2 Kurintu. 11:1 - Fanawbuid tagsibaliwas Fakayabian

¹ Ku ngay faduksay lag ro am gamatangan, katsi ro nu garingang au dewa way kata sik yud mamatanganan fag taw.

2 Kurintu. 11:1 ပူးပေါင်းရင်းမြစ်များ

2 Fun 5:3

Sik menit, kanya fag baguina nalong sat tagfayafun te, “Ku tagfayafun Naaman nu nalao di sas Samarya laman nanlag sanya fag taglong, gfafia ro at bangbang.”

Tap 11:29

Ay Muisis nabalus anya te, “Ay wain, o kauri wo daul takatatuy nu gfangguna au? Ngap karo nu au di at mafaning, kaylat kwa ro Yawi nu gfae fagmabalyananun at ngay taw fagayu, laman mafoyung kata sik ngay taglong.”

Mateu 17:17

Ay Isus nabalus te, “Sik ngay taw wayam at yud gafanud ay at yud mamatanganan. Seduge ya ban nu gbanwan au si ayu ay nu gagwantan au galo ayu? Agvd, kin, tabani stie.”

Fakamulun 18:14

Ay Pablu nu nangaringang wan, Galyu nalong sa sangay taw Udyu te, “Am fag ngay taw Udyu, ay mamalong nu sa tua baliwa sik asalanan ay mannga sik maksvn fag fagmauriun, masine nu gdungugan au ayu.

Fakamulun 26:29

Pablu nabalus te, “Dewa katsi ay dewa ban ngaduge yay, gdarangin au sas Dius te, bundi ban nangus o lang at kumke fagafanudun kata angku, nu bunway anggan tua ban nangus fagayu tagdungugan angku katsi. Ay am ban nangus diam kaubung kata angku.”

1 Kurintu 1:21

Aroro Dius mamatanganan, kanya wa naylat taw nu gtoglag anya nu siginan way ste swa daga fag fagmamatanganun. Nu bunway, Dius kaylat gfalangfe nusnga sinu tagafanud sa em foyungan fag Masine fag Barita, tibak taw at nafayud e tungkul.

1 Kurintu 3:18

Nusnga sinu lag gdaya at sadili. Sik taw nu gamatangan te, e fagmamatanganun au kata tagste swa daga at fagmamatanganun, tapi at sadili te, yud e fagsafulun, laman ban at fagmamatanganun sik matuyan tua fia.

1 Kurintu 4:10

Aroro gfaning ami tam Fun Isus, ansik ngay yud mamatanganan ami, ay ansik ngay mamatanganan am sabaliwa tam Fun Isus. Ay mamomuy ami, ay am mabitsug tuam. Ay am wan ngay taw at fagfausegananun ay ami gafalingunan waymi!

1 Kurintu 4:8

Gamatangan am te, fagayu ay fakaylatun siwa ayu, ay anramraman wam, ay ansik ngay fun sis Dius at fagfagtainanan, ay ami fag ngay nasugu, wami kataip ya sa ayu. Nangus sik fun wam fia ay namasfuan ami ayu nanfunan!

2 Kurintu. 11:19

Glong am te, e fagsafulun am, dewa katanya, naylat way am gdungugan at yud e fagsafulun fag ngay taw.

2 Kurintu. 11:21

Maksvn mayngap nu mapla aroro wami kaseganama kafag ngay taw. Dewa katanya, glong ami te, wami makatu gfakamulun takatanya fag balyawvtan. Ay dewa katanya, kata tibak taw si ayu nu kamatungudun, au kamatungudun kyangay. Garingang au kata sik tagfansaful.

2 Kurintu. 11:4

Aroro masakit nu kaylat am gdungugan sas nusnga sinu at kindasug laman kamoyung sabaliwa tibak Isus tagsaman em foyungan, ay kaylat yayam tibak falad, tagsaman ay nabul wan fag Masine fag Falad, ay gafanud am sa tibak masine fag barita, tagsaman em nafoyung sa ayu fag Masine fag Barita.

2 Kurintu. 12:11

Ay ankata au sik yud mamatanganan, aroro am yay at nafabulun angku te, fakamuluni takatanya. Nu katanya, nauseganan tuam nangus sabaliwa angku. Ay dewa au yud e fagsafulun kdi naguyanan sa kafag ngay taw taglong te, kanya fagayu at ke fagsafulun fag ngay nasugu.

2 Kurintu. 5:13

Ay nu nkata ami sik tagfansaful, kanya aroro sas Dius. Ay em amatanganan nu matuyan tua, kanya tagfae fagmasineun ban ayu.

Ebreu 5:2

Ay aroro kanya sik taw yangay kata antam, kanya e fagmamomuyun yangay, ay kafanyu tua ngay taw at yud nasaful te, gsaruy wan siginan at matuyan fag dalan.

Uswe 7:7

Uswe nalong te, “Yawi em Fun, wain am fagnafadifeun yay emi sis Liskung Urdan nu namababawan way ro wo emi sa sangay taw Amur? Amasine yap nu si ami gugat sdife liskung.