2 Kurintu. 1:3 - Fanawbuid tagsibaliwas Fakayabian

³ Segi Dius, tam Fun Isus at Mama, kanya mafangafanyu tua ay gfon fagmasunun.

2 Kurintu. 1:3 ပူးပေါင်းရင်းမြစ်များ

Fakasigadan 14:20

Segi Tiba Tungud fag Dius, at nafababo emu sa am ngay fawayan.” Ay Abram nafon sas Melkisedek at fasafuluk afud at nabul siginan at ngay fawayan.

1 Krunika 29:10

Dabid nafauseganan Yawi sis salubangan ngay taw. Glong te, “Yawi, em mangaguyang Akub at Dius, o way lang em fagfausegananun kabavn!

Nemyas 9:5

Ay Eswa, Kadmiel, Bani, Kasabneya, Serebya, Udya, Sebanya ay Petakya, kanya fagayu sik ngay taw Lebi ay sik ngay tagfangguna ay kanya wan fagayu at nananguro ngay taw laman nanseg. Kanya fagayu glong sa sangay taw te, “Alindugi, ay segi ay Dius Yawi aroro kanya di e fakatabuan.” Ay kanya fagayu glong te, “Yawi, o wan at mauseganan aroro mabalyanan o, ay maksvn nu gfauseganan ami emu.

Ub 1:21

Ay kanya glong te, “Gina au kasalug kwe buba, ay kwa yangay ban e buba gina au kabul. Yawi wan at nafon sa angku fagayu nusnga setaw ay Yawi yangay ban tagbul. Segi Yawi.”

Alubad. 18:46

Yawi, gleleg tuo kabavn! Ay gfauseganan ami emu, aroro o wan at mogat fag fagnansarigan, takata sik gang. Dius, o wan ku tagfalangfe ay ku fagfausegananun.

Alubad. 68:35

Dius madulo gina gduksun siginan at bale. Taw Israel at Dius gfon sat ngay taw fagmabalyananun ay fagmabitsugun. Segi Dius kabavn!

Alubad. 72:19

Nu katanya, kabavn segi anya. Ay at fagmasineun nangus umfagdaul sas fagdaul daga. Anud! Katanya wa fia!

Alubad. 86:15

Fun Dius, dewa katanya, mafangafanyu tuo, ay mafanggubuk, ay matuyan ay mafangesug, ay di o masakit gfangadotama.

Alubad. 86:5

Fun Dius, kabavn matuyan tuo. Ay mafalganan yangay o gfalyam ngay taw at asalanan, ay mafangesug tuo sas fagayu taget sa emu gubuk.

Isayas 66:13

Namasun kban ayu kata sik mina nu gfasun at ngenge.”

Daniel 4:34

Nu nlangfe fituk banwa, au, Nabukudunusur, ankakbang au sas Dius, ay kanya nafafoli sa angku ku amatanganan at masine. Nu katanya, naseg au ay nafauseganan anya, Tiba Tungud ay tagleleg kabavn fag Dius. Ay nalong au te, Kanya gfagtainan kabavn ban, ay at fagfagtainanan gfataglayun ban sas fagayu kasugfunanan.

Daniel 9:9

Dewa katanya, em Fun Dius mafangafanyu tuo, ay gfalyam tuo em fagmauriun dewa ami nafamabo emu.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Uan 10:30

Au ay ku Mama, sadi waymi.”

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

2 Kurintu. 11:31

Matuyan ku longan, kdi kamuag. Dius, tam Fun Isus at Mama, nasaful wan. Kabavn segi anya.

2 Kurintu. 7:6

Ay dewa katanya, Dius gfasun ngay tagidapan, ay kanya nafasun tua emi siginan tam faduksay Titu at nadasugan.

Efesu 1:17

ay get au gugat sa tam Fun Isus at Mama at mabalyanan laman siginan at Masine fag Falad at gubuk, gfae fagsafulun ay gfae fagmayamagun ayu, sabaliwa nu gtoglag am fia Dius.

Efesu 1:3

Segi Dius, tam Fun Isus at Mama, aroro kanya nafon tua sa antam fagayu fanfalad fag ngay famonun siginan nu nsadi tam sa tam Fun Isus.

Filipus 2:11

ay kanya fagayu gfoyung te, Isus tam Fun, laman gfauseganan Dius tam Mama.

Kulusas 1:3

Kabavn kayu ginan ami gdarangin ayu, guseganan ami sas Dius, tam Fun Isus at Mama.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

2 Uan 1:4

Guseganan au nu nalag au am sisian tiba nu gfaning at Matuyan kata tam Mama sis banwa at suguan antam.

2 Uan 1:9

Nusnga sinu at yud gfaning tam Fun Isus at longan, ay nu kamasaweun way, Dius wa si anya. Dewa katanya, nusnga sinu tagbanwan sa tam Fun Isus at foyungan, tam Mama, anggan at Baguama si tua anya.