2 Krunika 1:2 - Fanawbuid tagsibaliwas Fakayabian

² Ay Sulumun nafakamatoan fagayu taw Israel, ay ngay tagfangguna ngay tagfawayan, ay ngay tagwabilug, ay fagayu tagfangguna sis Israel, ay fagayu tagfangguna ngay talanan.

2 Krunika 1:2 ပူးပေါင်းရင်းမြစ်များ

1 Fun 3:4

Sik menit, fun Sulumun nasas furuan Gibyun aroro sanya takadungug fag fagnansegan si tangabat fag buknga, ay kanya nafon sadik libuk fagirugun fag fanggalangun.

1 Krunika 13:1

Dabid nafakamatoan at ngay tagfangguna, ay at ngay fun tagfawayan, ay ngay tagfangguna ngay tagfawayan.

1 Krunika 15:12

Ay kanya nalong sa anya fagayu te, “Am fag ngay tagfangguna ngay talanan tagsiginans Lebi at kasugfunanan, fasinei ay ngay sadili, gasfuan ay ngay kaiban fag ngay taw Lebi, laman manamuba am Israel at Dius Yawi at Fagsuadan Nasadian sa ku nafalganan fag bale.

1 Krunika 15:3

Ay Dabid nafaful fagayu taw Israel sas Erusalem at namuba Yawi at Fagsuadan Nasadian sat nafalganan fag bale.

1 Krunika 24:31

Kata Arun at ngay gaban at nafakamulun, kanya fagayu nafafidfilian yangay laman saful at ngay fanambagun, nusnga seyu at banwa. Kanya fagayu nafakamulun sis salubangan fun Dabid, ay Saduk, Akimelek ay tagfangguna ngay tagfon fanggalangun at talananan, ay taw Lebi.

1 Krunika 24:4

Ay kanya nafud yangay sas labi unumk afud Elyasar at gaban, ay nafud yangay sas waluk afud Itamar at gaban, aroro sis Elyasar at talanan ayu yap tua tibak gaban at ngay tagfangguna.

1 Krunika 27:1

Kayu tuy ngay taw Israel tagfangguna ngay tagfawayan, ay tiba tungud fag ngay tagfangguna at tagfakamulun sas fun. Galay sik gaban e duak safulu e ufatk libuk tagfawayan, ay gfakamulun kaduge sik magdanun galay banwa.

1 Krunika 28:1

Fun Dabid nafauro ngay taw Israel at ngay tagfangguna: fagayu tagfangguna ngay kasugfunanan, tagfangguna ngay tagfawayan tagfakamulun sas fun, ay tiba yak tagfangguna ngay tagfawayan tangayu, ay tagfangguna tagfakamulun sas fun ay sat ngay sisian laman galaga at ngay fagagbilugun, ngay fagbaugun, ay fagayu tagfangguna sis fun at bale daul, ay at ke fagmabalyananun fag ngay taw, ay fagayu tagfawayan at maseganama.

1 Krunika 29:1

Ay sanya ginan, fun Dabid nalong sas fagayu taw Israel te, “Dius nafili ku baguama Sulumun, ay kanya mabaguama yay ay ye nagdalanan. Maksvn tuy fag fakamulun aroro at fagnamawatun fag bale bundi sas taw, sa tua tam Dius Yawi.

2 Krunika 1:3

Sanya ginan, Sulumun ay fagayu taw nalao sas fagnansegan si tangabat fag buknga sis furuan Gibyun, aroro sanya way Dius at bale. Kanya fag Bale, Yawi at taglong Muisis at nafawat sis talun at yud e taw.

2 Krunika 29:20

Ay balabag di sbalabag, fun Esekyas nafaful at ngay tagfangguna at furuan, ay nalao sas Yawi at bale.

2 Krunika 30:2

Fun Esekyas ay at ngay tagfangguna, ay anggan fagayu taw tagbanwan sis Erusalem ansadi te, nanmaful ban sabaliwa Tagbarita nu Glangfe galay sis faduak magdanun.