2 Fun 9:3 - Fanawbuid tagsibaliwas Fakayabian

³ Sanya ginan, buli sik langis, ay ugwagi sat alfuyu ay longi te, ‘Yawi nalong te, nafili au emu laman Israel at fun.’ Nu nafakamulun wo takatanya, luangi sakbawan ay tarungi wan.”

2 Fun 9:3 ပူးပေါင်းရင်းမြစ်များ

1 Fun 1:34

Ay nu ndasug am sanya, rarusi langis sat alfuyu laman gfasaful te, kanya wan ku nafili at nanfunan Israel. Sanya ginan, fawangi ngay budyung ay uroi te, ‘Mabayan fun Sulumun!’

1 Fun 19:16

Ay rarusi yangay langis sas Yeu, Nimsi at baguama, laman fagtoglagan te, kanya wan Israel at fun, ay anggan sas Elisyu, Safat at baguama, fag taw Abel-Mekula, fantubus emu laman sik taglong.

2 Fun 8:13

Kasael nainto te, “O nunda sik idu au? Tain ban nu mafakamulun au takatanya?” Ay Elisyu nabalus te, “Yawi nafasaful sa angku te, umsik fun ban o sas talun Aram.”

2 Fun 9:6

Ay Yeu anlindug ay nasakbo sanya fag bale. Sanya ginan, kanya fag taglong naugwag langis sas Yeu at alfuyu ay nalong te, “Katatuy Yawi, Israel at Dius, at longan: nafili au emu laman ku ngay taw Israel, at fun.

2 Krunika 22:7

Aasya nu gsibo Uram, kanya wan Dius at balyawvtan laman gfabul Aasya. Gina Aasya sis Esreel, kanya nanangalo Euram laman gfawayan Yeu, Nimsi at baguama. Yeu wan Yawi at nafili laman namabul Akab at kalongan.

Nu Galin 29:7

Namul yangay o langis ay ugwagi sas Arun at alfuyu sik fakatoglagan te, nafatigwanan o anya sa angku.

Daniel 2:1

Gina sis faduak banwa fun Nabukudunusur nu gfunan, kanya malayun nu gtaginfan. Ay at ngay taginfan gfasalag gugat anya, nu katanya, kanya wa gatiugun.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Lebitiku 8:12

Sanya ginan, kanya naugwag langis sas Arun at alfuyu laman famatoglag te, sik nafili laman sas Yawi.

Mateu 10:16

“Katsi gsugu au ayu kata sik ngay tupa sas wa idu talun. Ay am, mamatangani tua kata ule nu mamatanganan, ay katai yangay sik labikung nu magup.

Mateu 2:13

Ay kafag ngay mamatanganan fag taw nu nalo wan, tam Fun at tagbarita at sadi ansure sas Use sit taginfan ay glong anya te, “Afuloi wan, ay tabani masakit am talanak sas talun Igiptu. Ay sanyai yap gugat yakmay au gdog nalong emu. Aroro fun Erudes grvbvy ay ngenge laman namabul.”

Mateu 26:7

Ay sik mangena ankakbang sas Isus gbuba famaebebanglu at yud e suglat at mabyat nu kabayad, at fagsuadan mawatan siginans gang alabastru. Ay kanya naugwag at ba famaebebanglu sas Isus at alfuyu kaduge Isus malunggung gfangon.

1 Samwel 10:1

Sanya ginan, Samwel nabul langis ay nabusbus sas Saul at alfuyu. Ay kanya naugwan Saul ay nalong te, “Yawi nafili emu laman at nanfunan at ngay taw Israel.

1 Samwel 15:1

Samwel nalong sas Saul te, “Ebi Yawi nasugu angku laman nangugwag langis sa emu famasaful sa sangay taw Israel te, o wan at nafili fag fun. Nu katanya, dungugani Yawi at longan te,

1 Samwel 15:17

Samwel nalong te, “Nu gdama o am sadili dewa o sik mafalingun, Yawi nafili tua emu laman ngay taw Israel at fun.

1 Samwel 16:2

Dewa katanya, Samwel nalong te, “Tain ro nu manangadasug au sanya? Aroro Saul ro nu nasaful way, gfabul ro angku.” Yawi nalong te, “Tabani sik baka tina tumad ay longi ro te, ‘Andasug au laman namon fanggalangun sas Yawi.’

1 Samwel 9:16

“Balabag ban kata katsi, gsugu kban sa emu sik taw tagsiginans Benamin. Rarusi ban sat alfuyu langis fakatoglagan te, kanya wan ku nafili at namunan ban ku ngay taw Israel. Kanya ban at namalangfe ku ngay taw siginan ngay taw Filistia, aroro nalag au ku ngay taw nu gidapan ay nadungug au nu get gubuk.”