2 Krunika 4:1 - Fanawbuid tagsibaliwas Fakayabian

¹ Ay Sulumun nafawat yangay sik fagirugan fanggalangun mawatan siginans tansu, at kabaan duak safuluk siu, ay at kadaulan dua yangayk safuluk siu, ay at kabatan safuluk siu.

2 Krunika 4:1 ပူးပေါင်းရင်းမြစ်များ

1 Fun 8:22

Fun Sulumun nananmalindug sis salubangan fagirugan fanggalangun laman sas Yawi, sis fagunan ngay taw Israel at fagmafulun, ay nafabat at ngay take sabaliwas banwa,

1 Fun 8:64

Ginanya fag menit fun Sulumun nafasaman laman sas Yawi tagsis salubangan bale fag fagawean, ay nafon fagirugun fag ngay fanggalangun, ay ngay famauseganan fag ngay fanggalangun, ay taba fag ngay fanggalangun laman sas fagmanabayanun. Kafag ngay fanggalangun wa sak ya sas fagirugan at mawatan siginans tansu aroro alay way.

1 Fun 9:25

Kayu banwa tulu ginan Sulumun nu gfon fagirugun fag ngay fanggalangun ay fanggalangun laman sas fagmanabayanun, sas fagirugan fanggalangun at nafawat laman sas Yawi. Ay gfasfuan girug famaebebanglu fag lune sis Yawi at daga salubangan. Nu katanya, Sulumun nafatabu wan nu gfawat Yawi at bale.

2 Krunika 1:5

Besalel, Uri at baguama ay Kur at fufu, nawat sik fagirugan siginans tansu. Kafag fagirugan si yays Yawi at bale at daga salubangan sis Gibyun. Nu katanya, sanya yay Sulumun ay ngay taw Israel nu nangaful laman nanginto sas Yawi.

2 Krunika 15:8

Asa nu nadungug Asarya, Uded at baguama, at longan, kanya anseganama. Ay kanya naukas wan ngay fagsegan at maksvn nu mauri sis fagdaul talun Uda ay sis Benamin, ay tagsit nagbilug fag ngay furuan tagsis Efraim fag ngay buksul. Ay kanya nafasine fagirugan fanggalangun sas Yawi, tagsis Yawi at bale at tangbi.

2 Krunika 29:18

Sanya ginan, kanya fagayu nalao sas fun Esekyas ay nalong te, “Mesug fag fun, antabu wan nu gfasine ami Yawi at bale, anggan fagirugan ngay fanggalangun ay fagayu at fagagbilugun sanya, ay anggan fagfatungkudan fanggalangun fag tinapay ay fagayu fagagbilugun sanya.

2 Krunika 7:7

Sulumun nafasaman laman sas Yawi tagsis salubangan bale fag fagawean, ay nafon fagirugun fag ngay fanggalangun, ay ngay famauseganan fag ngay fanggalangun, ay taba fag ngay fanggalangun laman sas fagmanabayanun. Kafag ngay fanggalangun wa sak ya sas fagirugan at mawatan siginans tansu.

2 Krunika 8:12

Sanya ginan, Sulumun nafon at ngay fagirugun fag fanggalangun sis salubangan Yawi at bale.