2 Krunika 16:3 - Fanawbuid tagsibaliwas Fakayabian

³ Ay Asa nalong anya te, “Kaylat au nangawat sik nasadian sa emu, kata ta mesa mama at nawat. Nafabuba au emu sik famonun sanbung salapi ay gintu. Fai yud e masuad ya am nasadian Baasa, Israel at fun, laman glao ro siginan ku talun.”

2 Krunika 16:3 ပူးပေါင်းရင်းမြစ်များ

2 Samwel 21:2

Nu katanya, fun Dabid nafakamatoan ngay taw Gibyun. (Ngay taw Gibyun bunwa Israel at kasugfunanan nu bunway ngay taw Amur at sawad. Ay ngay taw Israel anke fatuyanan sa sangay taw Gibyun te, wa gfabul anya fagayu. Dewa katanya, Saul nafaskud gfabul anya fagayu, aroro kanya maksvn nu kesug ngay taw Israel ay ngay taw Uda.)

1 Fun 15:16

Asa ay Baasa, Israel at fun, gawayan gugat kaduge gfunan.

2 Krunika 16:2

Ay Asa nasugu laman namul ngay salapi ay gintu siginans fagfungsuan ngay ramraman sis Yawi at bale, ay siginan at sadili bale. Ay kanya nanamon sas fun Ben-Adad talun Aram at fun, tagbanwan sis furuan Damasku.

2 Krunika 16:4

Ay Ben-Adad naylat fun Asa at famonun ay nasugu at ngay fun tagfawayan laman namawayan ngay furuan sis Israel. Ay kanya nababo ngay furuan Iyun, Dan, Abel-Maim ay fagayu fagfungsuan gutluan sis talun Naftali.

2 Krunika 18:3

Ay Akab nainto sas Eusafat te, “O nangalo o angku laman namawayan Ramut-Gilyad?” Ay kanya nabalus te, “Sabv, mafalganan au nangalo emu, ay mafalganan kyangay gfaalo sa emu ku ngay tagfawayan laman namawayan.”

2 Krunika 19:2

Ay Yeu, Kanani fag taglong at baguama nafablang anya ay glong te, “Wain am fagnagubukun at mauri fag taw ay am fakesugun tagfawayan Yawi? Siginan takatanya Yawi kauri emu.

Alubad. 15:4

gaiyan ngay taw mauri, gfauseganan tua fagayu taw tagfaning Yawi, ay gfafasludan fagayu at fatuyanan dewa maidap,

Nu Galin 32:21

Ay Muisis nalong sas Arun te, “Nataw tuy fag ngay taw at nafakamulun sa emu am fagnafabayanun anya fagayu nu gasalanan?”

2 Kurintu. 6:16

Ay Dius at bale wa masine namadgaloan sat yud matuyan fag ngay fagsegan. Itam wan tagleleg fag Dius at bale. Ay Dius yangay at nalong te, “Gbanwan kban ay galo kanya fag ngay taw. Au ban kafag ngay taw at Dius, ay kanya ban fagayu ku ngay taw.”

2 Timuteu 3:3

Ay saman ya takatanya, we fakesugun, ay wa kalyam tibak taw at asalanan sa anya, ay kamuag glong sabaliwa at iba, ay wa saful gfaragang at sadili, ay masakit gfangauri, ay kauri nusnge wain at masine,

Tagfangguna 2:2

Nalong kyangay sa ayu te, ‘Lag am nangawat ay nasadian sa sangay tagbanwan sanya fag daga, abat ngate, rufai wan at ngay fagirugan.’ Dewa katanya, nataw ay nafakamulun? Wam nafaning ku longan!