2 Krunika 2:3 - Fanawbuid tagsibaliwas Fakayabian

³ Ay Sulumun nafadasug sik longan sas Kiram, Tiru at fun, te, “Fadasugi sa angku ngay kayu sidru kata am nafakamulun sa ku mama Dabid gina gfawat at bale.

2 Krunika 2:3 ပူးပေါင်းရင်းမြစ်များ

2 Samwel 5:11

Kiram, talun Tiru at fun, nasugu sas Dabid ngay tagfosuk longan gadgaloan ngay tagsaful kawat bale ay tagfadalusan ngay gang laman at famale, ay kanya nafabuba yangay ngay kayu sidru laman fangawat Dabid at bale.

1 Krunika 14:1

Kiram, talun Tiru at fun, nasugu ngay tagfosuk longan sas Dabid gadgaloan ngay tagsaful kawat bale, ay tagfadalusan ngay gang laman at famale. Ay kanya nafabuba yangay ngay kayu sidru laman fangawat Dabid at bale.

2 Krunika 13:11

Galay balabag ay yabi kanya fagayu gfon sas Yawi at fagirugun fag ngay fanggalangun ay famaebebanglu fag lune. Ay kanya fagayu gfatungkud tinapay sis fagfatungkudan at natuyan te, masine. Ay galay yabi kanya fagayu gfasalung ngay salung at mafatungkudan sis fagfatungkudan mawatan siginans gintu. Gfafasludan ami Yawi em Dius at ngay suguan. Ay am, kamabo wayam anya.

2 Krunika 24:14

Ay nu ntabu wan nu gfakamulun, kanya fagayu nafafoli at sawad fag salapi sas fun ay sas Euyada, ay nagbilug kanya fag salapi laman fangawat ngay fagagbilugun sis Yawi at bale: gina nanseg, gina namon at fagirugun fag fanggalangun, ay at famul at mabyat fag fagsuadan at mawatan siginans gintu ay salapi. Ay kaduge Euyada gleleg girug tua gugat ngay fanggalangun sas Yawi at bale.

2 Krunika 4:19

Fun Sulumun nafawat yangay ngay fagagbilugun laman sas Dius at bale: sik fagirugan fanggalangun mawatan siginans gintu; ay fagfatungkudan at mawatan siginans gintu laman fagfatungkudan tinapay fanggalangun sas Dius;

2 Krunika 8:13

Kanya nafafasludan kata Muisis at suguan: at fagfonun kayu menit, ay galay Famiangalay fag Menit, ay fagmafulun sabaliwa Magdanun nu Bagu Kasure, ay galay banwa fag tuluk fagmafulun: fagmafulun sabaliwa Tinapay at yud e Famabia, fagmafulun sabaliwas Fanggutluan, ay fagmafulun sabaliwa nu Kawat ngay Fayag.

Esra 6:3

Tuy fag rirukan tagfamatang te, gina taguna fag banwa fun Sirus nu gfunan, kanya nasugu te, fadogi yap awati Yawi at bale sis Erusalem, nu dada nu namuba at ngay fanggalangun. Famaogati tua at fagtungkudan turuk. At kabatan siamk safuluk darafa gsugfunan, ay at kabaan siam yangayk safuluk darafa gsugfunan.

Nemyas 10:34

Ay nafafidfilian ami gasfuan em ngay tagfon fanggalangun, ay ngay taw Lebi laman ginsaful te, ginain ban galay sik talanan nu namosuk famaygang fangirug fanggalangun at fagnamonun sas Yawi em Dius, kata at marirukan sis Faugali.

Nu Galin 25:30

Fae tinapayi tua gugat si ku daga salubangan fag fagfatungkudan.

Nu Galin 29:38

“Galay menit, duak tupa tagsik banwa am fagnangirugun sas fagirugan laman sik fanggalangun.

Nu Galin 29:39

Foni at sadi sis balabag, ay at sadi sis fafun.

Nu Galin 29:41

Fakamuluni yangay takatanya sas faduak tupa ay fagnamonun galay fafun. Fasfuani yangay foni sik fanggalangun famauseganan angku ay sik fanggalangun fag fanginum. Kanya at fagirugun fag fanggalangun, ay at ayuk at mabebanglu sik famauseganan angku.

Nu Galin 30:7

“Galay balabag, Arun, gina nafasalung ngay salung, kanya nangirug sik famaebebanglu sanya fag fagirugan.

Lebitiku 23:2

laman nanlong sa sangay taw Israel ngay faugali sabaliwa at mafilian fag ngay menit, nu ginain ngay taw nu maful laman gseg Yawi.

Lebitiku 9:17

Kanya nabuba yangay sas wabilug fagmafulan at fanggalangun famauseganan Yawi. Ay kanya nabul sik galumut fangawat tinapay ay nairug sas fagirugan gasfuan ngay fagirugun fag ngay fanggalangun tagsis balabag baliwa nu girug.

Tap 28:11

“ ‘Galay fasadik menit si sik magdanun, foni ay fagirugun fag fanggalangun laman sas Yawi. Ay fanggalangun duak tama baka, sik tama tupa ay fituk tupa riangan tagsadik banwa. Ay fanggalangun at yud tua e malong fag ngay fagbaugun.

Tap 28:9

“ ‘Galay Famiangalay fag Menit, foni fanggalangun duak tupa riangan tagsadik banwa at yud e malong, ay fasfuani foni ay fanginum fag fanggalangun ay fanggalangun famauseganan Yawi, ay foni yangay ufatk fabudbungguan at masine fag fangawat tinapay at ke suglat langis.