2 Krunika 17:3 - Fanawbuid tagsibaliwas Fakayabian

³ Ay Yawi naufud Eusafat, aroro gina taguna fag ngay banwa kanya nu gfunan, nafaning tua at mangaguyang Dabid nu mabanwan. Kanya di nananget gubuk sas Baal fag ngay fagsegan,

2 Krunika 17:3 ပူးပေါင်းရင်းမြစ်များ

Fakasigadan 39:21

Yawi gufud tua gugat anya. Aroro sas Yawi at fagmasineun, tagulit fagubungan magalang tua sas Use.

2 Samwel 5:10

Ay Dabid ankaksvn nu mabalyanan aroro Yawi, Dius at Mabalyanan, ggubuk anya.

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

1 Fun 11:6

Sulumun nafakamulun at mauri sis Yawi at daga salubangan, nu katanya, kanya nu gfaning Yawi, bunwa sas fagdaul at amatanganan, wa kata at mama Dabid.

1 Fun 22:43

Eusafat nafaning tua at mama Asa at ugali ay matuyan at nafakamulun. Nafakamulun at masine sis Yawi at daga salubangan. Dewa katanya, kanya wa naiklas ngay bale fagnansegan si tangabat fag ngay buknga, nu katanya, ngay taw gfataglayun nu gfon fanggalangun ay nu girug at famaebebanglu fag lune.

1 Fun 3:3

Sulumun nafalag sas Yawi te, kesug anya, siginan nu gfaning at mama Dabid at ngay foyungan. Ay dewa katanya, nafon at ngay fanggalangun ay nanangirug yay ngay famaebebanglu fag lune sa sangay fagnansegan sa tangabat fag ngay buknga.

2 Fun 14:3

Masine Amasya at nafakamulun sis Yawi at daga salubangan. Dewa katanya, wa nafasud at mangaguyang Dabid at nafakamulun. Abat ngate, kanya nafaning at mama Uas.

2 Fun 16:2

Akas gina gfasigad gfunan, at banwa duak safulu. Ay kanya gbanwan sis Erusalem, ay nu gfunan labi unumk banwa. Ay kanya nafakamulun at mauri sit Dius Yawi at daga salubangan, ay wa nafaning at mangaguyang Dabid at nafakamulun.

2 Fun 18:3

Esekyas nafakamulun at matuyan sis Yawi at daga salubangan, kata at mangaguyang Dabid.

2 Fun 22:2

Ay Usyas matuyan at fakamulun sis Yawi at daga salubangan, kata at mangaguyang Dabid at nafakamulun, ay di gfaragang nu gfakamulun at masine.

1 Krunika 22:18

Ay kanya nalong sanya fagayu te, “Ay Dius Yawi gufud tua ayu ay gfayayu ayu siginan ay ngay fawayan at munakbang si ayu aroro kanya nafatigwanan wa sa angku fagayu tagbanwan ste fag talun, ay katsi Yawi naylat nu gfagsuguan tam kanya fag ngay taw.

2 Krunika 14:11

Sanya ginan, Asa nadarangin sat Dius Yawi te, “Yawi, we makatu ggubuk ngay taw at yud e fagmakatuun, laman namawayan sa sangay taw at ke fagmabalyananun, nu bunway o way lang. Yawi, em Dius, gubuki emi, aroro o way lang em fagsegun, ay sam ngayan, nalao ami stae laman namawayan in fag ngay tagfawayan ngayu. Yawi, em Dius, lag o kaylat ngay taw nu gbabo emu.”

2 Krunika 15:2

Ay kanya nanangablang fun Asa, ay nalong anya te, “Fun Asa, dungugani, ay anggan am fag ngay taw Uda, ay ngay taw Benamin. Yawi si tua ayu nu gbanwan tuam si anya. Nu grvbvy tuam anya, lumag am anya. Ay nu natalyuyan wayam anya, kanya gaiyan yangay ayu.

2 Krunika 17:2

Ay kanya nasugu at ngay tagfawayan laman nangulit sat ke alad fag ngay furuan sis Uda, ay kanya nawat yangay at ngay tagfawayan at fagulitan fag bale sis talun Uda ay si sangay furuan sis Efraim, at mama Asa at nagbilug.

2 Krunika 17:4

nu bunway kanya ankakbang tua sat mama at Dius ay nafaning tua at ngay suguan, abat ngate, gfaning ngay taw Israel nu gugali.

2 Krunika 20:32

Eusafat nafaning tua at mama Asa at ugali ay matuyan at nafakamulun. Nafakamulun at masine sis Yawi at daga salubangan.

