2 Krunika 17:9 - Fanawbuid tagsibaliwas Fakayabian

⁹ Ay kanya fagayu gbuba fagrirukan Yawi at suguan, ay nadalanan sas fagayu furuan sis Uda, ay kanya fagayu nafoyung sa sangay taw.

2 Krunika 17:9 ပူးပေါင်းရင်းမြစ်များ

2 Krunika 15:3

Ngaduge wan ngay taw Israel nu gbanwan nu yud si anya at matuyan fag Dius, ay nu yud e ngay tagfon fanggalangun tagfoyung anya fagayu, ay nu yud e fagaloan suguan.

2 Krunika 19:8

Ay Eusafat nafili yangay sis Erusalem, ngay taw Lebi, ngay tagfon fanggalangun, ay tagfangguna ngay taw Israel at ngay talanan, laman tagfasine kafag ngay taw at ngay mamalong sabaliwa Yawi at suguan, ay tagfasine nu e gawayan way.

2 Krunika 35:3

Ay kanya nafon yangay fakamulun sa sangay taw Lebi fag ngay takamoyung sis Erusalem, at nafili laman tagfakamulun sis Yawi at bale. Ay kanya nalong sa anya fagayu te, “Nafasakbo wan Fagsuadan Nasadian sas Yawi at bale, sis Sulumun, Dabid at baguama at nafawat, ay wa ban am namuba ya gugat. Nu katanya, fagayu buknga fakamuluni sa ay Dius Yawi, ay sat ngay taw Israel.

Nemyas 8:7

Ay fagayu taw nu nlindug wan, e nafoyung sa anya fagayu Dius at Faugali. Ay at nafoyung, ngay taw Lebi. At ngay ngayan: Eswa, Bani, Serebya, Amin, Akub, Sabetay, Udya, Maaseya, Kelita, Asarya, Usabad, Kanan, ay Pelaya.

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Malakyas 2:7

“At matuyan, am wan fag ngay tagfon fanggalangun tagfoyung sa sangay taw at matuyan sabaliwa angku. Ay kanya nangus fag ngay taw gfainfoyung tua sa ayu aroro am wan ku ngay fagsuguan.

Mateu 10:23

Ay sik furuan at taw nu gfauri way ayu, lagyui sat fadogan fag furuan. Aroro matuyan nu glong au ayu te, ya ban am nadasug ngay taw Israel at ngay furuan tiba, au, Taw at Baguama, yakmay kban andasug.

Mateu 11:1

Ay Isus nu ntabu wan nu gfoyung sat tagadal fag labi dua, kanya nalo sanya ginan laman namoyung sat dayu fag ngay furuan.

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Uan 5:46

Nu gafanud tuam sas Muisis, gafanud yangay am nangus sa angku, aroro kanya at rirukan sabaliwa angku.

Fakamulun 13:15

Ay nu ntabu gtap sik afud Muisis at Faugali ay siginan Dius at ngay taglong at rirukan, bale fakafulan at ngay fagtainan nasugu at fagsuguan laman nanlong sas duama te, “Em ngay faduksay, nu e fagyalongun yayam laman famaksvn ste fag ngay tagafanud, foyungi emi.”

Fakamulun 15:21

Aroro siginan ebi, e gfoyung wan Muisis at Faugali sas fagayu furuan, ay e gtap kafag longan sa sangay taw Udyu at ngay bale fakafulan galay Famiangalay fag Menit.”

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Fakamulun 8:40

Ay Felipe nu gamatang wa anya, si was furuan Asutu. Ay kanya gina gfataglayun glao sa sangay furuan, kanya kamoyung at Masine fag Barita sabaliwas Isus anggan andasug sas furuan Sesaria.

Ruma 3:2

Ngay taw Udyu gtungud yay tibak taw sas nusnga setaw, taguna, sa anya fagayu nu gfatigwanan Dius at Longan.

1 Pedru 4:11

Nu sik tagfoyung o, famoyungi Dius at longan. Ay nu sik taggubuk o, agbilugi nu ggubuk o Dius at nafon emu fag fagmabitsugun, laman gfauseganan o anya sas fagayu am fakamulun siginans Isus tam Fun. Siwa anya fagmasineun ay fagmabalyananun kabavn ban. Anud.