2 Krunika 26:5 - Fanawbuid tagsibaliwas Fakayabian

⁵ Usya kakbang tua gugat sas Dius kaduge Sakaryas gleleg, aroro kanya wan at nafoyung anya laman gfaning Dius. Ay kaduge kanya gfaning Yawi, e fagmanabayanun tua gugat.

2 Krunika 26:5 ပူးပေါင်းရင်းမြစ်များ

Fakasigadan 41:15

Ay Igiptu at fun nalong sa anya te, “E taginfan au ay we mafafayamag at masuad. Ay e nafansulit sa angku te, saful o gfayamag ngay taginfan at masuad.”

Fakasigadan 41:38

Ay kanya nalong sat ngay fagsuguan te, “Watam e nalag tibak taw takata Use, Dius at Falad tagsi anya.”

2 Fun 15:34

Ay Utam at nafakamulun matuyan tua sis Yawi at daga salubangan, kata at mama Usya at nafakamulun.

1 Krunika 22:11

“Nu katanya, ku baguama, Yawi ban nangus galo tua gugat emu ay manabayan tua ban nangus nu gfalindug o sik bale laman sam Dius Yawi, kata at nalong emu am fagnamakamulunun.

1 Krunika 22:13

Ay nu nafafasludan tua ban o at ngay suguan ay at ngay faugali at nafon sa sangay taw Israel siginans Muisis, manabayan tua ban o gugat. Nu katanya, maksvni tua ay mabitsugi ay lag o kalimu ay kamomuy.

2 Krunika 14:6

Ay kaduge manabayan, kanya nafae ngay dingding alad ngay furuan tagsis Uda. Ay ginanya we nanamawayan anya, aroro Yawi nafon sa anya fagmanabayanun.

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

2 Krunika 24:2

Kaduge Euyada fag taglong gleleg, matuyan tua Uas at nafakamulun sis Yawi at daga salubangan.

2 Krunika 25:8

Nu nataban way ban o anya fagayu sas fagawayanan, gababawan way ban am, dewa ban maseganama nu gfawayan am. Dius way lang at nafababo ay at mafababawan ayu.”

2 Krunika 26:4

Ay Usya matuyan tua at nafakamulun sis Yawi at daga salubangan, kata at mama Amasya at nafakamulun.

2 Krunika 27:6

Ankaksvn yay Utam nu mabalyanan, aroro kanya gfaning tua at Dius Yawi.

2 Krunika 29:1

Esekyas at banwa duak safulu e lima gina gfasigad gfunan. Ay kanya nabanwan sis Erusalem, ay nu gfunan duak safulu e siamk banwa. At mina Abya, Sakaryas at baguina.

2 Krunika 32:30

Esekyas wan at nasugu laman gfae famalabag ngay fagfamiluganan mamam tagsiginans Gikun fag bulbug tagfamilugan sas fun Dabid at furuan daul. Ay kanya nakatu tua gfakamulun fagayu at fakamulun.

Alubad. 1:3

At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

Daniel 1:17

Dius nafon sanya fag ufatk baguama fagtogdungugun ay fagsafulun sangay rirukan. Saman ya kanya, Daniel anke fagsafulun sa nu gfayamag ngay taginfan at masuad.

Daniel 10:1

Gina sis fatuluk banwa Sirus fag taw Persya nu gfunan, e andasug sas Daniel sik fansulitan. Daniel at ngayan yangay te, Beltesasar. Ay kanya fag fansulitan matuyan sabaliwa sik tagbia fag awayan. Siginan sik taginfan, Daniel natogdungug kafag fansulitan.

Daniel 2:19

Ginanya fag yabi, Dius nafasure sas Daniel siginan sik taginfan fun Nabukudunusur at taginfan ay at masuad. Ay Daniel nafauseganan tagsis banwa fag Dius te,

Daniel 5:16

Ay nadungug au te, saful o gfayamag at ngay masuksuk ay makatu o gfasine ngay malong. Nu nasaful tua ro wo gtap at marirukan sis dingding ay nafayamag at masuad, gfasulun kro sa emu sik lanbung at masine ay sik dalag at mawatan siginans gintu. Ay gfili kro emu laman at fatuluk tagfangguna si ku fagfagtainanan.”

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Fakamulun 20:30

Siginan yangay ban ayu takamuagan fag ngay takamoyung, kanya ban fagayu, namalyam ngay tagafanud sas Isus at ngay fagafanudun, at fakaylatun te, laman namaning am anya.

Uswe 1:7

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.

Uswe 1:8

Lag o kalyam gtap Dius at Faugali. Amatangani tua gugat kayu menit ay yabi, laman sumaful tuo gfaning fagayu at marirukan sanya. Nu katanya tua ban am fakamulun, umkaksvn tua ban o ay gbabo.

Tagfangguna 2:7

Ay kaduge Uswe gleleg, kanya fagayu gfaning tua Yawi. Ay dewa Uswe anbul wan, kanya fagayu gfataglayun tua nu gfaning Yawi kaduge Israel at ngay fagtainan gleleg, at nalag Yawi at nafakamulun madulo sas Israel.