2 Krunika 21:12

Ay taglong Elyas nariruk sas Euram te, “Katatuy Yawi at longan, am mangaguyang Dabid at Dius. Glong te, ‘Wo nafaning am mama Eusafat ay am fufuama Asa at ugali. Kanya fag dua at nafunan yangay sis Uda.

2 Krunika 22:9

Sanya ginan, Yeu nasugu sat ngay tagfawayan laman nanrvbvy Aasya. Ay kanya fagayu nalag Aasya sis Samarya fag furuan, ay nataban anya sas Yeu ay nafabul. Ay sanya ginan nanamoli at bilug, aroro nalong te, “At fufuama Eusafat nadarangin sas Yawi sas fagdaul at amatanganan.” Ay Aasya we kalongan ya at makatu gfunan.

2 Krunika 27:6

Ankaksvn yay Utam nu mabalyanan, aroro kanya gfaning tua at Dius Yawi.

2 Krunika 29:2

Esekyas nafakamulun at matuyan sis Yawi at daga salubangan, kata at mangaguyang Dabid.

2 Krunika 34:2

Ay kanya matuyan at fakamulun sis Yawi at daga salubangan, kata at mangaguyang Dabid at nafakamulun ay di gfaragang nu gfakamulun at masine.

Alubad. 46:11

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Alubad. 46:7

Yawi at Mabalyanan gufud antam. Ay kanya yangay fag Dius, Akub at Dius, tam fagsarirungan.

Nu Galin 3:12

Dius glong te, “Gufud kban emu. Katatuy tagfatuyan te, au at nasugu emu: nu nafalfas ban o ngay taw Israel siginans talun Igiptu, nanseg ban am angku stie fag buksul.”

Nu Galin 4:12

Nu katanya, loi wan, aroro ggubuk kban emu garingang, ay gfoyung kban sa emu am ngay fagnanlongun.”

Isayas 41:10

Lag o kalimu aroro au wan am Dius. Namabitsug au ay nanggubuk emu. Ku fagmabalyananun tagfaksvn emu ay tagfalangfe.

Isayas 8:10

Nusnga setaw ban ay nafalganan fag fakamulun laman gfawayan am emi, wa ban umfasludan kata ay algan, aroro Dius gufud tua emi.

Eremyas 2:23

Setain nu malong am te, ‘Wami masuya ay wami gseg Baal?’ Amatangani nu se aksvn nu mauri ay ngay nafakamulun sis datag Inum ay tiba yak asalanan ay nafakamulun. Kata am sik kamelyu tina tagrvbvy at tama.

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Mateu 18:20

Aroro nusnga nday at maful dewa duak taw ay tuluk taw nu gseg tua angku, sanya kyangay sit wabilug.”

Mateu 25:16

Ay arodi vtv, at nabul kafag limak libuk salapi, nalo wan, ay nafon sa tibak taw laman namafamut yay kafag salapi. Ay abandi at kinfamut, limak libuk yangayk salapi.

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

2 Timuteu 4:22

Tam Fun sumawa nangus emu. Ay at fagmagalangun sumawa nangus fia ayu fagayu.

Uswe 1:5

“Wa ban e mababo emu kaduge o gleleg. Gufud kban gugat emu kata nu gufud au Muisis. Kwa ban gubun ay gfabayan emu.

Uswe 1:9

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”

Tagfangguna 2:11

Ngay taw Israel nafakamulun at mauri sas Yawi at daga salubangan, ay naseg Baal fag fagsegan.

Tagfangguna 2:18

Yawi nagubuk tua fagayu at nasugu fag ngay tagfangguna ay nafalangfe ngay taw Israel siginan at ngay fawayan kaduge ngay tagfangguna gleleg, ay anfanyu tua, aroro nalag at ngay nakalpan siginan at ngay nafaidapan ay at nafauri anya fagayu.

Tagfangguna 6:12

Yawi at tagbarita ansure sas Gidyun ay nalong te, “Maseganama o ay at mabitsug fag taw, Yawi ggubuk emu.”

Tagfangguna 8:33

Ay Gidyun nu nbul wan, ngay taw Israel nafamabo Dius, ay nadog yay naseg Baal. Ay kanya fagayu naseg Baal-Berit laman at fagsegan,

1 Samwel 18:12

Saul maksvn nu kalimu aroro Yawi wa si ya anya ay nasaful te, Yawi gufud tua Dabid.

1 Samwel 18:14

Dabid nafafasludan tua at ngay fakamulun aroro Yawi gufud tua anya.

1 Samwel 18:5

Kayu ginan Saul nasugu Dabid laman namawayan, kanya gbabo tua, nu katanya, Saul nafili anya sik fun tagfawayan. Ay fagayu taw ay anggan Saul at ngay tagfangguna naylat anya.