2 Krunika 14:2 - Fanawbuid tagsibaliwas Fakayabian

² Asa nafakamulun at masine sit Dius Yawi at daga salubangan.

2 Krunika 14:2 ပူးပေါင်းရင်းမြစ်များ

1 Fun 15:11

Asa nafakamulun at masine sis Yawi at daga salubangan, kata at mangaguyang Dabid.

1 Fun 15:12

Kanya naiyan ngay mangama ay mangena tagfaebayad siginans talun ay nafaukas fagayu fagsegan at ngay mangaguyang at nafawat.

1 Fun 15:14

Ay Asa deyud naiklas ngay fagnansegan sa tangabat fag ngay buknga, kaduge kanya gleleg matuyan tua gugat sas Yawi.

2 Krunika 14:1

Ay Abya anbul ay nanamoli anya sas Dabid at furuan, ay at baguama Asa natubus anya laman sik fun. Ay gina kanya gfunan anke fagmanabayanun sas talun Uda, kaduge safuluk banwa.

2 Krunika 14:3

Kanya naiklas ngay fagirugan fanggalangun, at fagnamonan sat yud matuyan fag ngay fagsegan, ay ngay bale fagnansegan sa tangabat fag ngay buknga. Ay kanya narufa yangay famamatang fag ngay gang, ay nagatvng ngay turuk fagtoglagan Asera fag fagsegan.

2 Krunika 15:16

Ay fun Asa naiyan yangay at fufuina Maaka fag fun mangena, aroro kanya nafawat at maksvn nu mauri fag turuk fagtoglagan Asera fag fagsegan. Ay Asa nafafuan ay nafabalse kafag turuk, ay nafairug sis Liskung Kidrun.

2 Krunika 17:6

Ay kanya gfaning tua Yawi at ngay balyawvtan. Kanya nanamaiklas ngay fagnansegan si tangabat fag ngay buknga, ay anggan ngay turuk fagtoglagan Asera fag fagsegan sis talun Uda.

2 Krunika 20:32

Eusafat nafaning tua at mama Asa at ugali ay matuyan at nafakamulun. Nafakamulun at masine sis Yawi at daga salubangan.

2 Krunika 21:12

Ay taglong Elyas nariruk sas Euram te, “Katatuy Yawi at longan, am mangaguyang Dabid at Dius. Glong te, ‘Wo nafaning am mama Eusafat ay am fufuama Asa at ugali. Kanya fag dua at nafunan yangay sis Uda.

2 Krunika 31:1

Ay nu ntabu wan at fagmafulun, at maful fag ngay taw Israel nalao sa sangay furuan tagsis Uda, ay kanya fagayu narufa fagayu famamatang ngay fagsegan fag ngay gang, ay ngay turuk fagtoglagan Asera fag fagsegan. Ay kanya fagayu naiklas yangay ngay fagnansegan si tangabat fag ngay buknga sis talun Uda, sis Benamin, Efraim, ay Manase. Ay nu naiklas wan kanya fag ngay fagsegan ay fag ngay fagnansegan, ngay taw Israel noli wan sat ngay furuan ay sat ngay mesa daga.

2 Krunika 31:20

Kata kanya fun Esekyas at nafakamulun sas fagdaul talun Uda. Kanya nafakamulun at masine ay at matuyan, ay kanya matuyan sat Dius Yawi at daga salubangan.

2 Krunika 34:7

Ay kanya nafaiklas yangay ngay fagirugan fanggalangun, ay nafarufa ngay turuk fagtoglagan Asera fag fagsegan, ay nafarufa yangay tibak ngay fagsegan, ay anggan ngay fagirugan ngay famaebebanglu. Ay nu nafakamulun wan takatanya sas fagdaul talun Israel, kanya noli wan sas Erusalem.

Nu Galin 23:24

Lag ban am nanseg ay namaning at ngay fagsegan kata kafag ngay taw at fakamulun. Falyami at ngay fagsegan ay rufai tagfamatang fag ngay gang.

Lukas 1:75

ay laman masine tua ay matuyan tua tam fakamulun sis Dius at daga salubangan, kaduge tam gleleg.

Deuterunumyu 12:3

Iklasi yangay ban anggan at ngay fagirugan, ay rufai ngay gang tagfamatang anya, irugi ngay turuk fagtoglagan Asera fag fagsegan, ay rufai yangay at ngay tawtawan tagfatoglag at ngay fagsegan laman ban wa kamatang ya ste fag daga.