2 Krunika 22:3 - Fanawbuid tagsibaliwas Fakayabian

³ Ay Aasya nafaning Akab fag talanan at ugali, aroro at mina nafoyung anya laman gfakamulun at mauri.

2 Krunika 22:3 ပူးပေါင်းရင်းမြစ်များ

2 Fun 8:27

Ay Aasya nafaning Akab fag talanan at ugali. Kanya nafakamulun at mauri sis Yawi at daga salubangan kata Akab fag talanan at nafakamulun, aroro kanya nafamubay Akab at kalongan at sadi.

2 Krunika 22:2

Aasya nu gfasigad gfunan, at banwa duak safulu e dua. Ay kanya gbanwan sis Erusalem ay nu gfunan sadik banwa. At mina Atalya ay at fufuama Umri.

2 Krunika 22:4

Ay kanya nafakamulun at mauri sis Yawi at daga salubangan, kata Akab fag talanan at nafakamulun, aroro gina at mama anbul, at tagfangatulun Akab at ngay kalongan.

2 Krunika 24:17

Dewa katanya, Euyada nu nbul wan, talun Uda at ngay tagfangguna nalao sas fun Uas. Ay kanya fagayu narungan sit daga salubangan ay naet sa anya te, “Dungugani emi.”

2 Krunika 24:7

(Atalya fag mangena at mauri at ngay baguina nasakbo sas Dius at bale ay nabul at yud e malong fag ngay fagagbilugun, laman at fagagbilugun gina nanseg Baal fag fagsegan.)

2 Krunika 28:2

Kanya nafaning way Israel at ngay fun, ay nafawat ngay fagsegan famamatang ngay Baal.

Malakyas 2:15

“O nunda wam nasaful te, Dius nafasadi ayu sis bilug ay sis falad. Wain at fagnafasadiun ayu? Yawi kaylat nu kae ngay sisian am laman tagseg anya. Tuyani fia te, di ban am kalyam ay nasadian sa ay mesa mangena gina am kadadwa.”

Mateu 10:37

“Ay nusnga sinu takesug angku nu dway gtungud nu kesug at mama ay at mina, wa masine nu gfangayan au anya te, ku taw. Ay katanya yangay nusnga sinu takesug angku nu dway gtungud nu kesug at baguama ay at baguina, wa masine nu gfangayan au anya te, ku taw.

Fakamulun 4:19

Dewa katanya, Pedru ay Uan nabalus te, “Amatangani, inday at matuyan sas Dius at daga salubangan, tagfaning ay fakaylatun, o ay tagfaning Dius?