2 Krunika 32:3 - Fanawbuid tagsibaliwas Fakayabian

³ kanya nafakamatoan at ngay tagfangguna ay at ngay fun tagfawayan. Ay kanya fagayu ansadi laman namaragang tagsis day furuan daul fag bulbug nu gfamilugan.

2 Krunika 32:3 ပူးပေါင်းရင်းမြစ်များ

2 Fun 18:20

Nalong o te, ngayu tua am ngay nasafulan ay mabalyanan am ngay tagfawayan, ay dewa katanya, am longan fagayu we masuad. Sinu at mabalyanan am fagsegun, am nafamaboan angku?

2 Fun 20:20

Ay tiba ya at kinfasludan kaduge Esekyas gfunan ay fagayu at nafakamulun, anggan yangay at nawat fag fagfungsuan mamam ay at faglimusanan sas furuan anriruk sis fafil fagrirukan sabaliwas Uda at ngay fun.

2 Krunika 30:2

Fun Esekyas ay at ngay tagfangguna, ay anggan fagayu taw tagbanwan sis Erusalem ansadi te, nanmaful ban sabaliwa Tagbarita nu Glangfe galay sis faduak magdanun.

2 Krunika 32:2

Ay fun Esekyas nu nalag te, Senakerib namawayan wan furuan Erusalem,

2 Krunika 32:30

Esekyas wan at nasugu laman gfae famalabag ngay fagfamiluganan mamam tagsiginans Gikun fag bulbug tagfamilugan sas fun Dabid at furuan daul. Ay kanya nakatu tua gfakamulun fagayu at fakamulun.

2 Krunika 32:4

Nu katanya, kanya fagayu nafaful ngayuk taw, ay natabun ngay bulbug ay ngay datag fagfamiluganan mamam sanya fag daga. Aroro kanya fagayu glong te, “Asirya ban at fun nu ndasug stae kamin ban at fanginum.”

Fangatulun 15:22

Nu dway o get ya fangatulun sabaliwa am ngay algan, umbalu way ban o, dewa katanya, nu ngayu tua tagfalu emu, umfasludan am ngay algan.

Fangatulun 20:18

Fagayu am algan, eti tua famalun, anggan yangay gina o namawayan.

Fangatulun 24:6

aroro gbia tua ngay famalun at fanambagun gina gfawayan. Nu katanya tua, kanya gtuyan te, gbabo ro nu ngayu tua tagfalu anya.

Isayas 40:13

Sinu tagsaful Yawi at amatanganan? Ay sinu at mafalu anya te, fakatatuyi tua am fakamulun?

Naum 3:14

Falganani aroro ay ngay fawayan gakadasugun wan. Fanagubi wan ay ngay fanginum. Faogati ay furuan at alad. Awati ay fangawat alad, ay fasinei at marasrasan fag ngay afud alad.

Ruma 11:34

“Sinu tagsaful tam Dius at amatanganan? Ay sinu at mafalu anya?”