2 Krunika 20:3 - Fanawbuid tagsibaliwas Fakayabian

³ Ay Eusafat anlimu ay ankakbang sas Yawi. Ay nasugu sas fagayu taw Uda te, “Lag tam gfangon laman gdarangin tam.”

2 Krunika 20:3 ပူးပေါင်းရင်းမြစ်များ

2 Krunika 11:16

Ay ngay taw Israel tagbanwan sa sangay afud talun Israel, takaylat nangakbang sas Yawi ngay taw Israel at Dius, nanangalo ngay taw Lebi sas Erusalem, laman namon at ngay fanggalangun sas Yawi, sat ngay mangaguyang at Dius.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

2 Krunika 7:14

ay ku nauro fag ngay taw nu kamababaun tua, ay gdarangin, ay kakbang tua sa angku, ay gubun tua at ngay fakamulun at mauri, gdungug au anya siginans banwa ay gfalyam au at ngay fagmauriun, ay gdog kyay ban gfayu at gutluan siginan at daga.

Nemyas 9:1

Gina sis faduak safulu e ufatk menit, ginanya yay fia fag magdanun, ngay taw Israel anful ay wa gfangon laman gdarangin. Ay kanya fagayu nasulun saku, ay nafoli dafug sat ngay mesa alfuyu laman gfalag te, kabalu.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Eremyas 36:9

Anfasludan takatanya gina yud gfangon fag menit laman gdarangin sis Yawi at daga salubangan, gina sis fasiamk magdanun sis falimak banwa Yuyakim, Usyas at baguama nu gfunan sis talun Uda. Ngay taw Erusalem ay ngay taw tagsiginan sangay furuan tagsis Uda anful sas Yawi at bale.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Uel 1:14

Nanlong am sas Uda at ngay tagfangguna ay sas fagayu tagbanwan te, fagayu am loi sas Yawi at bale laman e buknga am nu yud kon, ay eti sas Yawi te, “Gubuki emi.”

Amus 5:4

Nu katanya, ngay taw Israel akbangi sa angku, laman ban gleleg tuam.

Unas 1:16

Aroro sat kindasug, ngay tagfakamulun maksvn nu kalimu Yawi. Nu katanya, kanya fagayu nafon sik fanggalangun sas Yawi, ay nafatuyanan te, gfataglayun ban nu gfaning ay nu gseg anya.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Tagfangguna 20:26

Nu katanya, ngay taw Israel gdog yay naundaud sas Betel ay gfainfanyuan sis Yawi at daga salubangan. Kanya fagayu wa gfangon laman gdarangin yakmay anyabi ay gfon at fagirugun fag ngay fanggalangun ay ngay fanggalangun sas Dius laman sas nasadian.

1 Samwel 7:6

Ay kanya fagayu nu nful wan, nabul mamam ay naugwag sis Yawi at daga salubangan. Ginanya fag menit kanya fag ngay taw wa gfangon laman gdarangin laman gfoyung ay gubun at ngay asalanan sas Yawi. Ay ginanya Samwel nu gfasigad gfangguna ngay taw Israel.