2 Krunika 15:7 - Fanawbuid tagsibaliwas Fakayabian

⁷ Dewa katanya, am maksvni tua ay lag kamomuy, aroro e fon ban fia ayu sa ay ngay nafakamulun.”

2 Krunika 15:7 ပူးပေါင်းရင်းမြစ်များ

Fakasigadan 15:1

Nu nlangfe ngayuk buknga, Yawi naringang sas Abram siginan sik taginfan. Nalong te, “Abram, lag o kalimu aroro au tagdiri emu. Ngayu ban ku fon sa emu.”

1 Krunika 28:20

Ay Dabid nalong yangay sat baguama Sulumun te, “Maksvni ay maseganamai. Fasigadi wan fawati. Lag o kalimu ay kamomuy, aroro Yawi, ku Dius galo emu. Kanya ban wa gubun ay wa gfabayan emu anggan antabu at bale.

2 Krunika 19:11

Ay nu e malong wayam sabaliwa Yawi at suguan, at namasine Amarya fag tagfon fanggalangun. Ay nu sabaliwa ay fun ay fagyudun mafasine, at namasine Sebadya Ismael at baguama fag tagfangguna Uda at gaban. Ay ngay taw Lebi gubuk ayu laman e fagmatuyanun tuam gugat. Maksvni tua nu gfakamulun am ay ngay fakamulun. Yawi ban nangus gufud tua ngay taw tagfakamulun at matuyan.”

2 Krunika 32:7

“Faksvni ay amatanganan ay maseganamai. Lag am kalimu ay kamomuy aroro sas Asirya at fun ay sat ngay tagfawayan ngayu. Aroro tagulit antam amabalyanan yap tua tagulit anya fagayu.

Alubad. 19:11

Ay am longan sik famararang sa angku am fagsuguan. Ay nu nafaning ktua ban takatanya e famonun ban daul sa angku.

Alubad. 27:14

Afanudi sas Yawi! Faksvni ay amatanganan, ay dangay kamomuy. Afanudi tua sa anya!

Alubad. 58:11

Ay ginanya ban ngay taw glong te, “Anud, at matuyan fag ngay taw e bulan fia, ay e Dius taginsaful sas fagdaul daga.”

Eremyas 31:16

Dewa katanya, Yawi nalong anya te, “Lag o gwayway ya aroro gfon kban sa emu famonun sas fagayu am nafakamulun. Am ngay baguama ban kafoli yay siginan at ngay fawayan at talun.

Daniel 10:19

Kanya nalong sa angku te, “Dius kesug tua emu; lag kalimu ay lag gamatangan. Fabitsugi am amatanganan.” Ay kanya nu nalong wan takatanya, ku fagmabitsugun anfoli wan. Ay nalong au sa anya te, “Fataglayuni wan nu garingang o, aroro nafabitsug tuo angku.”

Sakaryas 8:9

Ay Yawi at Mabalyanan nalong yay fia te, “Dungugani: ‘Mabitsugi ay ugatani gina am kawat Yawi at bale.’ Ebi, ngay taglong at nafadog nawat Yawi at Mabalyanan at bale at fagfatungkudan turuk, nalong wan takatanya.

Mateu 5:12

Useganani ay aylati dewa katanya, aroro ngayu ban Dius at fon ayu sas banwa at maksvn nu masine. Aroro katanya yangay nu e gfauri Dius at ngay taglong at naguna ayu.

Mateu 5:46

Ay fakesugun nu takesug way lang ayu, wa ban am e fagfanyaun at masine siginans Dius. Aroro anggan ngay tagbul famayad laman sas fun kesug yangay takesug anya.

Mateu 6:1

“Lag gfakamulun at masine, kanya nu ay famalagan way lang ay iba. Nu katanya way ay fakamulun, wa ban am e fagnamulun at masine siginan ay Mama sas banwa.”

Mateu 6:18

laman ngay taw wa sumaful te, katsi mangaro wo gfangon laman gdarangin, nu bunway am fagyudun glag fag Mama tagsaful. Ay am Mama taglag am fakamulun at masuksukan, namon at masine sa emu.

Mateu 6:4

laman masuksukan nu gfon am. Ay ay Mama wan taglag ay fakamulun at masuksukan, namon at masine sa ayu.”

Mateu 6:6

Ay o nu gdarangin o, sakboi way sam bale sa sik suluk, ay dingdingi way am sakbawan, ay darangini sam fagyudun glag fag Mama. Ay am Mama taglag am fakamulun at masuksukan, mon ban fia at masine sa emu.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

1 Kurintu 15:58

Nu katanya, ku fakesugun fag ngay faduksay, faksvni ay amatanganan, ay dangay glamlamangan. Ay kabavn maseganamai tua nu gfakamulun am tam Fun at fakamulun, dakngani saful am te, wa ban umfangulan fagayu ay nainlufuyan.

1 Kurintu 16:13

Mafalganani tua ay maksvni ay fagafanudun, magarasi tua ay mabakvdi.

1 Kurintu 3:14

Ay nusnga sinu fag taw at nawat nu ddi nirug, kanya ban fag takawat mul tua Dius at fon laman sa anya.

1 Kurintu 3:8

Tagtanum ay tagfarugme gsud tagfakamulun, ay Dius gfon ban sa anya fagdua at bulan kata at mesa nafakamulun.

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

Kulusas 3:24

aroro saful wam te, mul ban am tam Fun at famonun at nafalganan sa ayu. Tam Fun Isus wan tam Fun ay kanya ay fagfaningan.

Ebreu 10:35

Nu katanya, lag am kamomuy ay amatanganan aroro e famonun at mafalganan sa ayu.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Uswe 1:6

Maksvni tua ay maseganamai, aroro o wan at nanfunan ngay taw, laman ban kanya fagayu magbilug ku nafatuyanan sat ngay mangaguyang fag talun.

Uswe 1:7

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.

Uswe 1:9

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”

Uswe 14:14

Dasug katsi, kanya gagbilug furuan Kebrun aroro Kaleb matuyan tua nu gfaning Yawi, Israel at Dius.

2 Uan 1:8

Nu katanya, mafalganani tua, laman ban di nfangulan ay nainlufuyan ay mul tua ban am at famonun.

Rut 2:12

Nu katanya, Yawi ban nangus gfon emu nusnge wain aroro sam ngay nafakamulun. Yawi, Israel at Dius, am fakakbangan gfamut yay ban at ngay fon emu.”