2 Krunika 26:6 - Fanawbuid tagsibaliwas Fakayabian

⁶ Ay Usya nanamawayan ngay taw Filistia, ay kanya naiklas furuan Gat, Abne, ay Asdud at ngay alad gang. Ay kanya nafawat sik ngay furuan munakbang sis furuan Asdud, ay sa tiba ya ngay taw Filistia at ngay furuan.

2 Krunika 26:6 ပူးပေါင်းရင်းမြစ်များ

2 Samwel 8:1

Abandi, Dabid nababo ngay taw Filistia ay nagbilug Meteg-Ama, kanya fag ngay taw at furuan at sadi.

1 Krunika 18:1

Abandi, Dabid nababo ay nagbilug ngay taw Filistia ay naago siginan kafag ngay taw at furuan Gat ay anggan tagsit ligung fag ngay furuan.

2 Krunika 11:8

Gat, Maresa, Sif,

2 Krunika 21:16

Sanya ginan, Yawi naylat ngay taw Filistia ay ngay taw Arabya tagbanwan munakbang sis Etiupya laman kauri maksvn Euram.

Isayas 14:29

“Ngay taw Filistia, lag am guseganan te, anbul wan ebi fag fun at nafawayan ayu, aroro at fantubus anya amafangadotama yap tua at mama, kata sik dot nu nbul, at riangan amaganga yap tua, ay amatarung yap.

Isayas 20:1

Asirya at fun Sargun nasugu at fun tagfawayan laman namawayan furuan Asdud, ay kanya nababo ay nagbilug.

Amus 1:8

Namamin kwa ban furuan Asdud ay furuan Askelun at ngay tagfangguna. Ay namaurianan kyangay ban taw Ekrun. Ay ngay taw Filistia ay at nalagyu siginans faurianan umbul yangay ban. Au, Fun Dius Yawi taglong tuy.”

Amus 6:2

Damai furuan Kalne, ay Kamat fag furuan daul, ay furuan Gat tagsis talun Filistia. O nunda kanya amabalyanan yap tua talun Uda ay talun Israel at fagfagtainanan? O ay at talun gtungud yay ay talun?

Uswe 15:11

Sanya ginan, gtaglayun sas fawalan fag alvngvdan baliwa, tagsis lod buksul Ekrun ay kabaraud sabaliwa Sikerun, ay nadalan sas buksul Baala yakmay andasug sas Abneel. At fatuan, Dagat Mediteranyu.

Uswe 15:47

Asdud ay Gasa, kataip ngay furuan ayu daul ay furuan ayu sirut sitsigons fagfamiluganan mamam sis talun Igiptu, ay sas tigyangan Dagat Mediteranyu.

1 Samwel 5:1

Ngay taw Filistia nu naago wan Fagsuadan Nasadian, nabuba siginans furuan Ebeneser ay nafadasug sas furuan Asdud.

1 Samwel 5:6

Yawi nafaurianan maksvn tagsis Asdud fag ngay taw ay anggan at fakbangan fag ngay furuan. Ay at faurianan sanya fag ngay taw sik ngay famaga.