2 Kurintu. 11:3 - Fanawbuid tagsibaliwas Fakayabian

³ Dewa katanya, gamatangan au gugat te, ay ngay amatanganan manyayu siginan at matuyan ay nu gafanud am sa tam Fun Isus, kata Eba nu gadayan ule.

2 Kurintu. 11:3 ပူးပေါင်းရင်းမြစ်များ

Fakasigadan 3:1

Yawi at awatan fagayu ngay mela, ule wan at ke fagsafulun gfandaya. Sayginan, ule ginto sas mangena te, “O anud Dius nalong te, ‘Lag kon nusnga setaw fag fun kayu at rawvg iste fag tanuman’?”

Fakasigadan 3:13

Ay Yawi nainto wa vtv sas mangena te, “Nataw am nafakamulun?” Ay mangena gbalus te, “Ku fagnaonun kafag rawvg, nadayan au ule.”

Fakasigadan 3:20

Adan nafangayan at mangena te, “Eba,” aroro sia waban fagayu taw at mina.

Fakasigadan 3:4

Ay ule nalong sas mangena te, “Wa mafanud Dius at longan te, kabul ro am!

Alubad. 119:53

Maksvn tua nu kadotama au at mauri fag ngay taw, aroro kanya fagayu gsaruy am faugali.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Uan 8:44

Ay mama ang way Satanas. Ay kaylat am gfakamulun ay mama at fakaylatun. Siginan ngays fakasigadan kanya takamabul way, ay wa kaylat sat matuyan, ay nusdi sik alay we si anya at matuyan. Kanya kamuag gfaning at ugali, aroro kanya takamuag ay sia wan fun fakamuagun.

Ruma 12:8

Ay nu sik tagfaksvn tibak taw at amatanganan, faksvni wa fia. Ay nu sik takamon, famoni sas fagdaul tam fagmakatuun. Ay nu sik funan, ugatani fia funani. Ay nu sik takafanyu, afanyui fia useganani.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

2 Kurintu. 11:20

Aroro naylat am nusnga sinu fag taw dewa gfagsuguan ayu, ay dewa gdaya ayu, ay dewa gtaban ayu, ay dewa kamaseganamaun sa ayu, ay dewa gfalingun ayu.

2 Kurintu. 11:29

Ay sik tagafanud nu nmomuy at fagafanudun, kabalu au. Ay nu e nafakamulun way at mauri, maksvn nu gidapan au gamatangan.

2 Kurintu. 2:17

Wami kata tibak taw taget famayad gina kamoyung Dius at longan. Aroro Dius tuami at nasugu, matuyan tua nu kamoyung ami at longan sit daga salubangan, siginan em fagmasadiun sa tam Fun Isus.

2 Kurintu. 4:2

Ay nu katanya naubun wami at mapla ay at masuksukan fag ngay fakamulun. Ay wami gfandaya ay wami gtubus Dius at Longan. Nu bunway, fagayu em foyungan matuyan tua. Dius wan em tagfatuyan, ay masine tua em amatanganan sa sangay taw at daga salubangan.

Galasya 1:6

Ku ngay faduksay, kadulo au te, at kasakit nu gubun am Dius, at nauro ay at nafili ayu siginan tam Fun Isus at fagmagalangun sa ayu. Kanya tua at Masine fag Barita. Dewa katanya, katsi nafaning way am sik bagu fag foyungan ay namatangan te, kanya wan at masine fag barita.

Galasya 2:4

Fakatanyaun, aroro ngay taw takamaningan te, gafanud, ansuglat si antam laman masuksuk ginsaful te, tain tam Fun Isus nu gfalfas antam, ay kanya kaylat nu gdog tam gafagsuguanan Muisis at Faugali.

Galasya 3:1

Am fag ngay taw Galasya wam mamatanganan! Kata nu e nafasagsagan ay amatanganan. Mayamag oma at foyungan sa ayu sabaliwas Isus tam Fun at nabulanan sas fasulungan kayu.

Galasya 4:11

Nu katanya, gafanawa au te, fangulan way ban manga ku ngay nainlufuyan laman sa ayu.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Efesu 4:22

E nafoyung ayu te, ay fagfangalabianun gdaya ayu laman namamin ayu, ay nu katanya, ubuni wan ay dan fag ugali anggan ay dan fag ngay fakamulun.

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

Kulusas 2:4

Nafoyung au sa ayu takatanya laman diam gadayan nusnga sinu ban fag takamoyung takamaylatan nu gfoyung.

Kulusas 2:8

Dirii laman diam gatabanan sa sangay foyungan at yud e tungkul ay takamuagan, kata tam ngay mangaguyang at fagsafulun ay siginan fagdaul daga at ugali. Takatanya fag foyungan bunwa siginan tam Fun Isus.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

1 Timuteu 1:3

Kata ku longan emu gina au glo sas Masidunya te, banwani yap sis Efesu laman nansalag o tibak taw sanya tagsalan at foyungan.

1 Timuteu 2:14

ay bunwa Adan at nadayan, at mangena way, ay gina kanya nadayan, anke asalanan.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

Titu 1:10

Aroro ngayu tagfasagsagan ay tagfandaya at iba siginan at yud matuyan fag longan, kaugat wan ngay taw taglong te, fae fakatoglagani.

Ebreu 13:9

Lag am gatabanan sa tibak foyungan tagsaman ay nasaful. Masine nu gfaksvn tua tam tam ngay amatanganan siginans Dius at fagmagalangun, abat ngate tam gfaning ngay suguan sabaliwas fakonun. We tungkul nu gfaning tam takatanya fag ngay suguan.

2 Pedru 3:17

Nu katanya, ku ngay fakesugun, dakngani nasaful wam takatanya, madiriani tua laman ban diam gatabanan at mauri fag ngay taw at foyungan, ay manmomuy ay maksvn fag fagafanudun.

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.

1 Uan 2:18

Ku ngay sisian, katsi munakbang wan at fakatabuan fag ngay menit. Ay nadungug wam te, kadasug ban tagfawayan tam Fun Isus. Ay dewa katsi ngayu wan tagfawayan tam Fun Isus. Nu katanya, nasaful watam te, katsi munakbang wan at fakatabuan fag ngay menit.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

Udas 1:4

Aroro wam nasaful nu kadasug sa ayu tibak taw tagfabulun gfabali foyungan sabaliwa Dius at fagmagalangun, laman mafakamulun at fagfanugtugun. Kanya wa kaylat gtoglag Isus tam Fun tam tiba tungud fag Fun. Ay siginans fakasigadan e rirukan te, kafag ngay taw gafaurianan ban.

At Nafasure 12:15

Ay aroro katanya, ule naulub mamam siginan at bibig ay ankata sik liskung laman ro kafag mangena umlimus sas familugan sasad ngayayu.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.

At Nafasure 20:2

Ay kanya nagamat ule daul, tangaduge wan nu gleleg, at ngayan tiba te, Takamuag ay Satanas. Ay nu masiukan sadik libuk banwa.