2 Krunika 1:1 - Fanawbuid tagsibaliwas Fakayabian

¹ Sulumun, Dabid at baguama nu gfunan sit fagfagtainanan ankaksvn, aroro at Dius Yawi gufud tua anya, ay nafasik mabalyanan.

2 Krunika 1:1 ပူးပေါင်းရင်းမြစ်များ

Fakasigadan 21:22

Ginanya fag buknga, Abimelek gadgaloan at fun tagfawayan, Fikul, ay nalao sas Abrayam ay nalong te, “Anud Dius nagubuk emu sas fagayu am fakamulun.

Fakasigadan 39:2

Yawi gufud tua Use, nu katanya, kanya manabayan tua. Use gbanwan sit tagfayafun Putifar at bale.

Fakasigadan 39:21

Yawi gufud tua gugat anya. Aroro sas Yawi at fagmasineun, tagulit fagubungan magalang tua sas Use.

Fakasigadan 39:3

Putifar nalag te, Yawi gufud ay nafamanyun Use sas fagayu at fakamulun.

1 Fun 2:12

Sulumun natubus at mama Dabid nu gfunan ay ankaksvn at fagmafunanun.

1 Fun 2:46

Sanya ginan, fun Sulumun nasugu sas Benaya, Euyada at baguama, laman namabul Simei. Benaya nataban Simei sas lod ay nafabul. Nu katanya, fun Sulumun ankugat yay nu gfagtainan.

1 Krunika 17:8

Naufud au emu dewa nday nu glao o ay nafababo au emu sas fagayu am ngay fawayan. Ay katsi namasik takadungug au emu kata tibak taw takadungug sas fagdaul daga.

1 Krunika 22:11

“Nu katanya, ku baguama, Yawi ban nangus galo tua gugat emu ay manabayan tua ban nangus nu gfalindug o sik bale laman sam Dius Yawi, kata at nalong emu am fagnamakamulunun.

1 Krunika 22:16

at mawatan siginans gintu, salapi, tansu ay sanbung. Fasigadi wan nu gfawat o Yawi at bale, ay Yawi ban gufud emu.”

1 Krunika 29:23

Nu katanya, Sulumun namalunggung sis Yawi at faglunggungan laman sik fun, fantubus at mama Dabid. Ay Sulumun anke ramraman, ay fagayu taw Israel nafaning Sulumun.

1 Krunika 29:25

Yawi nafasik takadungug Sulumun sas fagdaul talun Israel ay nafon famauseganan, tibak fun sis Israel at yud nadalan.

1 Krunika 29:30

Ay anriruk sa kafag ngay taglong at fagrirukan nu setain nu gfunan ay nu se aksvn nu mabalyanan, nu setain fagayu at kinfasludan sa anya ay sas Israel, ay sat ngay tagligung si anya fag ngay fagfagtainanan.

2 Krunika 32:23

Ay ngayuk taw at nabuba at ngay fanggalangun sas Erusalem laman sas Yawi. Ay kanya fagayu nafadasug yangay sas fun Esekyas at mafilian fag ngay famonun. Ay siginan ginanya fagayu talun gfauseganan fun Esekyas.

Nu Galin 3:12

Dius glong te, “Gufud kban emu. Katatuy tagfatuyan te, au at nasugu emu: nu nafalfas ban o ngay taw Israel siginans talun Igiptu, nanseg ban am angku stie fag buksul.”

Mateu 28:20

Foyungi sa anya fagayu, laman gfaning fagayu ku longan sa ayu. Matuyan, si ktua ban gugat ayu, sitsigons fagdaul daga at fakatabuan.”

Uswe 3:7

Ay Yawi nalong sas Uswe te, “Katsi fag menit, gfauseganan au emu si sangay taw Israel at daga salubangan laman sumaful am te, gufud au emu kata nu gufud au Muisis.