2 Krunika 9:2 - Fanawbuid tagsibaliwas Fakayabian

² Ay Sulumun nabalus fagayu at fagintoun, ay we yud nafafayamag fagayu nusnge wain at fagintoun sa anya.

2 Krunika 9:2 ပူးပေါင်းရင်းမြစ်များ

1 Fun 3:12

gfon au emu fagayu am fagetun. Gfon au sa emu fagsafulun ay fagmamatanganun at yud yay batang e nagbilug ay at yud ban e magbilug ya kabavn.

1 Fun 4:29

Dius nafon sas fun Sulumun fagsafulun ay fagmamatanganun ay at fagmatogdungugun at yud e mafasud.

2 Krunika 9:1

Talun Syeba at fun fag mangena nu nadungug sabaliwas fun Sulumun, kanya andasug sas Erusalem laman namaskud Sulumun siginan at maidap fag ngay fagintoun. Kafag mangena andasug gadgaloan at ngay fagsuguan ngayu, ay e tabanan yangay ngay kamelyu gbuba ngay famaenamnam fakonun, ay ngayuk gintu, ay at mafanud fag ngay gang. Ay kanya nu ndasug sas Sulumun, nainto fagayu at fagyaintoun sa anya.

2 Krunika 9:3

Ay talun Syeba at fun fag mangena andulo maksvn nu nadungug Sulumun at fagsafulun, ay nu nalag at nafawat fag bale,

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Fangatulun 18:4

At ke fagsafulun fag taw at aringang gfae fagsafulun tibak taw, kata sik liskung nu gfamilugan.

Markus 4:11

Ay Isus nalong te, “Dius nafayamag sa ayu at ngay masuksuk sabaliwa at fagfagtainanan. Ay sa tibak taw nu gfoyung, faydayuanan way.

Markus 4:34

Isus wa gfoyung nu dway gfaydayuanan. Ay at ufud nu at ngay tagadal tua lang, Isus gfayamag at ngay faydayuanan at masuad.

Uan 15:15

Kwa gfangayan ya ayu te, fagsuguan, aroro sik fagsuguan wa saful at tagfayafun at fakamulun, nu bunway gfangayan au ayu te, ku ngay fagadgalangan am, aroro nafoyung kwa sa ayu fagayu ku ngay nadungug siginan ku Mama.

Kulusas 2:3

Dius at fagmamatanganun ay at fagsafulun masuksukan si tam Fun Isus.

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.

Santiagu 1:5

Nusnga sinu am takaylat kae fagsafulun, eti sas Dius ay kanya gfon ro emu aroro kanya kamon ay di kamaplaun.