2 Krunika 10:8 - Fanawbuid tagsibaliwas Fakayabian

⁸ Ay Reubuam wa nafaning kanya fag ngay fagtainan at fangatulun. Abat ngate, nu nanget fangatulun sa way at ngay mabaguama sat ngay fagsud at kin-gurang gasfuan anya.

2 Krunika 10:8 ပူးပေါင်းရင်းမြစ်များ

2 Samwel 17:14

Nu katanya, Absalum ay anggan at ngay tagfakamulun sis Israel glong te, “Kusay at famalun, amasine yap tua sas Akitufel at famalun.” At mafanud, Akitufel tua at famalun at matuyan, dewa katanya, Yawi naylat Absalum nu yud gfaning, laman kanya gababawan.

2 Krunika 10:9

Ay Reubuam nainto sa anya fagayu te, “Tain ay fangatulun ku famalus sa kafag ngay taw at nalong angku te, ‘Faagani yap am mama at nafabuba sa emi fag famubaun.’ ”

Fangatulun 1:25

ay wam yangay nafae masuad ku fansalag ayu fag ngay fangatulun.

Fangatulun 13:20

Kabavn am fadgaloan nu sik taw tua at ke fagsafulun, umke fagsafulun yangay o, dewa katanya, am fadgaloan nu sik yud way mamatanganan, umfaurianan ban o.

Fangatulun 19:20

Dungugani ay faningi at fangatulun sa emu, ay umdasug ban sik menit, umke fagsafulun tuo.

Fangatulun 25:12

Takaylat gdungugan, at ke fagsafulun at ngay famalun, gtungud yay ngay sulman ay tiba yak famasine at mawatan siginans gintu.

Fangatulun 27:10

Lag gfabayan am fagadgalangan, ay anggan am mama at fagadgalangan, laman nu nke fagidapun o, wo nanget ya gubuk sam faduksay tangayayu. Aroro amasine yap nu am fasabale am fagnangetan gubuk, nu gamut sam faduksay tangayayu yay.

Fangatulun 9:9

Nu nafoyung o sik taw at ke fagsafulun kafamut ro at fagsafulun. Ay nu nafoyung o sik taw at matuyan, kaugat yay ro at fagsafulun.

Takamoyung 10:16

Afanyuan sik furuan daul at fun at amatanganan nu kata way sik sisian, ay at ngay tagfangguna at fakaylatun nu sa way gugat sfagmafulun at ke ngay fakonun.

Isayas 30:1

Yawi nalong te, “Afanyuan ku ngay sisian takamabo. Kanya gfalganan sik ngay algan deyud gfadiuganan angku, ay nanangasadi sa tibak taw dewa yud au e longan. Takatanya at fakamulun gfayu way at asalanan.