2 Krunika 21:2 - Fanawbuid tagsibaliwas Fakayabian

² Euram at ngay faduksay: Asarya, Eyel, Sakaryas, Asarya, Mikael, ay Sefatya. Kanya fagayu talun Uda at fun Eusafat at ngay baguama.

2 Krunika 21:2 ပူးပေါင်းရင်းမြစ်များ

2 Krunika 12:6

Nu katanya, fun Reubuam ay Israel at ngay tagfangguna nafamababaun ay nalong te, “Yawi matuyan.”

2 Krunika 21:4

Ay nu maksvn wan Euram nu gfunan sit mama at fagfunanan, kanya nafabul at ngay faduksay, gasfuan tibak tagfangguna sis Uda.

2 Krunika 23:2

Ay kanya fagayu anfagdaul sas fagdaul talun Uda, laman namaful ngay taw Lebi ay fagayu tagfangguna ngay talanan. Ay kanya fagayu nu ndasug sas Erusalem,

2 Krunika 24:16

Ay nanamoli at bilug sas fagfolian ngay fun sis Dabid at furuan daul, aroro nafakamulun tua at matuyan sas talun Israel ay sas Dius, ay anggan sat bale.

2 Krunika 24:5

Nu katanya, kanya nafaful ngay tagfon fanggalangun ay ngay taw Lebi ay nalong sa anya fagayu te, “Nangafagdaul am sas fagdaul talun Uda ay namaful am ngay taw Israel at ngay famayad sas fun galay sik banwa, laman namasine tam Dius at bale. Namakamulun am takatanya.” Dewa katanya, ngay taw Lebi ya vtv nafaning.

2 Krunika 28:19

Yawi nafaurianan talun Uda, aroro fun Akas nataban at fagfunanun fag ngay taw laman gfakamulun at mauri, ay kanya wa nafaning Yawi.

2 Krunika 28:23

Ay kanya nafon at ngay fanggalangun sa sangay taw Damasku at nababo anya at ngay fagsegan. Aroro kanya gamatangan te, “Aram at ngay fun at ngay fagsegan ggubuk tua anya fagayu. Nu katanya, gfon kyangay ku ngay fanggalangun sa kafag ngay fagsegan laman ggubuk yangay angku.” Dewa katanya, kanya wan at nafaurianan anya ay ngay taw Israel.

2 Krunika 28:27

Ay Akas nu nbul wan, nanamoli anya sis furuan Erusalem, dewa katanya, wa nafasas fagfolian Israel at ngay fun. Ay at baguama Esekyas at natubus anya laman sik fun.

2 Krunika 33:18

Ay tiba ya at kinfasludan kaduge Manase gfunan, ay at darangin sas Dius, ay ngay taglong at longan sa anya sas Yawi, Israel at Dius at ngayan, anriruk sis fafil fagrirukan sabaliwas Uda at ngay fun.

2 Krunika 35:18

Ya batang e fagmafulun takatanya siginan ebi Samwel fag taglong at buknga. At naguna fag ngay fun wa batang ya kaful laman gamatangan Tagbarita nu Glangfe, kata Usyas, ay ngay tagfon fanggalangun, ngay taw Lebi, ngay taw Erusalem ay tagsanya fag ngay taw Uda ay ngay taw Israel.