2 Krunika 22:9 - Fanawbuid tagsibaliwas Fakayabian

⁹ Sanya ginan, Yeu nasugu sat ngay tagfawayan laman nanrvbvy Aasya. Ay kanya fagayu nalag Aasya sis Samarya fag furuan, ay nataban anya sas Yeu ay nafabul. Ay sanya ginan nanamoli at bilug, aroro nalong te, “At fufuama Eusafat nadarangin sas Yawi sas fagdaul at amatanganan.” Ay Aasya we kalongan ya at makatu gfunan.

2 Krunika 22:9 ပူးပေါင်းရင်းမြစ်များ

1 Fun 13:21

ay kafag taglong nalong sas Dius at fagsuguan tagsiginans Uda te, “Katatuy Yawi at longan: ‘Nafamabo o am Dius Yawi ay wo nafaning at suguan emu.

1 Fun 14:13

Ay fagayu ban taw Israel kabalu anya ay namoli. Sia way lang ban sis Erubuam at kalongan at manabayan at fagnamoliun, aroro sia way lang at matuyan sas Yawi, Israel at Dius at daga salubangan.

2 Fun 9:34

Ay sanya ginan Yeu nasakbo sas fun at bale ay nafangon ay nainum sanya. Ay kanya nalong te, “Namul am kanya fag mangena at natuyan te, nafauri, ay namoli am anya aroro kanya sik fun at baguina.”

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

2 Krunika 21:17

Ay kanya fag ngay taw nanamawayan ngay taw Uda, ay nabul wan ngay ramraman sis fun at bale, ay nataban yangay fun at ngay mangena ay at ngay sisian. Ay at yud nataban at ngenge way lang Aasya.

2 Krunika 21:20

Euram at banwa gina nanfunan tuluk safulu e dua, ay kanya gbanwan sis Erusalem, ay nafunan kaduge waluk banwa. Ay gina nbul we nbalu ya anya. Ay nanamoli anya sas Dabid at furuan, dewa katanya, wa nafasa sangay fun at fagfolian.

2 Krunika 21:4

Ay nu maksvn wan Euram nu gfunan sit mama at fagfunanan, kanya nafabul at ngay faduksay, gasfuan tibak tagfangguna sis Uda.

2 Krunika 22:8

Ay gina Yeu gfabul Akab at kalongan, kanya nalag Uda at ngay tagfangguna ay Aasya at ngay kalongan at ngay baguama at nanangalo Aasya. Ay kanya nafabul anya fagayu.

2 Krunika 24:25

Ay ngay taw Aram at ngay tagfawayan nu nalo wan, Uas anfamato way ay e ngay natayukan. Ay at ngay tagfangguna ansadi laman namabul anya, aroro Uas nafabul Euyada fag tagfon fanggalangun at baguama. Ay kanya fagayu nafabul anya sit fagtiugan. Ay nanamoli anya sas Dabid at furuan daul, dewa katanya, wa nanamoli sas fagfolian ngay fun.

2 Krunika 25:27

Ay gina Amasya nafamabo Yawi, tibak taw Erusalem kaylat gfabul anya. Nu katanya, kanya nalagyu sas furuan Lakis, dewa katanya, kanya fagayu nasugu ngay taw laman nangguyan anya ay nafabul.

2 Krunika 33:24

Ay Amun at ngay fagsuguan anke algan mauri sa anya, ay kanya fagayu nafabul anya sit bale.

Eremyas 29:13

Nu kakbang tua ban am sa angku sas fagdaul ay amatanganan, ggubuk ktua ban ayu.