2 Krunika 7:10 - Fanawbuid tagsibaliwas Fakayabian

¹⁰ Balabag di sis faduak safulu e tuluk menit sis fafituk magdanun, Sulumun nafauli wan kafag ngay taw. Ay kanya fagayu guseganan guli ay masine at ngay amatanganan aroro sas Yawi at nafakamulun fagayu at masine sas Dabid ay sas Sulumun ay sat ngay taw Israel.

2 Krunika 7:10 ပူးပေါင်းရင်းမြစ်များ

1 Fun 8:66

Balabag di, Sulumun nafauli wan kafag ngay taw. Kafag ngay taw get sas Dius te, “Fadantei em fun.” Ay kanya fagayu guseganan guli ay masine at ngay amatanganan aroro sas Yawi at nafakamulun fagayu at masine sat fagsuguan Dabid ay sat ngay taw Israel.

2 Krunika 29:36

Maksvn Esekyas ay ngay taw nu guseganan, aroro Dius nagubuk tua anya fagayu, nu katanya masakit tua at ngay fakamulun nu katabu.

2 Krunika 30:26

Maksvn nu guseganan sis Erusalem, ya batang kaksvn nya, dewa ebi gina fun Sulumun, Dabid at baguama, gfunan sis Israel.

2 Krunika 6:41

Yawi em Dius, alindugi, adasugi stie sam fagbanwanan, gasfuan fagsuadan am nasadian tagfatoglag te, mabalyanan o. Am nafili nangus fag ngay tagfon fanggalangun, lumag nu gfalangfe o anya fagayu, ay am ngay taw nangus at matuyan, guseganan sa am fagmasineun.

2 Krunika 7:11

Ay Sulumun nafatabu wan nu gfawat at bale ay anggan Yawi at bale, ay nafatabu wan kata at algan at fagnamawatun.

2 Krunika 7:9

Sis fawaluk menit, kanya fagayu anful laman gfagbilug sas Yawi fagirugan fanggalangun kaduge fituk menit, ay gfataglayun nu maful kaduge yangay fituk menit sabaliwa nu Kawat ngay Fayag.

Nemyas 8:10

Ay Nemyas nalong yangay te, “Useganani, oni at mataba fag ngay fakonun, ay inumi at mayayum fag ngay fanginum. Ay foni fakonun sat yud e fakonun, aroro tuy fag menit sik nafalganan sa tam Fun. Lag am gafanawa, aroro Yawi at nafon sa ayu fag fagusegananun, tagfaksvn tua ayu.”

Alubad. 100:2

Useganani ay segi anya. Ay akbangi alubadi ke fagusegananun.

Alubad. 105:3

Segi anya, tam Dius at yud e malong. Fagayu am at kinkakbang sas Yawi, useganani tua.

Alubad. 106:5

laman anggan au, kataip kyangay sam nafili fag ngay taw at fagmanabayanun, ay sat fagusegananun. Kaylat kyangay gfauseganan emu gfasfuan am nafili fag ngay taw.

Alubad. 32:11

Am at matuyan fag ngay taw, useganani sas Yawi! Am, tagugali at matuyan, uroi useganani!

Alubad. 92:4

Yawi, nafae fagusegananun tuo angku, siginan am ngay nafakamulun at madulo, nu katanya, galubad au guseganan sa emu.

Nu Galin 18:1

Etru, Midyan at fun tagfon fanggalangun, Muisis at nugangama, nadungug Yawi at nafakamulun fagayu sas Muisis ay sa sangay taw Israel. Ay kanya nadungug yangay nu setain Yawi nu gfalfas ngay taw Israel siginans talun Igiptu.

Esekyel 45:25

“ ‘Nu maful am sabaliwa nu kawat am ngay Fayag, fasigadi sis falabi limak menit gina sis fafituk magdanun. Ay ginanya, ay tagfangguna gfon fanggalangun kata at nafon fag fanggalangun gina fagmafulun sabaliwa Tagbarita nu Gfalangfe: ngay fanggalangun famalyam asalanan, fagirugun fag ngay fanggalangun, gutluan fag ngay fanggalangun ay langis.’ ”

Fakamulun 16:34

Ay kanya nataban duama sat bale ay nafafangon. Fagayu tagbanwan sit bale maksvn nu guseganan, aroro gafanud tua sas Dius.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Deuterunumyu 12:18

Nu kon ban am takatanya fagayu sa tua ban am ay Dius Yawi at daga salubangan si ban at nafili fag afud talun, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, sanyai yangay ban nu namauseganan am ay Dius Yawi sis fagayu ay fakamulun.

Deuterunumyu 12:7

Ay nanfangon am gasfuan ay ngay talanan sis Yawi at daga salubangan ay nanguseganan am sas fagayu ay nafakamulun aroro Yawi nafon tua sa ayu nusnga setaw.

Deuterunumyu 16:11

Ay nanguseganan am sa ay Dius Yawi at daga salubangan, sit nafili fag buknga nu inda nu gfauseganan am anya, gasfuan ay ngay sisian, ay ngay fagsuguan, ay ngay taw Lebi tagbanwan si ay ngay furuan, ngay betaw, at yud e fagtainan ya, ay anggan ngay fagbubayun tagbanwan si ay furuan.

Deuterunumyu 16:14

Nanguseganan am gasfuan ay ngay sisian, ay ngay fagsuguan, ngay taw Lebi, ngay betaw, at yud e fagtainan ya, ay ngay fagbubayun tagbanwan si ay furuan.

Filipus 4:4

Kabavn useganani sa tam Fun. Gdog au glong te, useganani!