2 Krunika 17:5 - Fanawbuid tagsibaliwas Fakayabian

⁵ Yawi nafaksvn Eusafat at fagfunanun, ay ngay taw Uda nafon sa anya at ngay famonun. Nu katanya, kanya anramraman ay ansik takadungug.

2 Krunika 17:5 ပူးပေါင်းရင်းမြစ်များ

Fakasigadan 13:2

Abram maramraman wan, ay ngayu wan at ngay fagbaugun, ay at salapi ay at gintu.

1 Fun 10:25

Galay banwa at nansibo anya e buba famonun at mawatan salapi, ay gintu, ay ngay lanbung, ngay fagagbilugun sas awayan, ngay famaenamnam fakonun, ngay kabayu ay ngay mola.

1 Fun 10:27

Ay gina Sulumun gfunan, ngay salapi sis Erusalem at kamafanudan kata way lang ngay gang, ay ngay kayu sidru ngayu kata ngay almuyu tagsis fun buksul.

1 Fun 4:21

Fun Sulumun gfunan fagayu fagfagtainanan siginans Liskung Eufrates ay taw Filistia at talun sitsigons fungfung talun Igiptu. Kafag ngay fagfagtainanan gfon famayad sa anya, ay kaduge fun Sulumun gleleg, kanya fagayu gfababaun sa anya.

2 Krunika 1:15

Ay gina Sulumun gfunan, ngay salapi ay gintu sis Erusalem, at kamafanudan kata way lang ngay gang, ay ngay kayu sidru ngayu kata ngay almuyu tagsis fun buksul.

2 Krunika 18:1

Nu ngayu wan Eusafat at ngay ramraman, kanya ansik takadungug ay nafagadgalangan. Ay kanya nafadadwa at ngay kalongan sas fun Akab at ngay kalongan.

2 Krunika 32:23

Ay ngayuk taw at nabuba at ngay fanggalangun sas Erusalem laman sas Yawi. Ay kanya fagayu nafadasug yangay sas fun Esekyas at mafilian fag ngay famonun. Ay siginan ginanya fagayu talun gfauseganan fun Esekyas.

2 Krunika 9:27

Ay gina Sulumun gfunan, ngay salapi sis Erusalem at kamafanudan kata way lang ngay gang, ay ngay kayu sidru ngayu kata ngay almuyu tagsis fun buksul.

Ub 42:12

Nu katanya, Yawi nafon sas Ub ngayuk ramraman, gtungud yay ebi taguna. At nafon anya labi ufatk libuk tupa, ay unumk libuk kamelyu, sadik libuk baka dadwa, ay sadik libuk tina asnu.

Alubad. 127:1

Yawi yaman nagubuk takawat bale, kanya ro fag ngay taw wa nakatu kawat. Ay kanya yaman gdiri furuan daul, wa ro e masuad at ngay tagulit.

Alubad. 132:12

Ay nalong yangay o te, “Am ngay kasugfunanan ban nu gfaning tua kata ku nasadian ay ku faugali sa anya fagayu, kanya ban fagayu umsik ngay fun kabavn.”

Alubad. 68:29

Ngay fun ban namon sa emu at ngay fanggalangun sam bale sis Erusalem.

Alubad. 72:10

Tarsis ay anggan ngay furu tagsis wabilug dagat at ngay fun ay Syeba ay Seba at ngay fun, namon nangus at ngay famonun sa anya.

Alubad. 76:11

Fafasludani tua ay fatuyanan sa ay Dius Yawi. Ay anggan am tagsis ligung fag ngay talun, foni ngay fanggalangun sas Dius, aroro kanya sik fagsuyuun.

Fangatulun 16:12

Ngay fun wa kaylat nusnga sinu tagfakamulun at mauri, aroro nu matuyan tua nu gfangguna, gfataglayun tua nu gfunan.

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

1 Pedru 5:10

Tam Dius magalang sas fagayu taw, ay kanya at nauro ayu sat yud e fakatabuan fag fagmasineun siginan tam Fun Isus. Wa ban glugo ya nu gidapan am, ay Dius ban namafia ay namabitsug ay namaksvn ayu.

1 Samwel 10:27

Ay tibak taw gfalingun Saul te, “Ay setain ban kanya nu mafalangfe antam?” Ay kafag ngay taw wa nafon ya famonun sas Saul laman famauseganan sat funan ban. Dewa katanya, Saul wa kasalag kafag ngay taw.