2 Krunika 15:16 - Fanawbuid tagsibaliwas Fakayabian

¹⁶ Ay fun Asa naiyan yangay at fufuina Maaka fag fun mangena, aroro kanya nafawat at maksvn nu mauri fag turuk fagtoglagan Asera fag fagsegan. Ay Asa nafafuan ay nafabalse kafag turuk, ay nafairug sis Liskung Kidrun.

2 Krunika 15:16 ပူးပေါင်းရင်းမြစ်များ

1 Fun 15:10

Kanya nafunan sis Erusalem kaduge ufatk safulu e sadik banwa. At fufuina Maaka, Absalum at baguina.

1 Fun 15:2

Kanya gbanwan sis Erusalem ay nu gfunan tuluk banwa. At mina Maaka, Absalum at baguina.

2 Fun 23:12

Usyas nasugu laman giklas Uda at ngay fun at nafawat fag ngay fagirugan sis Akas at tungud bale, ay Manase at nafawat fag ngay fagirugan sis Yawi at bale at duak fagaweanan, ay kanya narufa wan kafag ngay fagirugan ay naukas sas Liskung Kidrun.

2 Fun 23:15

Usyas nasugu yangay laman grufa fagirugan tagsisad basad bale fagnansegan sa tangabat fag buknga sis furuan Betel. At nafawat kafag bale, Erubuam, Nebat at baguama, at nafae asalanan ngay taw Israel. Usyas nasugu laman namuan ay nangirug tagsanya fag ngay turuk fagtoglagan Asera fag fagsegan.

2 Fun 23:4

Ay sanya ginan, fun Usyas nasugu Kilkya fag fun tagfon fanggalangun, fagayu tagsit daga vtv fag ngay tagfon fanggalangun ay ngay tagulit Yawi at bale at ngay sakbawan, laman namaduksun siginans Yawi at bale, ngay fagagbilugun gina gseg Baal ay Asera, ay fagayu tagdamlag sis banwa. Fun Usyas nasugu anya fagayu laman nangirug kafag ngay fagagbilugun sas day furuan Erusalem, sas Liskung Kidrun, ay kanya fagayu nabuba at nagdafugan sas Betel.

2 Fun 23:6

Ay fun Usyas nasugu yangay sa kafag ngay taw laman namaduksun siginans Yawi at bale turuk fagtoglagan Asera fag fagsegan ay namuba sas day Erusalem, sas Liskung Kidrun, ay nangirug. Sanya ginan, kanya fagayu narufa ay nafarapyag at dafug sas fagfolian.

2 Krunika 15:17

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Dius.

2 Krunika 29:16

Ngay tagfon fanggalangun nasakbo sas Yawi at bale laman namasine. Ay kanya fagayu nafaduksun fagayu fagagbilugun at natuyan te, mauri. Ay ngay taw Lebi nabuba kanya fag ngay fagagbilugun sas Liskung Kidrun.

2 Krunika 30:14

Kanya fagayu naiklas wan fagayu fagirugan fanggalangun ay famaebebanglu fag lune laman sa sangay fagsegan, ay naukas wan sas Liskung Kidrun.

2 Krunika 34:7

Ay kanya nafaiklas yangay ngay fagirugan fanggalangun, ay nafarufa ngay turuk fagtoglagan Asera fag fagsegan, ay nafarufa yangay tibak ngay fagsegan, ay anggan ngay fagirugan ngay famaebebanglu. Ay nu nafakamulun wan takatanya sas fagdaul talun Israel, kanya noli wan sas Erusalem.

Nu Galin 32:20

Ay sanya ginan, Muisis nabul kafag ngay taw at nawat fag fagsegan baka riangan, ay nairug, ay narufa kata lukbu ay nafagfag sas mamam, ay nafainum sa sangay taw Israel.

Nu Galin 34:13

Abat ngate, nanrasras yakman am at ngay fagirugan ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan.

Lebitiku 26:30

Nanrasras kwan ay ngay fagnansegan ay ay fagirugan famaebebanglu fag fanggalangun tagsi sangay buksul. Gukas kban ay ngay bilug sa ay ngay tungud fagsegan at yud gleleg, ay gaiyan kban ayu.

Sakaryas 13:3

Ay nu e glong yay ban gugat te, ‘Sik taglong au, ay fagayu ku longan siginans Yawi,’ at fagtainan wan at nangurus anya aroro kamuag.

Markus 3:21

Ay Isus at ngay kalongan nu nasaful takatanya, nalao laman nantaban anya, aroro kafag ngay taw glong te, “Kanya nalyam at amatanganan.”

Uan 18:1

Isus nu ntabu gdarangin, kanya nalao wan gadgaloan at ngay tagadal ay nagvtvs datag Kidrun ay nasa sik tanuman ulibu.

2 Kurintu. 5:16

Nu katanya, siginan katsi wami gamatangan ya sabaliwas taw, kata takalag fagayu nusnge wain. Ebi taguna katanya way nu gtoglag ami tam Fun Isus, ay katsi di katanya.

Deuterunumyu 33:9

Kanya fagayu nafalag sa emu at fagmatuyanun, gtungud yay at ngay fagtainan ay at ngay faduksay, ay at ngay sisian at fagmatuyanun. Ay nafaning fagayu am suguan ay galaga tua am nasadian.

Deuterunumyu 7:5

Abat ngate, nanrasras yakman am at ngay fagirugan, ay nanrufa am at fagsegan fag ngay gang, ay namuan am at ngay turuk fagtoglagan Asera fag fagsegan, ay nangirug am at ngay fagsegan.

Deuterunumyu 9:21

Ay sanya ginan, nabul au ay nawat fag fagsegan baka riangan, at nafae asalanan ayu, ay nairug au, ay narufa au kata lukbu ay nafalimus sasad liskung tagfamilugan siginans buksul.