2 Krunika 13:5 - Fanawbuid tagsibaliwas Fakayabian

⁵ O nunda wam nasaful te, Yawi ngay taw Israel at Dius, wa nawat at nasadian sas Dabid te, siginan tua ban gugat at kasugfunanan at nanfunan talun Israel kabavn?

2 Krunika 13:5 ပူးပေါင်းရင်းမြစ်များ

2 Samwel 10:13

Nu katanya, Uab ay at ngay tagfawayan nanamawayan, ay ngay taw Aram nalagyu.

1 Fun 8:20

“Ay katsi, Yawi nafafasludan at fatuyanan. Natubus au ku mama Dabid, ay katsi gfunan au ngay taw Israel kata Yawi at nafatuyanan. Ay nafawat kwan tuy fag bale laman fagnamauseganan Yawi, Israel at Dius.

1 Krunika 17:11

Ay nu nbul ban o namoli emu sa am ngay mangaguyang at fagfolian, ku fantubus ban emu am baguama tua at sadi, ay gfaksvn kban at fagfagtainanan.

1 Krunika 17:14

Ay namasik fun kban anya sa ku ngay taw, ay siginan tua ban gugat at kasugfunanan tagfunan kabavn.’ ”

2 Krunika 6:16

Yawi, Israel at Dius, fafasludani yangay at sadi am fatuyanan sam fagsuguan Dabid ku mama. Nalong o anya te, ‘Siginan tua ban gugat am kasugfunanan at nanfunan sa sangay taw Israel nu gfaning tua ban fia ku ngay suguan kata am nafakamulun.’

Nemyas 5:9

Ay gfataglayun au glong te, “Wa masine ay fakamulun. Banwani tua suyui Dius, laman tam fawayan fag ngay talun at taw di gfalingun antam.

Fangatulun 1:29

Aroro wam kaylat gfayfoyung, ay wam gsuyu Yawi.

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Esekyel 43:24

ay namon o sas Yawi. Ay ngay tagfon fanggalangun gfaragfag yay asin sa sangay fanggalangun gina namon sas Yawi.

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Lebitiku 2:13

Fasuglati barara sa ay famauseganan fag fanggalangun, aroro barara sik fagtoglagan te, masadi tuam gugat sas Yawi. Nu katanya, masine nu gfasuglat am barara sas fagayu ay fanggalangun.

Tap 18:19

Gfon au sa ayu ngay taw Israel at nafabat fag ngay fanggalangun laman sa angku. Kanya wan am ay am ngay kaiban at ngay afud kabavn ban. Katatuy ku nasadian sa emu ay sam ngay kaiban, ay di ginbalian kabavn ban.”

2 Pedru 3:5

Kafag ngay taw at algan wan kalyam te, Dius at nawat tam kiwang siginan at longan. Ay kanya nawat daga siginan sad mamam.

1 Samwel 16:1

Ginanya, Yawi nalong sas Samwel te, “Seduge tua ban nu kabalu o at kinfasludan sas Saul? Kwa kaylat ya anya nu gfunan. Katsi ro, namapnu o langis sas sunge fag fagsuadan ay loi sas Ese sas furuan Betleem aroro nafili au at baguama at sadi laman sik fun.”

1 Samwel 16:12

Nu katanya, Ese nafauro Dabid ay nafakbang sas Samwel. Dabid sik maseganama fag baguama, ay masine at kamatan. Sanya ginan, Yawi nalong te, “Kanya wan ku nafili, ugwagi sat alfuyu langis.”