2 Krunika 17:1 - Fanawbuid tagsibaliwas Fakayabian

¹ At natubus Asa laman sik fun, at baguama Eusafat. Ay Eusafat nafaksvn at fagfunanun, laman manamawayan sas Israel.

2 Krunika 17:1 ပူးပေါင်းရင်းမြစ်များ

1 Fun 15:24

Ay Asa nu nbul wan, nanamoli anya magamut at ngay mangaguyang sis Dabid at furuan. Ay at baguama Eusafat natubus anya laman sik fun.

1 Fun 22:41

Gina sis faufatk banwa Akab nu gfunan sis Israel, Asa at baguama Eusafat gfasigad gfunan sis Uda.

2 Fun 1:17

Ay Aasya anbul kata Yawi at longan sas Elyas. Aroro Aasya we baguama, at natubus anya laman sik fun at arian way Uram. Uram gfasigad gfunan gina faduak banwa Euram, Eusafat at baguama, nu gfunan sis Uda.

1 Krunika 11:10

Kayu tuy Dabid at ngay tagfangguna at maseganama fag ngay tagfawayan. Kanya wan fag ngay tagfangguna ay ngay taw Israel at nagubuk Dabid laman sik fun, kata Yawi at nafatuyanan sas Israel.

2 Krunika 12:1

Nu manabayan wan fun Reubuam nu gfunan, ay nu e fagmabalyananun wan, kanya ay ngay taw Israel nafamabo Yawi at suguan.

2 Krunika 17:2

Ay kanya nasugu at ngay tagfawayan laman nangulit sat ke alad fag ngay furuan sis Uda, ay kanya nawat yangay at ngay tagfawayan at fagulitan fag bale sis talun Uda ay si sangay furuan sis Efraim, at mama Asa at nagbilug.

2 Krunika 26:8

Ay ngay taw Amun gfon sa anya at ngay famayad, ay kanya ansik takadungug yangay anggan sas talun Igiptu, aroro kanya anke fagmabalyananun.

2 Krunika 32:5

Sanya ginan, Esekyas nafaogat yay at furuan alad, ay nafawat at fagulitan fag ngay bale ngabat. Ay kanya nafalanib yay kafag furuan at alad, ay nafabungsud lutuk sas galay datag tagsis Dabid at furuan daul. Ay kanya nafawat yangay ngayuk famawayan ay ngay famalabag.

Esekyel 7:27

At fun ban umke fakabaluun ay at ngay fagsuguan ban umyud e fagsegun. Ngay taw ban tumadtaruyan kalimu. Namaurianan kban anya fagayu kata at nafakamulun. Ay namaurianan kban anya fagayu nu setain nu gfauri tibak taw. Nu katanya, kanya ban fagayu, sumaful te, au Yawi.”

Mateu 1:8

Asa at baguama, Eusafat, ay at fufu, Uram, ay at fufu tud, Usya.

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

1 Samwel 23:16

Ay Yunatan, Saul at baguama, nalao sas Dabid sas Kures. Ay Yunatan nafaksvn Dabid at amatanganan siginans Dius at gubuk.