2 Kurintu. 12:2 - Fanawbuid tagsibaliwas Fakayabian

^2-3 Labi ufat wak banwa at kinlangfe, tam Fun nabuba angku sas fatuluk lanib banwa. Ginanya sik tagafanud kwan sa tam Fun Isus. Kwa nasaful fia te, o kanya sik taginfan way ay o mannga bundi, Dius way lang tagsaful.

2 Kurintu. 12:2 ပူးပေါင်းရင်းမြစ်များ

1 Fun 18:12

Ay tain ro nu nalao au, ay ginanya ro Yawi at Falad nu nabuba wa emu sa ku yud fagsafulun fag talun? Ku tagfayafun ro Akab nu ndasug, nu dway ro e lagan ya emu, gfabul ro angku. Fagtainan, siginan nu masisian au gfaning ktua gugat Yawi.

1 Fun 8:27

“Dius, o manamanwan o ste swa daga magamut ngay taw? Dewa si tiba tungud fag banwa ya kasakan sa emu, ay kaugat wan ste ku nafawat fag bale!

2 Fun 2:16

Ay nalong te, “E limak safuluk mangama at mabitsug si emi. Aylati nu nanrvbvy ami am takamoyung. Malgau Yawi at Falad nabuba anya sa sik buksul ay sa sik datag.” Elisyu nabalus te, “Deyud ya.”

Alubad. 148:4

Anggan banwa, ay linyabu tagsis kiwang, segi anya.

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Esekyel 11:24

Sanya ginan, sis Dius at Falad at nafalag angku fag taginfan, kanya nabuba angku sas Babilunya sa sangay taw at natabanan. Ay kafag taginfan antabu wan.

Esekyel 43:5

Sanya ginan, Yawi at Falad naurug ay nafasakbo angku sasad basad alad, ay Yawi at kamasuloan ankapnu sanya.

Lukas 24:51

Ay gina Isus gfadante sa anya fagayu, kanya naubun ay e naurug anya sas banwa.

Uan 6:56

Ay nusnga sinu takon ku bilug ay taginum ku taguk kanya masadi tua si angku, ay si ktua anya.

Fakamulun 14:6

Ay duama nu nasaful takatanya, nalagyu ay nalao sas furuan Listra ay Derbe, sis Likaunya at fagagbilugun fag ngay furuan ay anggan sit ligung fag ngay furuan.

Fakamulun 22:17

“Sanya ginan, anfoli au sas Erusalem ay kaduge au gdarangin sis Dius at bale, anke taginfan au,

Ruma 16:10

Ay longi yangay sas Apeles te, O manabayan tuo? Kanya tam fagtoglagun at matuyan fag tagafanud sa tam Fun Isus. Ay longi yangay sas Aristobulu fag bale te, O manabayan tuam?

Ruma 16:3

Longi sas Prisila ay Akila fag dadwa te, O manabayan tuam? Kanya ku faudgufudan gfakamulun sa em fagmasadiun sa tam Fun Isus.

Ruma 16:7

Longi yangay sa ku ngay kaiban fag duama Andruniku ay Unya te, O manabayan tuam? Kafag duama ku ufud sis fagubungan. Ay kanya at kintoglag te, at maseganama fag ngay nasugu, ay naguna tua angku nu gafanud sa tam Fun Isus.

Ruma 16:9

Ay longi yangay sas Urbanu te, O manabayan tuo? Kanya tam faudgufudan sa tam Fun Isus at fakamulun, ay anggan sa ku fakesugun ku fagadgalangan Estakis.

Ruma 8:1

Nu katanya, at kinsadi sa tam Fun Isus, kanya ban di gafaurianan.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

2 Kurintu. 11:11

Wain ku fagfakamulunun takatanya? O at masuad kwa kesug ayu? Dius nasaful wa te, maksvn nu kesug au ayu.

2 Kurintu. 13:5

Ay atuyani fia sa ay ngay sadili ay faskudi te, o anud galo tuam fia kata tam fagafanudun. O yam nasaful te, tam Fun Isus si wa ayu? Sabv, nu ddi am sik ngay takamaningan.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Galasya 1:22

Ay ginanya, sis talun Udea fag ngay tagafanud sa tam Fun Isus ya natoglag angku.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Efesu 4:10

Ay at natustus ste swa daga kanya yangay at kinkabat sa tiba tungud fag banwa laman siwa anya fagayu nusnge wain.

Deuterunumyu 10:14

Ay Dius Yawi tagagbilug fagdaul banwa, dewa tangabat fag banwa, ay anggan fagdaul daga ay fagayu tagsanya.

1 Tesalunika 4:17

Ay Isus gfaful ban antam sasad linyabu, itam tagleleg, at naguyanan yay, gasfuan at ngay nafaleleg laman namablang tam tam Fun sas kiwang ay magamut ban tam si anya kabavn.

Ebreu 4:14

Nu katanya, dakngani e tiba tungud tam at mabalyanan fag Tagfon Fanggalangun at nasakbo sas banwa, we tiba nu bunway Isus, Dius at Baguama, maksvni tua nu gbakvd tam tam fagafanudun.

Ebreu 9:24

Aroro tam Fun Isus at fagsakboan bunwa taw at nawat fag fagnansegan Dius fag bale ramit, nu bunway sa tuas banwa. Taw at nawat fag fagnansegan fag bale ramit sik aninu way at matuyan fag bale ramit tagsis banwa. Ay katsi tam Fun Isus si was Dius at daga salubangan, laman tam tagwabilug.

At Nafasure 1:10

Gina si tam Fun at Menit, at Masine fag Falad antayuk sa angku, ay nadungug au sik aringang daul siginan ku day guyuy, kata sik budyung at awang.

At Nafasure 12:5

Ay kafag mangena nafasalug wan at sisian sik munama, ay e naago kafag sisian ay nabuba sas Dius, sat faglunggungan. Ay nafili kafag sisian at namagtainan ban fagayu talun siginan at daluap fag famalang sanbung.

At Nafasure 4:2

Ay arodi at Masine fag Falad antayuk sa angku, ay nalag au sis banwa sik fanfun fag faglunggungan ay at malunggung sanya.