2 Krunika 16:2 - Fanawbuid tagsibaliwas Fakayabian

² Ay Asa nasugu laman namul ngay salapi ay gintu siginans fagfungsuan ngay ramraman sis Yawi at bale, ay siginan at sadili bale. Ay kanya nanamon sas fun Ben-Adad talun Aram at fun, tagbanwan sis furuan Damasku.

2 Krunika 16:2 ပူးပေါင်းရင်းမြစ်များ

1 Fun 15:18

Ay Asa nasugu laman namul ngay salapi ay gintu siginans fagfungsuan ngay ramraman sis Yawi at bale, ay siginan at sadili bale. Kanya nafatigwanan sat ngay fagsuguan, ay nasugu anya fagayu laman namon sas Ben-Adad, Tabrimun at baguama, Kesyun at fufu, talun Aram at fun, tagbanwan sis furuan Damasku.

2 Fun 12:18

Ay fun Uas nabul at ngay famonun at mafasamanan sas Yawi, anggan at ngay mangaguyang Eusafat, Euram ay Aasya, Uda at ngay fun, at ngay famonun at mafasamanan. Ay nabul yangay fagayu gintu tagsi sangay fagfungsuan ramraman sit bale ay sis Yawi at bale. Ay Uas nafafosuk kanya fagayu sas fun Kasael. Nu katanya, Kasael wa nanamawayan ya Erusalem.

2 Fun 16:8

Akas nabul salapi ay gintu siginans Yawi at bale ay siginan at ngay fagfungsuan ramraman sit sadili bale ay nafabuba laman at famonun sas Asirya at fun.

2 Fun 18:15

Nu katanya, Esekyas nafon fagayu salapi tagsis Yawi at bale ay anggan tagsit bale daul at fagfungsuan ramraman.

2 Krunika 16:1

Gina sis fatuluk safulu e unumk banwa Asa nu gfunan, Baasa, Israel at fun nafawayan talun Uda, ay nafaksvn furuan Rama at alad laman we masakbo ay maduksun siginans Uda, fun Asa at talun.

2 Krunika 16:3

Ay Asa nalong anya te, “Kaylat au nangawat sik nasadian sa emu, kata ta mesa mama at nawat. Nafabuba au emu sik famonun sanbung salapi ay gintu. Fai yud e masuad ya am nasadian Baasa, Israel at fun, laman glao ro siginan ku talun.”

2 Krunika 28:21

Akas nanamul ngay fagagbilugun siginans Yawi at bale, ay siginan at sadili bale, ay siginan sangay tagfakamulun at ngay bale, ay nafon sas talun Asirya at fun. Dewa katanya, wa nke fanambagun sa anya takatanya.

Eremyas 49:23

Katatuy Yawi at longan sabaliwas Damasku: “Ngay taw Amat ay ngay taw Arpad kalimu at nadungug fag barita at malimu. Kanya fagayu gidapan ay gafanawa ay wa kagwanta kata dagat nu glugwak.