ay falad, ay ay amatanganan, ay ay bilug, laman diam e malong gina ban tam Fun Isus andasug.

1 Timuteu 2:2

Darangini ngay fun ay at ke ngay fanambagun fag ngay taw, laman manabayan tua nu gleleganan tam ay nu gfaning tam fia tam Dius, ay matuyan tua tam ugali.

2 Timuteu 2:15

Ugatani fia fauseganani Dius ay lag o kapla kamoyung. Fafoyunguni tua fia at matuyan.

2 Timuteu 4:18

Ay tam Fun namalangfe angku sas fagayu fagmauriun, ay kanya ban gfosuk angku sat fagfagtainanan sas banwa. Kabavn ban segi anya. Anud.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

1 Pedru 2:12

Ugalii at matuyan si sangay taw at yud e fagafanudun, dewa kafag ngay taw gfantabugan te, mauri am. Ay kanya ban fagayu nu nalag ay fakamulun at masine, sumeg tam Dius gina ban kanya kadasug.