2 Krunika 17:6 - Fanawbuid tagsibaliwas Fakayabian

⁶ Ay kanya gfaning tua Yawi at ngay balyawvtan. Kanya nanamaiklas ngay fagnansegan si tangabat fag ngay buknga, ay anggan ngay turuk fagtoglagan Asera fag fagsegan sis talun Uda.

2 Krunika 17:6 ပူးပေါင်းရင်းမြစ်များ

1 Fun 22:43

Eusafat nafaning tua at mama Asa at ugali ay matuyan at nafakamulun. Nafakamulun at masine sis Yawi at daga salubangan. Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

2 Krunika 14:2

Asa nafakamulun at masine sit Dius Yawi at daga salubangan.

2 Krunika 14:3

Kanya naiklas ngay fagirugan fanggalangun, at fagnamonan sat yud matuyan fag ngay fagsegan, ay ngay bale fagnansegan sa tangabat fag ngay buknga. Ay kanya narufa yangay famamatang fag ngay gang, ay nagatvng ngay turuk fagtoglagan Asera fag fagsegan.

2 Krunika 15:17

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Dius.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

2 Krunika 20:33

Dewa katanya, kanya wa naiklas ngay bale fagnansegan si tangabat fag ngay buknga, ay at fagfunanun fag ngay taw wa nafaning at ngay mangaguyang at Dius.

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

Ub 22:26

Ay nu katanya tua, Dius gfae fagmanabayanun emu, ay di o kapla nangakbang anya.

Alubad. 119:1

Mauseganan sik taw nu masine tua at ugali, ay nu gfaning Yawi at faugali.

Alubad. 138:5

Ay galubad ban sabaliwa am ngay nafakamulun, aroro mabalyanan tuo.

Nu Galin 34:13

Abat ngate, nanrasras yakman am at ngay fagirugan ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan.

Usea 14:9

Am at ke fagsafulun, asafuli ay atogdungugi takatanya fagayu. Kasakan tua Yawi at ngay balyawvtan, ay at matuyan fag ngay taw gfaning tua, dewa katanya, kanya mauri way sa sangay taw takamabo.

Fakamulun 13:10

“Satanas o at sisian ay kabavn gsalag o gugat at matuyan. Fagayu am fakamulun gfandaya o ay kamuag. Ay kabavn gsalag o tam Fun at ngay balyawvtan nusnga setaw at matuyan.

Deuterunumyu 28:47

Aroro wam nauseganan nafakamulun sa ay Dius Yawi gina am maramraman,