2 Krunika 17:4 - Fanawbuid tagsibaliwas Fakayabian

⁴ nu bunway kanya ankakbang tua sat mama at Dius ay nafaning tua at ngay suguan, abat ngate, gfaning ngay taw Israel nu gugali.

2 Krunika 17:4 ပူးပေါင်းရင်းမြစ်များ

1 Fun 12:28

Fun Erubuam nu nafakamatoan at ngay tagfangatulun, nafawat duak baka riangan siginans gintu, ay nalong sa sangay taw te, “Malufuy way nu glo am sas Erusalem. Damai, Israel, ste way ay ngay fagsegan at nafaduksun ayu siginans talun Igiptu.”

1 Fun 12:30

Fun Erubuam at nafakamulun takatanya nafae asalanan Israel. Fagayu taw nalo dewa sitsigons Dan laman namauseganan kafag baka riangan sanya.

1 Fun 12:33

Ay gina sis falabi limak menit sis fawaluk magdanun, sit nafili way fag menit, fun Erubuam nafon sik ngay fanggalangun sas fagirugan at nafawat sis Betel. Kanya nafae fagmafulun laman sa sangay taw Israel, ay nasas fagirugan laman namon sik ngay fanggalangun.

1 Fun 3:3

Sulumun nafalag sas Yawi te, kesug anya, siginan nu gfaning at mama Dabid at ngay foyungan. Ay dewa katanya, nafon at ngay fanggalangun ay nanangirug yay ngay famaebebanglu fag lune sa sangay fagnansegan sa tangabat fag ngay buknga.

1 Fun 9:4

Ay nu matuyan tua ban o gfaning angku kata am mama Dabid, ay nu gfakamulun tua ban o fagayu ku suguan emu, ay gfafasludan ku ngay foyungan ay ku fon emu fag ngay fagaloan,

2 Fun 17:19

Dewa katanya, anggan ngay taw Uda wa nafaning at Dius Yawi at ngay suguan. Kanya fagayu nafaning yangay ngay taw Israel at ngay nafakamulun.

2 Fun 8:18

Kanya nafaning Israel at ngay fun at ugali, kata Akab fag talanan at nafakamulun, aroro kanya nabubay Akab at baguina. Euram nafakamulun at mauri sis Yawi at daga salubangan.

2 Krunika 14:6

Ay kaduge manabayan, kanya nafae ngay dingding alad ngay furuan tagsis Uda. Ay ginanya we nanamawayan anya, aroro Yawi nafon sa anya fagmanabayanun.

2 Krunika 17:3

Ay Yawi naufud Eusafat, aroro gina taguna fag ngay banwa kanya nu gfunan, nafaning tua at mangaguyang Dabid nu mabanwan. Kanya di nananget gubuk sas Baal fag ngay fagsegan,

2 Krunika 21:12

Ay taglong Elyas nariruk sas Euram te, “Katatuy Yawi at longan, am mangaguyang Dabid at Dius. Glong te, ‘Wo nafaning am mama Eusafat ay am fufuama Asa at ugali. Kanya fag dua at nafunan yangay sis Uda.

2 Krunika 22:9

Sanya ginan, Yeu nasugu sat ngay tagfawayan laman nanrvbvy Aasya. Ay kanya fagayu nalag Aasya sis Samarya fag furuan, ay nataban anya sas Yeu ay nafabul. Ay sanya ginan nanamoli at bilug, aroro nalong te, “At fufuama Eusafat nadarangin sas Yawi sas fagdaul at amatanganan.” Ay Aasya we kalongan ya at makatu gfunan.

2 Krunika 27:6

Ankaksvn yay Utam nu mabalyanan, aroro kanya gfaning tua at Dius Yawi.

2 Krunika 29:2

Esekyas nafakamulun at matuyan sis Yawi at daga salubangan, kata at mangaguyang Dabid.

2 Krunika 34:2

Ay kanya matuyan at fakamulun sis Yawi at daga salubangan, kata at mangaguyang Dabid at nafakamulun ay di gfaragang nu gfakamulun at masine.

Usea 4:15

Ngay taw Israel, dewa am natalyuyan angku kata sik mangena takamatugtug, lag am gfataip ngay taw Uda. Ay am fag ngay taw Uda, lag am glao sas Gilgal ay sas Bet-Aben laman nanseg angku, ay lag am glong ku ngayan gina am gfatuyanan.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

1 Tesalunika 2:12

ugalii at matuyan sis Dius at daga salubangan. Kanya nauro ayu laman gfagtainan ayu ay laman mafabul am at fagmasineun.

1 Tesalunika 4:1

Em ngay faduksay, ebi nafoyung ami sa ayu te, fakamuluni at mauseganan sas Dius, ay nafakamulun tuam takatanya. Katsi, gurungan ami glong ayu te, sa tam Fun Isus at ngayan, faugati yap takatanya ay fakamulun.