2 Krunika 16:4 - Fanawbuid tagsibaliwas Fakayabian

⁴ Ay Ben-Adad naylat fun Asa at famonun ay nasugu at ngay fun tagfawayan laman namawayan ngay furuan sis Israel. Ay kanya nababo ngay furuan Iyun, Dan, Abel-Maim ay fagayu fagfungsuan gutluan sis talun Naftali.

2 Krunika 16:4 ပူးပေါင်းရင်းမြစ်များ

Fakasigadan 14:14

Ay Abram nu nasaful te, at mangwai nagamatan, nafaful wa vtv tuluk sandan labi waluk tagfawayan at mafananadan. Ay nanamafalo kanya fag ngay fun sitsigons furuan Dan.

1 Fun 15:20

Ay Ben-Adad naylat fun Asa at famonun ay nasugu at ngay fun tagfawayan laman namawayan sa sangay furuan sis Israel. Ay kanya nababo ngay furuan Iyun, Dan, Abel-Bet-Maaka ay fagdaul talun Naftali, anggan talun tagligung dagat Kineret.

1 Fun 9:19

ay fagayu at furuan fagfungsuan gutluan, ay at fagfasarirungan ngay kabayu ay faguyudan fag sakayan gina namawayan. Sulumun nafawat yangay nusnga setaw at fakaylatun sis Erusalem ay sis Lebanun ay sis fagdaul at fagfunanan fag talun.

2 Fun 16:9

Asirya at fun naylat Akas at fagetun, nu katanya, kanya nafawayan ay nagbilug furuan Damasku. Kanya nataban sas furuan Kir ngay taw tagbanwan sanya, ay nafabul Resin.

2 Krunika 16:3

Ay Asa nalong anya te, “Kaylat au nangawat sik nasadian sa emu, kata ta mesa mama at nawat. Nafabuba au emu sik famonun sanbung salapi ay gintu. Fai yud e masuad ya am nasadian Baasa, Israel at fun, laman glao ro siginan ku talun.”

2 Krunika 16:5

Ay Baasa nu nadungug kafag barita, anragang wan nu gfaksvn furuan Rama at alad.

2 Krunika 17:12

Nu katanya, ankaksvn yay Eusafat nu mabalyanan. Kanya nafawat sis talun Uda at mogat fag ngay fagsarigan ay ngay furuan fagfungsuan gutluan.

2 Krunika 8:6

Katanya yangay at nafakamulun sis furuan Baalat, ay fagayu at furuan fagfungsuan gutluan, ay at fagfasarirungan ngay kabayu ay faguyudan fag sakayan gina namawayan. Sulumun nafawat yangay nusnga setaw at fakaylatun sis Erusalem ay sis Lebanun ay fagdaul at fagfunanan fag talun.

Nu Galin 1:11

Nu katanya, ngay taw Igiptu nafili sik ngay taw madot laman gfangguna ngay taw Israel ay namaidapan siginan nu gfafakamulun at maidap. Ay kanya fagayu nafawat sa sangay taw Israel duak furuan daul, Pitum ay Rameses laman Igiptu at fun at fagfungsuan gutluan.

Isayas 9:1

Dewa katanya, tagidapan fag ngay taw at fagmadulumun kalyam ban. Ebi, Yawi nafabayan wan taw Sebulun ay taw Naftali at talun nu kapla. Dewa katanya, sik menit ban kanya gfasik masulo kafag duak talun. Sanya wan fag ngay talun ngay taw at dalan siginans tigyangan dagat tagsas Liskung Urdan. Kafag ngay talun, Galilea at fagagbilugun, at yud Udyu fag ngay taw at fagbanwanan.

1 Timuteu 6:10

Aroro fakesugun salapi, kanya wan fagsigadan fagayu fagmauriun. Tibak taw naubun wan at fagafanudun aroro kesug salapi, nu katanya, ngayu at fakabaluun.

2 Pedru 2:15

Kanya nasaruy at matuyan fag dalan ay nafaning Balaam, Beur at baguama, at ugali. Ay kaylat gbul famayad laman namakamulun at mauri.

Tagfangguna 20:1

Ngay taw Israel siginans Dan, Beerseba, ay Gilyad namaful sis Mispa, sis Yawi at daga salubangan.