2 Kurintu. 1:9 - Fanawbuid tagsibaliwas Fakayabian

⁹ Ay ginanya gamatangan ami te, umbul waro mi. Nadalan ami takatanya fagayu laman wami gseg em sadili nu bunway laman gafanud tuami sas Dius, tagfadog gfaleleg at ngay kinbul.

2 Kurintu. 1:9 ပူးပေါင်းရင်းမြစ်များ

Ub 40:14

Nu nakatu tua ro wo gfakamulun takatanya fagayu, au wa ro tagfauseganan emu ay gafanud kwa ro te, makatu tuo gfalangfe am sadili.

Alubad. 22:29

Fagayu taw, at maramraman nangadgaloan sas fagmafulun laman namauseganan anya. Ay fagayu takabul grungan gtudan sit daga salubangan.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Fangatulun 28:26

Sik taw tagafanud sat sadili fagmakatuun wa mamatanganan, dewa katanya, sik taw tagugali at ke fagsafulun kalangfe siginans faurianan.

Isayas 38:10

Nu glong kro dewa au mabaguama yay kabul kwan, ay gdalan kro sas sakbawan tagsa sangay kinbul at talun.

Esekyel 33:13

Nu nalong au sat matuyan fag taw te, anud kanya ban gleleg tua, dewa katanya, kanya gseg way sat nafakamulun at masine, ay nu nafakamulun way at mauri, kanya kabul aroro sat asalanan ay kwa ban gamatangan ya at ngay nafakamulun at masine.

Lukas 18:9

Isus nafoyung tuy fag faydayuanan sa sangay taw takauri at usama ay tagamatangan te, matuyan at fakamulun.

Ruma 8:36

Kata at kinriruk te, “Aroro sa ayu fagngabak menit si wamis fakabulun. Antap wami kata sik fagnamabulun fag ngay tupa.”

2 Kurintu. 1:10

Dius nafalangfe tua emi siginan kafag ngay faurianan tagfabul ma emi, ay gfataglayun tua nu gfalangfe emi. Ay gafanud ami te, kanya ban gfataglayun tua gfalangfe emi,

2 Kurintu. 1:8

Em ngay faduksay, kaylat ami gfasaful sa ayu em nadalan fag ngay fagidapun gina ami sis talun Asya. Maksvn tua em nadalan, at kaksvnan arvs wami e fagsegun ya te, gleleg yay ban mi.

2 Kurintu. 3:5

Nu em sadili way, wami malong te, e fagmakatuun ami. Em fagmakatuun siginan tuas Dius.

2 Kurintu. 4:7

Kafag ramraman siwa emi, ay ami kata waymi at fagsuadan fag tikung laman gfatoglag ami sas fagayu taw te, at yud e gtungud fag fagmabalyananun wa siginan em sadili, nu bunway siginan tuas Dius.

Ebreu 11:19

Ay Abrayam gafanud tua te, Dius mafaleleg way ngay kinbul. Ay Isak anfoli yay sat mama kata nu siginan at fagmabulanan.