2 Krunika 9:1 - Fanawbuid tagsibaliwas Fakayabian

¹ Talun Syeba at fun fag mangena nu nadungug sabaliwas fun Sulumun, kanya andasug sas Erusalem laman namaskud Sulumun siginan at maidap fag ngay fagintoun. Kafag mangena andasug gadgaloan at ngay fagsuguan ngayu, ay e tabanan yangay ngay kamelyu gbuba ngay famaenamnam fakonun, ay ngayuk gintu, ay at mafanud fag ngay gang. Ay kanya nu ndasug sas Sulumun, nainto fagayu at fagyaintoun sa anya.

2 Krunika 9:1 ပူးပေါင်းရင်းမြစ်များ

Fakasigadan 10:28

Ubal, Abimael, Syeba,

Fakasigadan 10:7

Ay Kus at ngay baguama: Seba, Sabta, Raama ay Sabteka. Ay Raama at ngay baguama: Syeba ay Dedan.

Fakasigadan 25:3

Uksan at ngay baguama: Syeba ay Dedan. Ay Dedan at kasugfunanan ngay taw Asur, ngay taw Letus, ay ngay taw Leum.

1 Fun 4:31

Kanya nu mamatanganan, gtungud tua Etan fag taw Esra, ay Eman, Kalkul ay Darda, Makul at ngay baguama. Fun Sulumun kadungug tua sat tiba fag ngay talun.

2 Krunika 1:1

Sulumun, Dabid at baguama nu gfunan sit fagfagtainanan ankaksvn, aroro at Dius Yawi gufud tua anya, ay nafasik mabalyanan.

2 Krunika 1:12

namon au sa emu kata am fagetun. Ay saman ya kanya, namon kyangay sa emu ngay ramraman, ay famauseganan, ebi fag ngay fun at yud yay nagbilug at nangasik ngay fun yay ban at yud ya magbilug.”

2 Krunika 9:2

Ay Sulumun nabalus fagayu at fagintoun, ay we yud nafafayamag fagayu nusnge wain at fagintoun sa anya.

2 Krunika 9:9

Ay kanya nafon sas fun Sulumun ufatk libuk fabudbungguan gintu, ngayuk famaenamnam fakonun, ay at mafanud fag ngay gang. We mafasud at kayuan at nafon anya fag ngay famaenamnam fakonun.

Alubad. 142:2

Glong au sa emu ku ngay fagafanawaun ay ku ngay fagidapun, kata nu gugwag au mamam sim daga salubangan.

Alubad. 49:4

Gdungugan au ngay fangatulun. Ay gfayamag au sik fagintoun at masuksuk kaduge au gfawang sik fagfawangun ke ngay bakyang.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Alubad. 72:15

Ngaduge tua ban nangus kafag fun nu gleleg. Ay e gfon ban nangus sa anya gintu tagsiginans Syeba. Ngay taw nangus gdarangin tua gugat anya laman Dius gfon sa anya nusnge wain.

Alubad. 78:2

Namoyung au sa ayu sik ngay fansulitan, sabaliwa at kinlangfe at maidap katogdungug.

Fangatulun 1:6

ay umyamag yangay ngay fangatulun ay faydayuanan at masuad, ay at ngay ke fagsafulun at ngay fagintoun at masuksuk.

Isayas 60:6

Ay ay talun umkapnu kamelyu siginans Midyan ay Efa. Ay kanya fag ngay taw siginans Syeba umdasug sa emu gbuba gintu ay ngay famaebebanglu fag lune laman nanseg Yawi.

Mateu 12:34

Kata wayam sik ngay ule at ke ganga! Ay fagyudun mafafoyung at masine, aroro mauri am. Aroro sik taw glong nusnga setaw tagsit amatanganan.

Mateu 12:42

Ay anggan talun Seba at fun fag mangena, gdog yangay ban gleleg gasfuan ayu gina ban fanginsafulan asalanan fag menit ay lumong ban te, mauri am, aroro kafag mangena ndasug sas fun Sulumun siginans fungfung daga, laman nandungugan fun Sulumun at mamatanganan fag ngay longan. Ay amatangani, at kindasug ste katsi, gtungud yay fun Sulumun, ay dewa katanya, wam kaylat gdungugan anya.

Mateu 13:11

Ay Isus nabalus te, “Aroro Dius kaylat nu sumaful am at ngay masuksuk sabaliwa nu gfagtainan, ay sa anya fagayu, duan.

Mateu 13:35

Kanya nafakamulun katanya laman gfafasludan Dius at nalong sat taglong ebi at nafoyung te, “Namoyung kban ngay faydayuanan, ay namoyung kyangay ban anggan ebi at masuksuk siginan fagdaul daga nu nkawat.”

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.

Lukas 11:31

Ay anggan talun Seba at fun fag mangena, gdog yangay ban gleleg gasfuan ayu gina ban fanginsafulan asalanan fag menit ay lumong ban te, mauri am, aroro kafag mangena ndasug sas fun Sulumun siginans fungfung daga, laman nandungugan fun Sulumun at mamatanganan fag ngay longan. Ay amatangani, at kindasug ste katsi, gtungud yay fun Sulumun, ay dewa katanya, wam kaylat gdungugan anya.

1 Samwel 1:15

Ay Ana gbalus te, “Duan, kwa galangu, kwa batang ginum nusnge wain fag fanlangu. Ku fakataun tuy gfatigwanan kway sas Yawi ku fagidapun si ku amatanganan.