2 Krunika 31:5 - Fanawbuid tagsibaliwas Fakayabian

⁵ Ay kanya nu nalong wan takatanya, ngay taw Israel nafon at ngay famaloun tagsiginan at gutluan taguna kata trigu, ubas at mamam, langis, ay deut, ay tiba yak famaloun tagsiginan at ngay daga. Ay kanya fagayu nafon at ngay fasafuluk afud siginan at ngay famaloun.

2 Krunika 31:5 ပူးပေါင်းရင်းမြစ်များ

Nemyas 13:12

Ay fagayu tagbanwan sis Uda gdog yay nabuba at fasafuluk afud at trigu, ay at bagu fag fanlangu, ay langis sas bale fagfungsuan.

Fangatulun 3:9

Fauseganani Yawi siginan nu gfon o am ramraman, ay nu gfon o am gutluan taguna fag rawvg.

Nemyas 13:31

Natuyan kyangay te, falganani ngay famaygang laman gina namon fanggalangun e famaygang tua kasakan, ay anggan ngay taguna fag gutluan laman mafalganan wa gugat. Ay nadarangin au te, “Ku Dius, amatangi angku ay gubuki.”

Nemyas 12:44

Ginanya fag menit, nafili sik ngay mangama tagalaga bale fagfungsuan ngay famonun, taguna fag gutluan, ay at fasafuluk afud. Kanya fagayu at namaful famonun siginan ngay furuan at ligung fag ngay gamasun laman sa sangay tagfon fanggalangun ay sa sangay taw Lebi, gfaning at Faugali. Aroro ngay taw Uda guseganan ngay tagfon fanggalangun ay taw Lebi at ngay fakamulun.

Nu Galin 35:5

Foni at yud mabyat say amatanganan tagsiginans ay ngay ramraman laman ay fanggalangun sas Yawi: gintu, sanbung salapi, ay tansu,

At Nafasure 14:4

Kanya fagayu at yud batang gtugtug mangena aroro wa batang kamubay. Kanya tagalo Tupa Riangan nusnga nday nu glao. Kanya fag ngay taw at kinlangfe siginans wa taw, kata sik taguna fag fanggalangun sas Dius ay sas Tupa Riangan.

Santiagu 1:18

Siginan tam natoglagan at matuyan, kanya nafili antam at ngay sisian, laman tagtungud sas fagayu at awatan.

1 Kurintu 15:20

Ay at matuyan, Dius nafadog yay nafaleleg tam Fun Isus laman sik famatuyan te, ngay kinbul gdog yay ban gleleg.

Tap 18:12

Gfon kyangay sa ayu ngay masine fag fanggalangun ngay taw Israel at nafon siginans taguna fag gutluan: ulibu langis, wat ubas at mamam ay trigu.

Nu Galin 34:26

“Bubai sa ay Dius Yawi at bale ay ngay gutluan taguna. “Lag gfatama sik kambing riangan nu at mina way at susu bilug at fansabo.”

Nu Galin 34:22

“Afuli tua gugat galay fagmafulun sabaliwas Fanggutluan, siginan nu namuba am ay gutluan taguna. Ay afuli yangay gina Taguyan fag Fanggutluan, galay fakatabuan banwa.

Nu Galin 23:19

“Bubai sa ay Dius Yawi at bale ay ngay gutluan taguna. “Lag gfatama sik kambing riangan at fansabo nu at mina way at susu bilug.”

Nu Galin 22:29

“Lag am kalyam gfon sa angku siginan ay ngay gutluan, ay siginans fanlangu ay siginan sangay langis. Fatigwanani yangay sa angku ay ngay munama tiba kaka,

Ruma 8:23

Ay bundi lang kanya fagayu tagfandeng gidapan nu bunway anggan tua itam at nabul at Masine fag Falad. Kanya Dius at nafon sa antam taguna, kaduge tam gfanya Dius nu gfalangfe tam ngay bilug ay gfasure fagdaul at fagmatuyanun te, Dius watam at ngay sisian.

Lebitiku 27:30

“Yawi wan tagagbilug fagayu gutluan taguna.

Tap 18:8

Yawi nalong sas Arun te, “Nafili au emu tagfangguna sat yud e malong fag ngay fanggalangun ngay taw Israel at fon sa angku. Nafon au tuy fagayu sa ayu fag talamean laman ay ngay afud kabavn ban.

Tap 18:13

Am wan tagagbilug sat ngay rawvg siginans taguna fag gutluan sis gamasun. Nusnga sinu siginan am talanan masine maon kafag ngay afud.