2 Krunika 20:9 - Fanawbuid tagsibaliwas Fakayabian

⁹ ‘Nu e ndasug ban sa emi faurianan kata awayan, fagidapun, ay fanlunus, nanmalindug ban mi sa am bale at daga salubangan nu inda nu gfauseganan ami emu. Get ban mi sa emu gubuk aroro sa em fagidapun, ay dungugi tua ban ay falangfei emi.’

2 Krunika 20:9 ပူးပေါင်းရင်းမြစ်များ

2 Krunika 6:20

Uliti tua ban nangus gugat am bale kayu menit ay yabi, am fatuyanan te, sanya nu gfauseganan emu. Balusi tua nangus am fagsuguan at darangin laman stie fag bale.

1 Fun 8:33

“Am ngay taw Israel nu nababawan way sat ngay fawayan aroro anke asalanan sa emu, ay kanya fagayu nu kafoli tua sa emu ay nu gseg tua am ngayan, ay nu gdarangin tua ay get am fanggubukun ste sim bale,

1 Fun 8:37

“Nu nke fanlunus ban ste fag daga, ay mannga at ngay tanum kalangke ay liung ay tengad gfamin, ay at ngay fawayan gligung at ngay furuan, ay nu ndasug nusnge wain fag fakasaitun,

Nu Galin 20:24

“Nangawat am sik fagirugan fanggalangun mawatan siginans lutuk laman sa angku, ay stie ban nu nangirug am ay ngay fanggalangun fag ngay tupa, kambing ay ay ngay baka laman ay fagirugun fag fanggalangun, ay fanggalangun laman sas fagmanabayanun. Namakamulun am tuy sa ku nafili fag buknga ay fagnansegan sa angku, ay nanlag au ayu sanya, ay namon au sa ayu nusnge wain.

Mateu 18:20

Aroro nusnga nday at maful dewa duak taw ay tuluk taw nu gseg tua angku, sanya kyangay sit wabilug.”

Nu Galin 23:21

Dungugani anya ay faningi at ngay longan, ay lag am kauri anya, aroro fagayu at fakamulun, gfakamulun sa ku ngayan ay kanya wa gfabayan ayu laman diam gfataglayun sa ay ngay asalanan.

2 Krunika 20:8

Ay kanya fagayu nabanwan ste, ay nawat am bale laman at fagnansegan emu. Ay kanya fagayu nalong te,

Esra 10:1

Kaduge Esra gtudan gdarangin sis salubangan Dius at bale, kanya gwayway ay gfoyung taw Israel at ngay asalanan. Ay ngayuk taw Israel, mangama, mangena ay sisian tagligung anya, gwayway yangay maksvn.

Alubad. 91:3

Anud, kanya gfalangfe emu siginan at mauri fag taw at sangdaw, ay siginan at maksvn fag faurianan.

1 Fun 8:30

Dungugani ku fagetun, ay am ngay taw at fagetun, gina ami gdarangin gsalubang stae. Ay dungugani emi sanya sis banwa am fagbanwanan, ay nu gdungug tuo emi falyami em ngay fagmauriun.

2 Krunika 6:5

‘Siginan nu gfaduksun au ku ngay taw siginans talun Igiptu, kye nafili sik kasugfunanan taw Israel at furuan laman ku fagnangawatan ku bale, laman fagnamauseganan angku, ay kyangay e nafili sik fun laman sa ku ngay taw Israel.

Alubad. 50:15

Gina am sis buknga fagidapun, darangini sa angku, ay gfalangfe au ayu, ay gfauseganan am angku.”