2 Krunika 4:6 - Fanawbuid tagsibaliwas Fakayabian

⁶ Kanya nafawat yangay safuluk fagsuadan laman fagfegusan ngay fagagbilugun laman sas fagirugun fag ngay fanggalangun. At lima nafatungkud sibaliwas fasiunan ay at lima sibaliwas fawalan. Dewa katanya, fagfegusan at nafangayan te, Dagat, kanya ngay tagfon fanggalangun at fagfegusan.

2 Krunika 4:6 ပူးပေါင်းရင်းမြစ်များ

1 Fun 7:38

Kiram nafawat yangay safuluk fagfegusan daul mawatan siginans tansu, sadi galay sik fagfatungkudan. Ay kafag ngay fagfegusan at kadaulan ufatk siu ay at fagsakun duak sandan duak safuluk baringan mamam.

1 Fun 7:40

Ay Kiram nawat yangay sik ngay fagfegusan ayu daul, ay tagbia fag ngay saruk, ay ngay taya fagsuadan famaramsig fag taguk. Ay kanya nafatabu nu kawat fagayu fagagbilugun sis Yawi at bale kata fun Sulumun at suguan anya. Kanya nawat:

2 Krunika 4:2

Ay nafawat yangay tagbia fag fagfegusan at nafangayan te, Dagat. At kabasadan limak siu, ay at kadaulan safuluk siu, ay at kadaulan sat ligung tuluk safuluk siu.

Alubad. 51:2

Falyami wan fagayu ku asalanan, ay fasinei ku amatanganan siginan ku ngay nafakamulun at mauri.

Nu Galin 29:4

“Tabani Arun fag talamean sas Yawi at sakbawan bale, ay faigusi.

Nu Galin 30:17

Yawi nalong sas Muisis te,

Esekyel 40:38

Sanya ginan, e nalag au sik suluk e sakbawan, sas tigyangan fasiunan baliwa fag sakbawan at tangbi. Sanya fag suluk ngay fagfegusan fagnangirugan fag fanggalangun.

Lebitiku 1:13

Sanya ginan, kanya masine nu gfegus kafag fanggalangun at funa ay at ngay bitis, ay arodi gfon sa sangay tagfon fanggalangun laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

Lebitiku 1:9

Ay kanya yangay fagayu tagfegus at fanggalangun fag ngay yamas ay anggan at ngay bitis. Sanya ginan, nangirug wan kafag fanggalangun, laman sik fagirugun fag fanggalangun. Ay kafag ngay fanggalangun at ayuk at mabebanglu sik famauseganan Yawi.

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

Ebreu 9:14

Tam Fun Isus at taguk gtungud tua nu nafafasine tam amatanganan ay tam basad laman gtalyuyan watam at yud e tungkul fag fakamulun, ay gfaning tua tam tagleleg fag Dius. Tam Fun Isus di e malong, ay nafon at sadili sas Dius siginan at Masine fag Falad at yud e fakatabuan.

Ebreu 9:23

Fagayu nusnge wain tagsis bale ramit aninu yay lang tagsis banwa fag ngay fagagbilugun. Ay takatanya fag fanggalangun gfasine tagsis bale ramit fag ngay fagagbilugun. Dewa katanya, amasine yap fag fanggalangun tagfasine ngay fagagbilugun tagsis banwa fag bale ramit.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.