2 Krunika 8:7 - Fanawbuid tagsibaliwas Fakayabian

^7-8 Ay e sawad yay sanya fag talun at yud taw Israel fag ngay gaban, ngay taw Israel at yud nafabul gina gagbilug Kanaan fag talun. Kanya fag ngay taw sik ngay taw Amur, ngay taw Ket, ngay taw Peres, ngay taw Kib ay ngay taw Ebus. Sulumun nafagsuguan anya fagayu ay nafabulun gfafakamulun, ay kanya fagayu sik ngay fagsuguan dasug katsi.

2 Krunika 8:7 ပူးပေါင်းရင်းမြစ်များ

Fakasigadan 13:7

Ay talyai at ngay tagalaga fagbaugun gawayan way. (Ginanya fag buknga ngay taw Kanaan ay ngay taw Peres sanya yay fag talun nu gbanwan.)

2 Krunika 2:16

ay namuan ami am fagetun fag ngay kayu sas Lebanun. Ay namataladan ami kafag ngay kayu, ay namalimusan sabaliwas Upa. Ay nu ndasug ban sas Upa namuba ban am sas Erusalem.”

2 Krunika 8:6

Katanya yangay at nafakamulun sis furuan Baalat, ay fagayu at furuan fagfungsuan gutluan, ay at fagfasarirungan ngay kabayu ay faguyudan fag sakayan gina namawayan. Sulumun nafawat yangay nusnga setaw at fakaylatun sis Erusalem ay sis Lebanun ay fagdaul at fagfunanan fag talun.

Esra 9:1

Ay Esra nalong yangay te, “Takatanya fagayu nu nfasludan wan, ngay taw Udyu at ngay tagfangguna nanangakbang sa angku ay nalong te, ‘Ngayuk taw Israel ay anggan ngay taw Lebi ay ngay tagfon fanggalangun, tagugali kata sit ngay ligung fag ngay taw at ugali. Kanya fagayu gfakamulun at yud masine kata ngay taw Kanaan, taw Ket, taw Peres, taw Ebus, taw Amun, taw Muab, taw Igiptu, ay taw Amur at ngay fakamulun.

Deuterunumyu 7:1

Ay Dius Yawi nu nataban ban ayu sa ay fagnamanwanan, ay fagnangagbilugun fag daga, kanya ban nangaiyan si ay daga salubangan fituk gaban taw ayu yap tua ayu ay tagtungud tua ayu nu mabalyanan: ngay taw Ket, taw Girgas, taw Amur, taw Kanaan, taw Peres, taw Kib ay ngay taw Ebus.